رتبها

من وانا اولي كلية وانا مبرتاحش لاي تيكست او ورقة في الطب عاملها دكاترة من انجلترا ابدا ... التكست بالنسبة ليا لو مكنش امريكاني المنشأ باعتبره مش موجود و فيه فروق عامة بين امريكا وانجلترا كبيرة في طريقة تناول الطب وعرضه ونقط الاهتمام

التكست الامريكي رتب كتير متدرجة ... بيعرفوا يصنفوا مستوي عمق العلم درجات ببيعرف يقدم كل مستوي ازاي
بيعرف في المستويات الصغيرة اللي هي reviews and lecture notes يعرض المعلومة مشفية بدون اقصار مخل او تطويل مالوش لزوم حرفيا value for money and time

في المستوي الاعلي وهو comprehensive بيقدم كل العناوين باستفاضة تامة لكن بدون استفاضة ريسرش وارقام و بيعرف يعمل منه النسخة الmanual الصغير اللي بيقدم فيه المعلومات كاملة في العناوين المهمة ويفكس العناوين اللي مش مهمة ويعينها لاخوه الكبير اللي قولته في اول التويت دي

بعد كده عندك المستوي الاعلي وهو ال Reference وده بيقدموا فيه العلم بكل تفصيلة مملة وبارقام وريسرش ولكن في اطار المادة اللي بيخدم عليها يعني ميحولش الكتاب لتخصصي بحت لكن يغمقلك فشخ جوا كل التخصصات

بعد كده عندك الفئة العليا الكبيرة خالص هم هناك بيسموها the Bibles or the Gods ... دي بتبقي موسوعات علمية متخصصة في حاجة بعينها ونفس اللي ال reference بيعمله بس ده بيبقي في برانش معين بعينه بس ومنظوره لاي معلومة بتتعرض بيبقي عشان يخدم عالبرانش ده وبس

من كل الكتب دي ساعات يطلع كتب اسمها pocket وده يعتبر ليفل صغير اوي متقدم علي اساس انك قاري وفاهم الريدي ومجرد عايز حاجة تفكرك بالعناوين وانت ماشي بدون اي تفصيل في اي عنوان ودي مش كتير في امريكا واكترها شغل بريتيش

هحاول اديك مثال للي قولته من الواقع
lecture notes.... Kaplan pathoma
Reviews.. at a glance and first aid
Comprehensive... Vander or Grey's
Manual ... Robbins manual Tintinalli's manual
Reference.... Guyton .. Robbins.. Harrison

The Bibles ... Rutherford's Vascular.. Miller anesthesia
Pocket ... Bates ... Massage

انجلترا مبتعملش المستويات دي كلها ولما بتعملها بتبقي بردوه اقل من الامريكي .. مثال رفيع شوف كتب أوكسفورد قدام مثيلتها الامريكية من نفس النوع وعدد الصفح زي Massachusetts او الmanuals هتلاقي الامريكية تكسب

الكتب البريتيش المشهورة هي دافيدسون وكومار و bailey and love ... تقريبا باقي كتب انجلترا فعلا متعرفتش ومسمعتش واللي هي اصلا مش كتير وده منطقي لان الصرف عالريسرش وجامعات امريكا ومستشفياتها اعلي بمليون ضعف من انجلترا

الكتاب الوحيد اللي باعتبره معجزة مالهاش منافس عملته انجلترا هو Bailey and love ... مفيش حاجة امريكي بالمستوى ده من العلم ومتقدم بطريقة تحفة زي كده ... الموجود امريكي يا اقل يا اكتر بكتير فشخ

في النهاية الفكرة كلها ان تعدد المستويات الامريكي بيديك فرص كتير تلاقي الكتاب اللي انت عايزه منهم ودي مش بتتوفر عند كتب انجلترا للاسف

Note massage it is Massachusetts 😂😂😂😂😂😂💔

انا عايز اتدلك فعلا مبتكدبوش جسمي بيطق😂💔

نصيحتي ليك كطالب طب في الاخر ... افتح الlecture notes and reviews هتتبسط فشخ لغتهم سهلة معلومة مشفية طريقة العرض جايباك من الصفر وباقل كلمات ووقت وبتفهم فشخ وهتطلع بعلم احسن من الكلية كلها وهتاخد علم بيتطبق فعلا وهيقولك بيتطبق في ايه كلينكال مش مجرد حشو فارغ

نصيحة تانية لما تحب تفهم زيادة اخرك تفتح ال comprehensive ويبقي نادر اوي اوي اللي هو مرة في الشهر اخرك ومتوصلش ليه الا لو دورت علي فيديوز وحاجات ريفيوز تانية وموصلتش ... اما باقي المستويات الاعلي ابعد عنها دي متتلمسش وانت خريج ممارس عام حتي

الطلبة عيبها بتخش بغشامة عال comprehensive and reference وبعدين ترجه تقولك الاجانب معقدين والطب معقد ومفيش وقت ويكتئب ويحبط ويقلل من نفسه ويتقفل من الحوار كله طول عمره

هتسالني عرفت التفاصيل دي منين ... هاقولك عندي مكتبة كتب عاللاب فيها ما لا يقل عن ٧ الاف تكست اجنبي فصدقني من كتر ماكنت باخد بصات عالكتب ولو بصة جرايد بقيت فعلا اعرف اصنفلك الكتب الاجنبي رتب ودرجات

واللي قولته كله مجرد امثلة علي سبيل المثال لا الحصر... اللي جه في دماغي ناو مش اكتر ... لكن كل مستوي شوفت منه مئات الكتب حرفيا

@drbelal94 بص عندك حاجة comprehensive
Shaw GYN
Dutta OBS
واقل منهم شوية فيه ten teachers واحد نسا وواحد ولادة
طبعا الريفرنس العملاق خالص هو Williams
لكن لو بتبص لحاجة صغيرة خالص عن دول فيه
First aid

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد