طيب، وقت الزول المنتظره متأخر في الزحمة، ما #نتونس_بزنس شوية...
نقوم نتكلم عن الناس العندها قروش بتفتكر انها راس مال كويس، وما عارفين يعملو بيهو شنو. والناس الدايرة تحفظ قروشها ما تخسر قيمتها، ودايرين يختوها دولار، او اراضي او عربات...
ارح ??
نقوم نتكلم عن الناس العندها قروش بتفتكر انها راس مال كويس، وما عارفين يعملو بيهو شنو. والناس الدايرة تحفظ قروشها ما تخسر قيمتها، ودايرين يختوها دولار، او اراضي او عربات...
ارح ??
طيب تعالو اول نعاين للموضوع التاني، نحن بنحفظ مدخراتنا في شنو، وليه زاتو؟
طبيعي لم يكون عندنا مال مدخر، وفي اقتصاد وضعه صعب زي بتاعنا دا نقول "تعالو نخته في حاجة ان ما كسبت ما تخسر"، لكن هنا في معضلة، ان اي حاجة ثابتة في مكانها بتخسر قصاد حاجة متحركة اكثر، مثلاً
??
طبيعي لم يكون عندنا مال مدخر، وفي اقتصاد وضعه صعب زي بتاعنا دا نقول "تعالو نخته في حاجة ان ما كسبت ما تخسر"، لكن هنا في معضلة، ان اي حاجة ثابتة في مكانها بتخسر قصاد حاجة متحركة اكثر، مثلاً
??
الجنيه بيخسر قصاد الدولار، والدولار بيخسر قصاد الدهب، والدهب بيخسر قصاد الاسهم والبورصة. ومحددات الربح والخسارة محددات كتيرة جداً في الادخار بشكل عام، وبالتالي الحل الامثل لحفظ المدخرات هو انو نوظفها في حاجة متحركة، يعني بطريقة او باخرى "بزنس" نعمله نحن، او نديهو زول يعمله..
??
??
وعشان الكلام الفوق دا اصلاً ظهرت اسواق البورصة العالمية، عشان قروشنا، وان بقت حبة، فتجميعها لتمويل بزنس كبير شغال وناجح حفظ جيد ليها، وتمويل رخيص الفوائد للبزنس الناجح دا. اما حفظها في شكل بتاع اصول (زي عربية وبيت الى آخره الى آخره زي ما بقول حمدوك) فاثره غير معروف خالص
??
??
واثره بالحركة الجماعية مدمر للاقتصاد، ومؤذي للناس، الاقبال الكبير على شراء العربات لحفظ القروش خلا عربية كورولا ٢٠٠٧ ونفس العربية ٢٠١١ بنفس السعر، والاهم من كده، الاقبال الغير منطقي بمفهوم العرض والطلب، خلى ناس الليلة ما قادرين يشترو عربية اصلا...
??
??
كذلك شراء الاراضي بغرض حفظ المال، خلق طلب كبير (وغير حقيقي) اثره على البلد كان ان يوصل سعر الارض لا جنبها زلط لا خدمات ممكن تجيب شقة في لندن، او حتى نيويورك، وبرضه بالسبب دا في ناس في حوجة لبيوت وما استطاعو يشتروها فقط لان في من هو اغنى منهم اشترى الارض ليحفظ القروش
??
??
اما الدهب فواضح، عنده سعر عالمي، ينزل ويطلع، وزي ما تجي تجي. تفرح لانو زاد، وتزعل لانو نقص، وفي النهاية لابساهو ليدي وللا خاتنو في خزنة
??
??
دي كلها هضربة ساكت، يللا لنفترض ان عندنا قروش، كتيرة او حبة، ودايرين نعمل حاجة. الافضل دائماً انها تكون متحركة، وموجودة في بضاعة او خدمة، لكن عندنا اشكال، هي شنو زاتها البضاعة وللا الخدمة دي؟
??
??
اولا، نحن زاتنا منو، وبنعرف في شنو، وقدر شنو عندنا قدرة على المخاطرة؟
الجواب بسيط، رؤية، وخطة، وبس نقطة.
الرؤية عندنا، ممكن نحتاج لخبير يلقينا ليها، لكن بي حبة فتيش بنلقاها، والخطة دايرة مساعدة خبير، وتعتمد على كمية القروش العندنا، وبنقدر نصبر زمن كم عشان نسيلها لو احتجناها
??
الجواب بسيط، رؤية، وخطة، وبس نقطة.
الرؤية عندنا، ممكن نحتاج لخبير يلقينا ليها، لكن بي حبة فتيش بنلقاها، والخطة دايرة مساعدة خبير، وتعتمد على كمية القروش العندنا، وبنقدر نصبر زمن كم عشان نسيلها لو احتجناها
??
من هبات السماء لينا، اننا في بلد زراعي، محاصيلنا موسمية، يعني المحصول لم يمرق في الموسم بيكون رخيص، ولم ينتهي الموسم بيزيد شايل معاه دولارو وتضخمو وفاتح لحد قبل الموسم الجاي بخمسة دقايق، وهو في العالم بورصة بتشتغل بنفس الطريقة، ودي حاجة ساهل نخت فيها القروش...
??
??
لكن طبعاً، الافضل دائماً، اننا نشتغل، ممكن الكلام الفوق دا يكون حل لمن يبقى عندنا فوائض نقدية من اعمالنا، بعد ما نعمل اعمال من الاساس، والربح بيختلف بين تجارة المنتجات، وانتاج المنتجات وانتاج والعمل في الخدمات..
??
??
المنتجات التجارة فيها سمحة وفيها حركة وبيع وشراء وقصص كتيرة بتنفع مع اي زول عنده طاقة ليها، وانتاج المنتجات عايز زول عنده وقت وصبر وقدرة على التعلم، وعلى فكرة ارباحها اكثر..
والتجارة في الخدمات مربحة اكثر منهم الاتنين وعايزة مع الزمن والطاقة شجاعة وحبة "تهور" (ثقة في النفس)
??
والتجارة في الخدمات مربحة اكثر منهم الاتنين وعايزة مع الزمن والطاقة شجاعة وحبة "تهور" (ثقة في النفس)
??
اما انتاج الخدمات هو حرفيا اربحهم على الاطلاق، لكن داير مع التهور والطاقة والزمن قدرة ابداعية، فافتكر دي ونسة بسيطة في فتيل تورينا لو عندنا قروش نعمل شنو (امن نعرف نحن منو)، وما نعمل شنو (عشان الحاجات تكفينا كلنا) وما نخسر قيمة قروش الليلة...
عشان نبنيهو صاح، وما نبوظ البايظ...
عشان نبنيهو صاح، وما نبوظ البايظ...
جاري تحميل الاقتراحات...