شوف استاذي كل واحد يختلف عن الآخر في قدرته على فهم المعلومة ثم طريقته في تطبيقها.
فيه أمور ترجع لشخصية المتدرب وأمور ترجع لخبراته السابقة وغيرها..

فلو ذكرت لك بعض الامور اللي استفدت منها بالدورة قد لا تكون من أهدافك أو قد تكون ليست جديدة عليك
ولكن اللي أنا متأكد منه أنها راح تضع قدمك على أول الطريق إذا كنت جديد وراح تقلل من خسايرك وراح تساعدك لو كان لك خبرة في السوق وعندك عثرات.

أحب أقولك إني ولد سوق من ٢٠١٥ وكل تجاربي فاشلة وأسباب الفشل شي يرجع لي وشي آخر للسوق والتغيرات اللي حصلت فيه
وللأمانة الأشياء اللي استفدتها من الأخ حماد كانت جديدة وحقيقية ومع خبرتي طبقتها ووجدت ثمرتها
فشلي السابق أحد مقومات نجاحي اليوم

دراسة الجدوى لو اعتبرنا انها من جهة مختصة ترى ليس بالضرورة إنك تنجح هي فقط رؤية تقريبية للسوق والمتوقع أنه يحدث كذلك دورات الأخ حماد وغيره
وللعلم من أول يوم تبداء في تنفيذ خطتك راح تبداء في تغييرها !!
والسوق متغير وفيه قرارات كل فترة تتغير
وأمور داخليه وخارجية يتأثر بها السوق

أتمنى إني افدتك بالشي اللي يساعدك في اتخاذ قرارك
وأنا تحت أمرك اذا حبيت اي استفسار اخر
تحياتي،،