انا عادة مش بتويت ولا بعمل ثريد ولا اى حاجة من دي بس , دول كام نصيحة لوجه الله بخصوص #فيروس_كورونا بخصوص بعض العادات الانسانية اللى احنا بنعملها كل يوم (على قد علمي) ياريت نخلى بالنا منها علشان الموضوع شكله هيقلب بجد واهو الوقاية خير من العلاج زي ما قال الطبيب
1- امنعوا البوس ياجماعة أبوس أيديكم , يستحسن في الأيام المهببة دي لما تقابل حد بلاش البوس والأحضان والتلزيق حتي لو الشخص ده وحشك اوي ياريت نكتفي بسلام الأيد وياريت كمان بلاش , يفضل السلام باللسان و يستسحن عدم السلام من أصله لو واحشك ابعتله قلوب على واتساب
#فيروس_كورونا
#فيروس_كورونا
2- في مطهر ومعقم لليد حجمه صغير منا سب للجيب بيتباع في كل الصيدليات سعره رخيص , اشتري اربعة او خمسة خليهم حواليك في العربية او في البيت او في الشغل واستعمله كل شوية طول اليوم مش هتخسر حاجة
#فيروس_كورونا
#فيروس_كورونا
3-أرجوك أرجوك أرجوك لو قافلة معاك تعطس ومفيش في جيبك مناديل حط ايدك على كمك زي الصورة كده بلاش حوار الايد وتمسحها في هدومك بعد كده والعفانة المعتادة دي ولما تروح ابقي ولع في ديك ام اللى انت لابسه
#فيروس_كورونا
#فيروس_كورونا
4- لو عندك أطفال خاصة اللى في سن مبكر خلى عينك عليهم دايما ً واهتم زيادة بنضافتهم و تعقيمهم , معلش هو موضوع متعب بس الاطفال غاوية تحط ايديها في اماكن متخطرش على بالك وهم من الشرائح الاكثر عرضة للاصابة
#فيروس_كورونا
#فيروس_كورونا
5 - لو حاسس نفسك عندك اى نوع من انواع الانفلونزا حتى لو زكام بسيط او رشح عادي متسكتش عليه وتهمله ومتختلطش بالناس اللى حواليك ولا تنزل من بيتكم الا لما تتأكد انك كويس لانه مهما كان دور البرد بسيط الهيستريا العامة ممكن تحطك في مواقف مش لطيفة
#فيروس_كورونا
#فيروس_كورونا
6- لو انت من الناس اللى بتركب المترو وبتتزنق في اللى حواليك عامة في اى مواصلة ومجبر انك تبقي لازق في نفس اللى جمبك البس الكمامة دي مش عيب والله دي بشكل ما هتحميك من الناس اللى بتتنفس في وشك ومتخافش على منظرك احنا كلنا هنلبسها
#فيروس_كورونا
#فيروس_كورونا
7- مفاتيحك , ولاعتك , نضارتك , والحاجات اللى زي كده دي اشيائك حاول على قد ما تقدر ان اشيائك دي تبقي في ايدك انت بس مش تتنقل من ايد لاد ويفضل انك تعقمهم بمنديل وديتول كل ما تجيلك الفرصة ومتديش اشيائك لحد يا محترم لو سمحت #فيروس_كورونا
8- هما قالوا ان اكتر ناس بتتأثر بالفيروس هما كبار السن ف لو عندك حد كبير شوية وخاصة من اللى بيحتاج تمريض اتأكد من الممرض اللى بيتعامل معاه والحاجات اللى بيستعملها وتعقيمها وطبعا تخليك حسيس وانت بتعمل كده ياريت
#فيروس_كورونا
#فيروس_كورونا
9- اخوانا بتوع الفاست فود , هو انا مفهمش اوي في قصة التغذية والمناعة والكلام ده بس هو هيفضل عامة في الايام دي اللى بتاكله تبقي شايفه بيتعمل قدام عينك المصدر الوحيد اللى ممكن يبقي مضمون نضافة الاكل في الحالة دي هو مطبخ الست الوالدة او اي اكل بيتي
#فيروس_كورونا
#فيروس_كورونا
10- الناس اللى بتشتغل في المطاعم والكافيهات واى حد عامة من اللى شغلهم ليه علاقة ب هات وخد كل دقيقة اى ما كان الحاجة ايه من فضلك البس جونتي
زي اللى في الصورة ده الكيس كله ب 40جنيه في حوالى 50 جوز واى حد هيشوفك لابس الجونتي ده هيطمنلك جدا
#فيروس_كورونا
زي اللى في الصورة ده الكيس كله ب 40جنيه في حوالى 50 جوز واى حد هيشوفك لابس الجونتي ده هيطمنلك جدا
#فيروس_كورونا
11 بالنسبة لاخوانا محبي الشيشة خاصة في القهاوي المتواضعة بتاعتنا لو زانقة معاك تشيش ياما الشيشة تبقي ملاكي بتاعتك لوحدك محدش بيلمسها غيرك ياما تشتري مبسم مقفول مبرشم وتخليه معاك علطول انما القهوجي يضحك عليك ويقولك غسلت الشيشة وتمسح المبسم كده بايدك قبل ما تشيش يبقي هتزعل نفسك
النسبة لأخوانا اللى بيحششوا بلاش تبقوا 4 ولا خمسة وتلفوا جوبات وتدور عليكم في القعدة لو زانقة معاك اوي يبقي فرداني كل حي معاه الجوب بتاعه وياريت كمان بلاش كارتلات اشتري فلاتر الكيس ب 20 جنية
#فيروس_كورونا
#فيروس_كورونا
واخيرا انا اتمني ان حد يعمل قائمة بالتحذيرات والاحتياطات الوقائية دي بشكل احترافي عشان المنفعة العامة واهو زي ما قال الاخ بلدياتنا @EslamSalheen هي بتمطر ساعتين والناس بتموت مكهربة ومحروقة ما بالك بقي فيروس وو وباء عالمي وكلام من ده , استرها علينا يارب احنا غلابة
جاري تحميل الاقتراحات...