أنا عارف إن الثريد ده ممكن ينهي حياتي المهنية من قبل ما تبدأ أصلاً علشان فيه تخبيط في حيتان الكل بيخاف يقرب منهم بس أنا متعودتش أسكت عن حقي
إحنا كنا 7 طلاب في بكالريوس هندسة الإنتاج و التصميم الميكانيكي جامعة المنوفية و زي ما هو سائد إننا مطالبين بمشروع تخرج و علي أساسيه بدأنا نفكر آوت أوف ذا بوكس و نشوف فكرة جديدة تضيفلنا و مرضيناش ناخد الطريق اللي الكل بياخده في المواقف دي و هو النخت من مشاريع قديمة و خلاص
و عليه قررنا إننا هنعمل SMT Machine و دي عبارة عن Cartesian robot بتعمل تجميع و لحام لمكونات الـ Surface mounting boards و عملنا دراسة جدوي للموضوع لقينا المشروع هيكلف 85 ألف جنية و دي طبعا تكلفة كبيرة جدا ف شرحنا الموقف للدكتور المشرف علي المشروع
و قولنا إن التكلفة دي مش هنقدر نغطيها ف قدامنا حلين ؛ يا إما نكتفي بإننا نعمل مجرد Design للمشروع من غير تنفيذ يا إما نقدم علي دعم من البحث العلمي و ننفذ المشروع لو جالنا الدعم
ف قالنا قدموا علي الدعم و لو متقبلتوش فيه نبقا نقرر هنعمل ايه و فعلا خلصنا الورق و قدما علي دعم البخث العلمي و للأسف إترفضنا و سبب الرفض إن الدكتور المشرف معندوش خبرة في مجال المشروع و حطوا تحت الجملة دي مليون خط
المهم قعدنا معاه تاني و شرحنا اللي حصل و عرضنا فكرة إننا نقدر نقلل مراحل الماكينة و بالتالي التكلفة هتقل من 85000 ل 32000 و إننا هندفع الفلوس جي من معانا بس بشرط إننا ناخد المشروع بعد ما نخلص
وافق جداً و قالنا تمام جدا اعملوه و هتاخدوه طبعا لان ده تعبكوا و دفعتوا فيه مبلغ كبير و مكتفيناش بس بالموافقة الشفهية و أخدنا موافقة كتابية بدخول و خروج الماكينة من الكلية بعد مناقشة المشروع و موقعه من مشرف المشروع و مدير عام الكلية.
و بدأنا شغل في المشروع بدون أي مساعدة من مشرفي المشروع لانهم لايفقهوا شيئ عنه و بذلنا مجهود غير طبيعي علشان نقدر ناخد فيه خطوة لان مفيش حد يساعدنا و كمان لان الماكينة مش Open source فبالتالي مفيش داتا عنها علي النت .. بعد تعب و ضغط نفسي و تطبيق أيام من غير نوم قدرنا نكمل المشروع
و دافعين كل قرش فيه من جيوبنا من غير أي دعم من تلكلية و من غير ما نستفيد من ورش الكلية في الشغل و عملنا كل حاجة برخ الكلية علي تكلفتنا الخاصة
خلصنا و ناقشنا المشروع و بعد المناقشة إتفاجئنا بمشرف المشروع بيقولنا أنا محتاجكوا تعملوا بريزينتيشن تاني عن المشروع قدام طلبة قسم ميكاترونيكس و سيبوا المشروع لحد ما تعملوا البريزينتيشن و ابقوا خدوه بدل ما تفضلوا تنقلوه
لحد دلوقتي الكلام منطقي و مديناش خوانه و فعلا روحنا بعدها ب 3 أسام عملنا بريزينتيشن في قسم ميكاترونيكس و بعج البريزينتيشن جمعنا في المكتب و قعد يقولنا أنا فخور بيكوا و إنتوا عملتوا حاجة عظيمة و عايز أعزمكوا ع الغدا و أحتفل بيكوا و كلام من الجميل ده لكن كل ده إختلف بعدها ب 5 دقايق
إتحزل شخص تاني لما حينا ناخد المشروع و نمشي .. قالنا لا مش هتاخدوه و سيبوه الكلية تستفيد منه و هنا بدأت الخناقة و ان لا مش ده اللي اتفقنا عليه و ده تعبنا و فلوسنا و إننا بدأنا تنفيذ فيه بناءا علي اننا هناخده
و بمنتهي البساطة قلب الحوار من حوار بين دكتور حامعي و مجموعة طلاب لخناقة في شارع و قالنا باللفظ " ملكوش حاجة عندي و إمشوا إطلعوا بره"
بدأنا ناخد السلم من أوله و إشتكينا ل رئيس القسم قالنا "هو الدكتور مش موافق يديهولكوا" و يكأن يعني ان الموضوع بمزاجه ف انتقلنا للسلمه اللي بعده و قدمنا شكوي ل وكيل الكلية لشئون الطلاب قالنا روحوا لعميد الكلية
روحنا لعميد الكلية قالنا اكتبولي شكوي رسمة و امضوا عليها و تعالولي بعد 4 ايام ف عملنا كدا و روحنا بعد 4 ايام قالنا إنه موصلش لحل مع الدكتور المشرف
رجعنا تاني لوكسل الكلية قال هحاول اتكلم معاه لان المشروع ده حقكوا و بعد مواعيد كتير برضو معرفش يوصل لحل و قالنا خلوا محامي يكتبلكوا شكوي و يقدمهالكوا في الجامعة
إتواصلنا مع ناس كتير في الجامعة علشان يحلوا الموضوع و محدش عرف يحل و قولنا هنمشيها بالقضاء و روحنا لكذا محامي و كلهك اجمعوا ان القضية خسرانة علشان الورقة مش عليها ختم و انهم هيطعنوا علي الامضاء بالتزوير
أنا مكتبتش الكلام ده غير لما خلصت من عندي كل الطرق اللي ممكن أجيب بيها حقي و مش عارف اني اكتب كدا ده هيجيبلي حقي ولا لا بس أنا مش عارف أقف ساكت و أنا شايف حقي و تعبي و مجهودي بيتسرقوا قدام عيني
المشرف الأول علي المشروع: د/ صبحي محمد غنيم (رئيس سابق لجامعة المنوفية ، عميد سابق لكلية الهندسة ، رئيس سابق لقسم ميكاترونيكس بكلية الهندسة)
المشرف الثاني علي المشروع: د/ أحمد محمد حمادة
طبعاً بعد رصة المناصب دي بقا واضح إحنا معرفناش ناخد حقنا ليه
المشرف الثاني علي المشروع: د/ أحمد محمد حمادة
طبعاً بعد رصة المناصب دي بقا واضح إحنا معرفناش ناخد حقنا ليه
بس حسبي الله و نعم الوكيل فيكوا و في أي حد ساعدكوا تاكلوا حقنا و مش هننسي و مش هنسامح و ربنا شاهد علي كل اللي حصل
علشان أبقا إديت كل واحد حقه ف أنا حابب أشكر دكتور / عماد حامد وكيل كلية الهندسة لشئون الطلاب ؛ الراجل ده هو الشخص الوخيد اللي وقف جنبنا و كان بيحاول فعلا يجيبلنا حقنا و وقف معانا لآخر لحظة ف أنا حابب أقوله يا دكتور إنت شخص محترم وسط منظومة فاسدة
محتاج اللي يشوف الكلام ده يعمل ريتويت علي أمل حد يشوفها و يقدر يساعدنا
دي صورة من الموافقة الكتابية اللي مضوا عليها بس الامضا نبلها و نشرب مايتها علشان هو حوت و الكل خايف يخبط فيه
و أخيرا حابب أقول لأي حد في هنجسة شببن متتعبش نفسك ولا تصرف جنيه جوه الكلية دي و أنا حزين و أنا بقول كدا بس للأسف هما وصلونا لإن أسلم حل إنك تلغي مخك و طموحاتك و تنحت زي الباقيبن و تجيب مشروع نظري جاهز و كان الله بالسر عليم
في داهية الفلوس لكن تعلك و مجهودك و سهرك بالليالي و الضغط النفسي و العصبي مبيرجعوش .. أي حد قريب مني عارف إني فضلت مطبق 3 أيام متواصلين من غير نوم علشان أخلص الشغل و جيت بعدهم عايز أنام و مش عارف أنام و جالي أرق و فضلت مكمل 5 أيام من غير نوم لدرجة إن حرفياً حسيت إني بموت خلاص
ياريت نفعل الهاشتاج ده يا جماعة و نخليه تريند
#وقف_جبروت_دكاترة_الجامعات
#وقف_جبروت_دكاترة_الجامعات
جاري تحميل الاقتراحات...