كنت بقرا في مدرسة الموردة اساس في امدرمان، جمب المدرسة من البيوت العتيقة في شباك فاتح على الشارع ، اها في الاوضة دي بتكون في بت من ذوي الاحتياجات الخاصة طوالي بتشرك لينا ونحن وطالعين البيوت ، ولاااازم تنادينا وتصر الحاحا الا تسلم علينا وبعدها طوالي بتسالنا : فنانك المفضل شنو ؟
+

اها يا ويلك وسواد ليلك لو كان اجابتك ايي اسم تاني غير (عبد العزيز المبارك) لو ما جا بت باسمه ما بتفك يدك نهائي وبتحزن عديل ولو جاوبتو البت دي بتقلب طفلة عديل من الفرحة ، نحن كاطفال كانت علاقتنا زيرو بالفنانين العظام ديل
المهم حفظنا كلمة السر وبقينا نزوغ منها ولو
+

قبضتنا بنقول كلمة السر اللي كانت بتفرحها جدا جدا وتقعد تضحك ولو انفعلت معاها يلا بيكون السؤال البعده : بتحب ياتو اغنية ليه ودي بقى كانت ورطة لانو زيي ما اسلفت نحن ما عمر اغاني زي دي
لكن كانت اول محطة في حياتي توقفني في عظمة فنان زيو
الا رحمة الله على الفنان عبد العزيز المبارك