شوفت برنامج قديم في الستينيات علي قناة ماسبيرو زمان،و كانت المذيعه بتتكلم عن تنظيم الاسره و اللي كان موضه جديده وقتها ،المهم هي اسضافت بعض الاسر من الطبقه الفقيره وقتها مسلمين و مسيحين و اللي عندهم ٨ و ٩ و ١٢ من الابناء و البنات، اللي عجبني بقي نقاء و عفوية الأباء و الأمهات دول..

وشوشهم منور كده و عليهم
بساطه و رُقي و ادب روعة الروعه، و لما الست المذيعه كانت تسألهم بتعملوا ايه في اكلهم و شربهم و تربيتهم؟.. مافيش حد منهم الا كان بيرد الحمد لله نعمه من عند ربنا.. ربنا الرزاق .. اهو بيساعدوا بعد في الدراسه .. قمة الرضا و السعاده باللي هم فيه ..

مش معترضين علي حاجه و كمان ماتحسش انهم متضايقين و حياتهم مليانه بركه..لأ و اللي يخليك تتعجب ان معظمهم كانوا حرصين علي انهم يعلموا ولادهم..ما تلاقيش بقي عيل برشامجي ولابلطجي و لاكمية القرف وسوء التربيه و الفشل اللي ظهروا رغم نجاح حملات تنظيم الاسره و تحديد النسل في زمنا ده..

السؤال بقي احنا ايه اللي وصلنا للحاله المُقرفه المُزريه دي؟ .. فين الرضا و البساطه ؟.. بصراحه مش شايفهم عند الكثير من الناس ..
لو عاوزين ربنا يرزقنا صحيح و حياتنا تتملا خير و بركه .. لازم .. لازم نرجع زي زمان..