احيانا تقول كلمة تغير حياة إنسان وانت ما تدري.
كان عندي مراجع في كل زيارة يقول كلمة جارحة او مهينة لأحد أولاده او بناته. و إذا نبهته إن كلمته سيئة يقول أمزح.
في مرة قال شيء زعّل ولده و خرج الولد من العيادة.

و بقيت انا و هو لوحدنا، قلت للأب المراجع: لا يصير بر أولادك بك و إنت ميت اسهل و أحلى لهم من برك و إنت حيّ.
و بس انهيت النقاش و كمّلت عادي.
كإنها هزت نفسه او ضربت وتر حساس عنده و انا ما ادري و نسيت الموضوع تماما.

كل زياراته اللاحقة، ما عاد يتكلم في عياله.
و اختفى الاحتقان الموجود بينهم.
و بعد فترة صار يمدح فيهم.
وعياله كل مرة يشكروني و ما اعرف ليش لأني نسيت.
وفي يوم قال لي الأب كلمتك هذه غيره حياتي. قلت له اي كلمة؟
قال "لا يصير برك عيالك بك وانت ميت اسهل لهم من برك و انت حي"

يقول تغير تعاملي معاهم و نظرتي لهم و اقدر وجودهم مع ان كل واحد فيهم له حياته و مشاغله.
-
الولد اللي زعل و خرج قال لي انت ايش قلت له تغير بعدها؟
قلتها له فقال: كإنك حاسس بنا و عايش معنا.
-
المهم انتبه على كلامك لأنه ممكن يغير حياة إنسان.