استخدام بعض الستريمرز للبوتات او المشاهدات الوهمية علشان يرتفع بثه في التويتش شي يزعل و يجيب الاحباط ، فيه منافسة بين الستريمرز شي اكيد ( و هذا شي حلو ) لكن كيف تكون منافسة شريفة بهالطريقة.. و اكثر شخص يزعّل اللي ما يحتاج هالشي وعنده جمهور بس يحب يكون الاول دائماً حتى لو كذب..

الشواهد كثيرة .. منها عدد مشاهدات كبير .. شات بطيء
الرقم ثابت لمدة طويلة و ما يتغير كامل البث ، ياخي معروف لو اروح اجيب مويه نص اللي بالبث يطلعون .. انت تروح تتعشى نص ساعة نفس المشاهدات ..

و اكثر شي يقهر انه واضح جداً لكن لا يمكن اثباته و هالشي خلا التويتش ما يحاربه بصرامه مثل أول .. كيف تثبت؟ ما تقدر .. و حتى لو اثبتت بكل بساطة مو انا اللي حاطهم أحد حاطهم لي ..
و فعلا ممكن احد حاطهم لك من باب محبة و انه يبي يخدمك لكن تأكد ان هالشي اذا نفعك راح يكون على حساب غيرك