Thread صغير .. ليه السرعة بعد ١٢٠ تعتبر مميتة ؟
شوف الـ Thread
شوف الـ Thread
- عند حدوث حادثة لاقدر الله علي سرعة فوق الـ ١٠٠ كم /س ، مفيش أي عربية مهما كانت وسائل الأمان اللي فيها عالية تقدر تحافظ علي حياتك ، و ده بسبب تأثير عدة عوامل هنعرفها
- وقت حدوث الحادثة خصوصاً لو كانت تصادم ، العربية بتكون ماشية بسرعه هنفترض انها ١٣٠ كم/س ، و بعد التصادم بتكون سرعتها صفر في ثانية ، و بسبب مبدأ [ القصور الذاتي ] فـ جسم الإنسان بياخد نفس سرعة العربية اللي هي ١٣٠كم/س
- وقت ما يحصل الإصطدام و الحادثة ، العربية سرعتها بتتحول لـ صفر ، لكن جسم الإنسان و الأعضاء الداخلية بتتحرك بسرعة ١٣٠ كم /س ، فبعد الإصطدام سرعة الجسم بتتحول لـ صفر ، لكن الأعضاء الداخلية بتفضل ماشية بـ سرعة ١٣٠ كم / س
- و بحسب قانون نيوتن الثالث للحركة [ لكل فعل رد فعل مساوي له في المقدار و مضاد له في الإتجاه ] ، أعضاء الإنسان بيحيط بيها [ شرايين - انسجة - عضلات - عظام .. ] فعشان يحصل رد الفعل عشان تقل سرعة الأعضاء من ١٣٠ لـ صفر ، الأنسجة و الشرايين و العظام بيمارسوا دور رد الفعل علي الأعضاء
- هحاول اشبه اللي بيحصل بمثال : لو جبت حبل و حطيته قدام واحد بيمشي أو بيجري بسرعة صغيرة ، فالحبل مش هيحصل له حاجة عشان قوة رد الفعل اللي عملها يقدر يتحملها
- لكن لو جبت حبل و حطيته قدام واحد بيجري بسرعة كبيرة ، فالحبل هيتقطع لأنه مستحملش قوة رد الفعل اللي عملها
- لكن لو جبت حبل و حطيته قدام واحد بيجري بسرعة كبيرة ، فالحبل هيتقطع لأنه مستحملش قوة رد الفعل اللي عملها
- الانسجة و الشرايين و الاوردة و العظام دي هنشبهها بالحبل ، و الأعضاء الداخلية بالإنسان اللي بيجري ، لو الأعضاء سرعتها عالية الحبل ده هيتقطع ، و الحبل هنا هو أوعية دموية و أنسجة و عظام ، فبيحصل إنهيار و تمزق للأوعية الدموية دي و يحصل نزيف داخلي
- حتي ساعات بيحصل إن الإنسان ممكن يخرج من حادثة و يمشي علي رجله و مش باين عليه أي أثار للحادثة و بعد ساعة يموت ، و تستغرب ، هو مات عشان حصل له نزيف داخلي و متلحقش ، خصوصاً لو كان في أعضاء مهمة زي القلب أو شريان مثلاً
- الإنسان يقدر يتحمل صدمة قوتها أقل من ٥٠ GForce [ قوة الجاذبية ] ، لو كانت ٥٠ أو أكتر تعتبر الصدمة دي مميتة للإنسان ، و الصدمة الناتجة نتيجة إصطدام مباشر و توقف لحظي للسيارة فوق الـ ١٠٠كم/س تعادل حوالي ٩٠ Gforce
- العلماء صمموا مجسم لجسم الإنسان اللي يقدر ينجو من الحوادث ، و زودوا فيه حجم الجمجمة ، القفص الصدري ، الركبة خلوها تتحرك في كل الإتجاهات ، الجلد تم زيادة سمكه ..
- في إعتقاد غلط سائد و هو إن العربيات القديمة أفضل من الجديدة لأنها بتستحمل ، لكن العربيات الحديثة [ ورق ] أو خفيفة و مش بتستحمل
- الحقيقة إن المهندسين بيراعوا في التصميم و الإنتاج وقت الحوادث ، و هو إن الصاج اللي كان مستخدم في العربيات القديمة مش بيمتص الصدمات
- الحقيقة إن المهندسين بيراعوا في التصميم و الإنتاج وقت الحوادث ، و هو إن الصاج اللي كان مستخدم في العربيات القديمة مش بيمتص الصدمات
- فتم إستخدام مواد خفيفة له قدرة أعلي علي إمتصاص الصدمات و حماية الراكب وقت الحادثة زي [ الياف الكربون ] ، لكن العربيات القديمة مكنتش بتحمي السائق ، بالإضافة لأن الخامات التقيلة المستخدمة في العربيات القديمة بتشكل حمل / وزن إضافي علي المحرك فبتقل قدرته
- طبعاً في عامل مهم كمان و هو لو معاك حاجات في العربية ، زي مثلا علبة المناديل - كتاب - حاجات حاططها في الكرسي اللي وراك ، دي ممكن تكون مميتة علي سرعات أقل
- عموما يا جماعة السرعة العالية ملهاش أي لازمة ، الموضوع كله دقائق بسيطة ممكن تكلفك حياتك و حياة اللي معاك
- عموما يا جماعة السرعة العالية ملهاش أي لازمة ، الموضوع كله دقائق بسيطة ممكن تكلفك حياتك و حياة اللي معاك
جاري تحميل الاقتراحات...