يا إخوان أنا قدر الله علي ونويت أدخل مجال التجارة ، التفت يمين ويسار إلا ما حولي إلا تربية الأنعام أسهل وأهون وأعرف لهن أكثر واخترت بينهن لقيت أهل الغنم أرق قلوباً وألطف معشراً وأهون على الناس ، وكانت المعزا هكالوقت ضارب سوقهن بالمزاين قلت بس هذا باب التجارة المشرّع =

والله وأتخيّر أكبر ملاك مزاين المعزا بالمنطقة وأشري منه عنزين وثلاث جفرات وأعلمه بوضعي قال ولك مني تيس هدية ، قلت بس سنة وأنا من هوامير السوق وسنتين أصير مثل الوليد .. ودوري يا السنة واللي مايموت من عيالهن نحطه ببرميل المندي

وهذا أنا وكل فترة يدق علي العامل بابا هذا جفرة موت ، هذا عنز مريض ، جيب علف .. يوم ناظرت إلا المعزا وعلفهن ياكلن كل قريشاتي ، وأزعل عليهن هكاليوم قلت أبيعهن وأسدد التاجر اللي ما سددته لي سنتين أحسن وأوفر . وأبيعهن كلهن ولا يبقى إلا أنا والتيس متقابلين عزوبية.. حتى التاجر ما سددته

وهذي قصتي مع العوارض .
لكن يقولون اللي ما هو لك يهولك ، وأنا والتجارة ما حنا ولايف ولا أظنها بتقبلني على كثر ما سعيت لها ، مار ادعوا لي إن الله يخلص عني دينهن ?