رتبها

زرت معرض الاحلام #بيبان_الرياض
شاهدت من بعيد بعض النُخب مثل الرائعين :
@dubayan و @AliAlmohsen1
وشاهدت عن قرب الكثير من
#الرياديين_الواهمين ( المهايطية )
#ثريد ساخن قليلاً ?

?عندي تعليق قد يكون قاسي ..
على زوار معارض وملتقيات ريادة الاعمال

قبل ابدأ ..
انا استثني من كلامي من ذكرتهم اعلاه :
@dubayan و @AliAlmohsen1

موضوعي عن :
رياديين الاعمال المزيفين المهايطية ..
#الريادي_الواهم

من اول ماتدخل مثل هذي الاماكن تتفاجئ بأعداد كبيرة من احفاد مسيلمة الكذاب !
هذا عنده شركة ..
هذاك مجموعة شركات ..
وذاك اصلاً مليونير جاي يتفقد احوال الطبقة الكادحة

محد منهم من الطبقة الكادحة !!
مغير انا الكادح بينهم

تخيلوا اني قابلت مصري يشتغل عند كفيلة هنا في السعودية لكن عنده شركة يديرها عن بعد في امريكا !!
ياقلب لاتحزن...

مهايطي آخر ..
كان يكتب مذكراته من الآن استعداداً ليكون ستيف جوبز في عالم الذكاء الاصطناعي ...
المشكلة مهيب هنا
المشكلة انه توه مابدأ شغل اصلاً ،
تخيلوا بدأ يكتب مذكراته قبل يبدأ شغله ??‍♂️

مهايطي ثالث عنده سلسلة مطاعم
بعد النقاش السريع معه ..
طلعت سلسلة المطاعم مكونه من مطعم واحد وللحين مافتح ?

تضايقت صراحه من كمية القصص الوهمية والهياط المزعج ..
وقررت الهروب من مثل هذي المحافل او على الاقل اذا زرتها تكون زيارتي مختصرة ولهدف محدد ثم اطلق ساقاي للرياح هرباً من تأثير هؤلاء الوهميين

معلومة سريعه :
(قبل اكتشف انهم رياديين مزيفين)
لاحظت مع الاسف ان في داخلي صوت يرغب ان يكون ناجحاً مثلهم ، لدرجة اني بغيت اتوهم نجاحات لاتستحق الطرح او محاولات يتيمة لاتعتبر نجاحات ابداً

بغيت اصنع مجداً مزيفاً مبنياً من ورق
بس عشان احس اني جزء من مجتمع هؤلاء الناجحين !! واخفف الضغط عن نفسي

?رساله حادة اللهجة لكل #ريادي_واهم
حضر نفسك لتكسير مجاديفك الورقية ?‍♂️
هدفي ليس تكسير مجاديفك فقط .. بل اعادة ربطك مع الواقع الي انفصلت عنه

عزيزي #الريادي_الواهم ..
هل تعلم ان وزارة التجارة تصنف اي منشأة ايراداتها السنوية اقل من ٣ مليون ريال
كـ اسرة منتجة

وانت طابع لي كرت كبر راسك
وكاتب بالخط العريض
CEO و Founder و Co-Founder

عزيزي #الريادي_الواهم
هل تعلم ان منشأه ايراداتها بين
الـ ٣ - ٤٩ مليون تصنف كمنشأة صغيرة ?‍♂️
يا CEO - founder of

عزيزي #الريادي_الواهم هل تعلم ان المنشآت التي ايراداتها اقل من مليون ونص سنوياً تصنف عالميا كـ حشرة ? في عالم البزنس ...
يعني انت في مرحلة الحشرة الريادية

بصراحة كثير من "الرياديين" الي شفتهم
يقعون بين مرحله الحشرة و الاسرة المنتجة
لاتنفصل عن الواقع كثير .. روق شوي

لو لاحظت السوق عزيزي #الريادي_الواهم ستجد ان اعمار كثير من المنشآت القوية هي بين ال ١٠ سنوات و ال٤٠ سنة ..
وانت يا ابو ثلاث سنين عايش الدور وماخذ الوضعية من الحين

عزيزي #الريادي_الواهم .. اراك تنتظر الفرصة للقفز على كرسي النجاح لتتشدق بنجاحاتك في كل محفل وفي كل اجتماع
روق شوي

تنوية..
انا لست بزنس مان ولاريادي خرابيط ولا افهم في التجارة ولاشي انا موظف عادي واوصل طلبات احيانا عشان اوفر قوت يومي ..
كلامي مهوب تهجم .. بقدر مهوب كلام واحد كاره لكمية الهياط الي يشوفها .. مع شوي تهجم لغرض التسلية..
كلامي تنوير ?

@Rattibha رتب يا مرتب

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد