والآن مع سالفة اليوم:
الفترة الماضية سويت عدة دورات لتعليم صناعة البودكاست وأغلبها كان أونلاين (بث مباشر ببرنامج زووم).
بعد كل بث، أرسل للمشاركين ملخص للحصة، وروابط مرجعية، ورابط للبث يمديهم يرجعوا له أي وقت.
فصار عندي مادة كاملة جاهزة عبارة عن ٤ ملخصات و٤ روابط ل ٤ حصص.

وهذي المادة الكاملة الي يحصل عليها يتعلم كل شيء في صناعة البودكاست بالتفصيل. وهي الشي الأساسي الي الناس تدفع فلوس عشانه.
الزززبدة، أحيانا لما ما يكون فيه دورة، يتواصلون معي أشخاص مهتمين، وأبيعهم المادة هذي بنفس مبلغ الاشتراك بالدورة المباشرة.
وأحيانا أرسلها مجانا للبعض كدعم.

لاحظت ان الي أرسلها لهم مجانا، أقل ناس استفادة من الدورة.
وبعضهم سوا بودكاست فعلا وعنده أخطاء كثيرة لو سمع الحصص مرة وحدة كان تفاداها.
وعنده دورة كاملة مجانا!! بس ما دفع شي فمو حاس بقيمتها.
عكس الي دفعوا، حريصين ويرجعون بأسئلة وإذا سووا بودكاست يطلع بجودة ممتازة.

حكمة اليوم: إذا عندك شي له قيمة، لا تعطيه لأحد ببلاش عشان الأغلبية ما تحترم الشي الي يجي مجانا.. لازم يدفع عشان يلتزم ويحس بقيمة هالشي
(مع استثناءات بسيطة طبعا)
وبس والله، شرايكم بسالفتي وحكمتي؟
ترا اللياقة التويترية ماش بعد الانقطاعة الطويلة