فى اليومين الي فاتت السيد رئيس مجلس الوزراء حمدوك دعاء الأمم المتحدة لتفعيل البند السادس, وعلية فى ناس افتكرت ان حمدوك عايز يجيب تدخل اجنبى للبلد او حماية لحكومتة وبدات تروج لكلام هو غير صحيح. انا حااشرح البند السادس دا بشكل مختصر ودارجى بس قبل مااشرح البند السادس, ⏬ #السودان
هل تعلم ياسودانى ان الامم المتحدة الموجودة من زمن الحكم السابق هى موجودة فى السودان بالبند السابع؟ وهى متمثلة فى قوات الامم المتحدة والاتحاد الافريقى, البند السابع دا شنو؟ البند السابع ان الامم المتحدة بتدخل فى المناطق الموجود فيها حروب دايما لكن بيجبو معاهم ⏬ #السودان
قوات عشان تحمى موظفين الامم المتحدة من اى هجوم ممكن يتعرضو ليه اثناء تادية مهامهم الاممية, يعنى بالمختصر كدا مابيشيلو اسلحة ويمشو يضربو او يعتدو على جهة. طيب دا البند السابع. حاليا السودان فى فترة مفاوضات متعلقة بالسلام وبغض النظر ان المفاوضات ناجحة ولا لا, ⏬#السودان
كلنا شفنا انه حملت السلاح وقعت على اتفاقية وقف الحرب فى فترة المفاوضات دى, الكلام دا معناتو شنو؟ معناها فى سلام بدا وبما انه فى سلام بدا فى بند اسمة البند السادس فى الامم المتحدة يمكن لاى جهة او بلد هو عضو فى الامم المتحده يطالب بتفعيلة والبند دا ⏬#السودان
مابتفعل الا حملة السلاح يختو سلاحهم ويقبلو بالسلام او حتى لو العملية التفاوضية للسلام, فائدة البند السادس شنو والسودان حيستفيد منه شنو؟ اول حاجة يامواطن ياسودانى لازم تعرف ان اى بلد عضو فى الامم المتحدة بتدفع قروش مقابل عضويتها والقروش دى بتكون قاعدة ⏬#السودان
تقدر اى بلد تستفيد منها وتطالب بيها عبر البند السادس من قانون الامم المتحدة, والقروش دى دائما بتدخل فى تنمية واصلاح التعليم, حتى فيما يتعلق بموضوع الصرف المتعلق بهياكل الدولة, ماتنسو انه الجهات البتتفاوض فى عملية السلام حاليا⏬#السودان
لما توافق على عملية السلام حيجو راجعين البلد واكيد عايزين يلقو فرص عمل, تعليم علاج او باختصار يقدرو يعيشو حياة طبيعية, وزى ماكلنا عارفين وضع السودان الان من النواحى الاقتصادية فعلية حمدوك لازم يستفيد ويفيد السودان, كل الدول الثانية حتى الاوربية استفادت كثير من البند دا ⏬#السودان
والان جاء دور السودان ليستفيد من الاموال دى ⏬#السودان
جاري تحميل الاقتراحات...