فيروس كورونا
الأعراض: زى أعراض البرد بالظبط..رشح..صداع..احتقان في الحلق.. احيانا ارتفاع في درجة الحرارة
التشخيص: مفترض بيبقي nasal swab بتتاخد و تتحلل في مستشفي لو متاح الاختبار او الحميات
العلاج: للأعراض و ليس للفيروس نفسه لان ملوش علاج لحد دلوقتي..يعني هناخد خافض حرارة

باراسيتامول كل ٤-٦ ساعات لو في حرارة و لو منزلتش بناخد بروفين..راحة ..عزل لمنع نقل العدوى..سوائل دافية..جلسات بخار لو في ضيق تنفس..
أي اعراض لإلتهاب رئوي لازم مستشفي! ممنوع منعا باتا استخدام مضادات حيوية بدون أمر الطبيب! بالله عليكم يعني?
الوقاية: غسل اليدين جيدا لمدة ٢٠ ثانية

لو سلمنا علي حد مشكوك انه مريض..و ياا حبذا لو بطلنا أحضان و قبلات عند السلام كعادة الشعب العظيم و يا ريت تكرهوا بعض لحد ما تخفوا?
تعقيم أي اسطح استخدمها مريض مشكوك بإصابته بأي من الأعراض السالف ذكرها بكحول ٧٠% من أي صيدلية
ملحوظة في غاااية الخطورة!

ممنووووع استخدام اسبرين/ ريفو لأي طفل مصاب بالسخونية منك لنفسك كده..فشل كبدى ثم موووت قولا واحدا! بلاش ادوية كحة لأي طفل اقل من ٤ سنوات..
نسأل الله العفو و العافية لنا جميعا