رتبها

إزاي تتحكم في عصبيتك و تكون هادي ؟
——
شوف الـ Thread

- وقت العصبية بيتقال كلام صعب و مينفعش إنه يتقال ، و أحياناً رد الفعل بيكون أعنف من الفعل نفسه بسبب تراكمات خارجية [ مشاكل في الشغل ، في البيت .. ] ، و بالتالي بيحصل مشاكل كتير بسبب كلمة أو فعل حصل وقت العصبية بينتج عنها نتائج مش بنحبها ، و ممكن تتسبب في قطع علاقاتك مع أعز الناس

- ده غير إن محدش مجبر إنه يستحملك و يستحمل عصبيتك ، لأنك لو حطيت نفسك مكانه و لقيت حد عمل معاك نفس الفعل ده ، مش هتتقبله علي نفسك ، عصبيتك هتخسرك كتير

- بالإضافة لمشاكل العصبية في علاقاتك ، إلا إنها بتأثر عليك ، و ممكن أي شخص يستفزك و يخرج عن شعورك و يغلطك و دي نقطة ضعف كبيرة في حياتك ..

- العصبية ممكن تؤدي لـ
——
١- أمراض القلب :
- القلب هو أكثر عضو بيتأثر بالغضب ، سرعة ضربات القلب بتزيد ، فتتجاوز الحد الطبيعي و مع زيادة الغضب ممكن تؤدي لنوبة قلبية
- بيزداد هرمونات [ الكاتيكومالين] و [ نور ادرينالين] ، يؤديان أيضاً إلى ترسب الكوليسترول علي جدران الشرايين

٢-اضطرابات النوم
——
وقت الغضب، بـ تحصل إضطرابات في بعض الهرمونات زي [ الأدرينالين المسؤول عن النشاط ] بالجسم ، و ده بـ يؤدي لـ مشاكل في النوم ، في حالة إن الجسم مأخدش القسط الكافي من الراحة هيكون أكثر عرضة للإصابة بالكثير من الأمراض

٣- إرتفاع ضغط الدم
——
- الغضب بيؤدي لإرتفاع ضغط الدم ، وقت الغضب و العصبية بيقوم القلب بضخ كميات دم أكبر ، بالتالي الكميات الكبيرة دي بتشكل حمل زائد على الأوعية الدموية ، و ده قد يؤدي لزيادة فرص الإصابة بأمراض القلب نتيجة إرتفاع ضغط الدم

٤- السكتة الدماغية
——
بتحصل السكتة الدماغية لما تتمزق [ تنهار ] الأوعية الدموية في الدماغ ، و بالتالي ده بـ يُعيق إمدادات الدم إلى جزء من الدماغ و ده بيكون في حالات الغضب الشديد جداً ، و الإصابة بالسكتة الدماغية يمكن أن تؤدي لحدوث شلل فوري في الجسم

٥- تأثيرات على الجلد و الشعر
——
- وقت العصبية الجسم بيفرز [ الكورتيزول ] بالإضافة لـ هرمونات تانية بتزيد من إنتاج الدهون اللي بتظهر على الجلد على شكل [ حبوب ] ، و أحياناً بـ يؤدي لـ تقليل كمية هرمون [ الجلايكورتيكويدات ] المسؤول عن تكوين [ الكولاجين ] ، و يؤدي لظهور التجاعيد

٦- تأثيرات علي الجهاز التنفس [ صعوبة في التنفس ]
٧- تأثيرات علي الجهاز الهضمي [ القئ - القولون العصبي .. ]
٨- الصداع : [ نتيجة زيادة نبض الأوعية الدموية في الرأس ،وده غير إن العصبية بتؤدي لـ إنقباض بعض عضلات الرأس و الرقبة، فـ تحس ان في حزام مشدود حول راسك ]

- أهم خطوة في التحكم في عصبيتك و رد فعلك هي إنك [ تـتـعـود ] علي بعض الأفعال اللي تلجأ لها وقت العصبية ، و تتحول من عقلك الواعي إلي عقلك الباطن و بالتالي تعملها بدون ما تفكر .. لكن ده بيحتاج مجهود كبير في الأول عشان تتحول من عقلك الواعي لـ عقلك الباطن

- هشرح بعض الـ Technics لتقليل التوتر و العصبية و مع الممارسة و التعود هتقدر تتحكم في عصبيتك
——
١- تدليك الكف : وقت ما تلاقي نفسك متعصب إستخدم أي إيد في تدليك كفك التاني ، و ده بيؤدي لتقليل العصبية

٢- غمض عينك و خد نفسك عميق
—
إغماض العين بيؤدي لـ راحة الدماغ و التقليل من العصبية و الشد أو الـ Tension ، لأن ٨٠٪ من الإدراك الحسي معتمد علي العين

٣- تمرين دفع [ زق ] الحيطة
——
- التمرين ده بيساعد علي إسترخاء العضلات و خصوصاً عضلات الرقبة
—
١- اقف مستقيم و نزل كف إيدك لمستوي كتفك
٢- أقف علي أطراف صوابع رجلك
٣- خد نفس عميق
٤- إبدأ في زق و دفع الحيطة [ إرمي جسمك علي دراعك كأنك بتلعب ضغط ]

٤- تمرين رفع الدراعين لفوق و دفعهم لبعض
——
التمرين ده شبه لما تصحي من النوم و [ تتمطع ] بالظبط

٥- التنفس العميق [ مهم ]
——
ده أهم تمرين ، لازم تعمله في يومك عموماً حتي لو مش متعصب ، لأنه بيخليك Relax و بيشيل الـ Tension اللي جواك
١- غمض عينك
٢- خد نفس عميق بحيث إن الرئة تكون علي أخرها
٣- خرج النفس واحدة واحدة بالراحة
٤- كررها أكتر من مرة

٦- احضن شخص بتحبه
——
- لو اللي عصبك شخص بتحبه و كان من عيلتك أو صديقك و [ ينفع تحضنه ] أحضنه ، لأن الحضن بيقلل من مشاعر الغضب بنسبة كبيرة و بيقلل التوتر

٧- اسكت ١٠ ثواني قبل ما تتكلم
——
لو سكت ثواني بس قبل ما تتكلم وقت عصبيتك مش هتقول نص الكلام اللي كنت هتقوله ، كل ما تسكت أطول فترة ممكنة كل ما هيقل الكلام العصبي و الجارح اللي هتقوله ..

٨- فكر قبل ما تتكلم
——
فكر في كل كلمة هتقولها قبل ما تتكلم ، يمكن دي أصعب خطوة بس لما تتعود عليها هترتاح جداً ، حط نفسك مكان الشخص اللي هتتعصب عليه و إبدأ اتكلم

٩- الصلاة
——
الصلاة بخشوع هي أكتر شئ يهذب القلب و ينقيه ، دي تجربه عملها أحمد الشقيري علي تأثير الصلاة علي المخ ، و إزاي بتأثر راحة و صفاء الإنسان

- كل Technic من دول ينفع حسب الموقف ، يعني لو بتتكلم مع حد Face to face فيبقي قدامك [ تدلك إيدك ، التنفس العميق ، السكوت ، التفكير ، تغمض عينك ، الحضن لو ينفع ]
- لكن مثلاً لو قاعد في البيت و شوفت حاجة عصبتك فقدامك كل الإختيارات
—
إختار الـ Technic المناسب لك و اللي تقدر تعمله

- الأهم من كل ده هو الصبر لحد ما تتعود و يدخل التصرف ده عقلك الباطن و يبقي الـ Default بتاع عقلك الباطن إن لما تتعصب تعمل التصرف المعين بدون تفكير ، الموضوع كله شوية وقت لحد ما تتعود مفيش حاجة بتيجي في يوم و ليلة

- نقطة مهمة
——
ممكن تكون متقن تصرف معين وقت العصبية ، لكن أحياناً لما بتزيد التراكمات اللي عليك بيكون صعب نفسياً تتحكم في نفسك ، لحد ما ترجع لحالتك الطبيعية تاني ، أما لو فترة التراكمات طولت فيبقي محتاج تتعود من جديد عشان أنت غيرت وضعك الطبيعي

- أنهي الثريد بـ [ دايماً أهلي بيقولولي فكر ثانية قبل ما تتكلم بعصبية و تتنرفز و شوف الكلام اللي هتقوله أنت هتقبله علي نفسك ولا لا ، وقتها مش هتقول نص الكلام اللي كنت هتقوله ، لأن فيه كلام والله مهما إعتذرت عليه بعدها عمره ما هيتمحي ، هيفضل الكلام ده في دماغ اللي قدامك ]

تقييمك للـ Thread ؟

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد