الذكور كالعادة يتدخلون فيما لا يعنيهم واحد مسوي ثريد كامل من ثريداته المشهورة بانعدام المصداقية ينقل نقاش النسويات الحاد عن التشييء والتسليع اللي ما عنده فكرة عنه.. طبعا اي نقاش فيه تعهير وترخيص رح يعجبهم طبعا والعتب على الذكوريات اللي لازالوا يستخدمون خطاب التعهير مع النساء
كنت ساكته لاني ابي المواضيع اللي ما نتطرقلها بجدية تنفتح ونناقشها مع توضيحي اني ضد الـslut shaming وضد خطاب قتلة الشرف وضد اي تلفظ وعداء على اي امرأة بسبب خياراتها و حتى النقاب اللي انا ضده ارفض الاساءة لأي منقبة وشخصنة موضوع النقاب. لكن بما ان المواضيع اخذت منحى آخر رح اتكلم
بالنسبة للنساء اللي تعرضوا للتعهير والترخيص والحط من شأنهم بسبب تصورات ان ذكر ما مارس العادة على صورهم هذا تصور قديم ومعروف وفيه نظرة تسليعية للمرأة انه تم استهلاكها او اكل جزء من كبدها ونقصت احد اعضاءها اللي هو عضو الشرف الحيوي بسبب صوره هذا خطاب تسليعي ارفضه
مع اني دائما دائما احاول اناقش موضوع التسليع والتشييء واننا فعلا فعلا نظرتنا للمرأة ولجسدها ولاجسادنا نفسها خاضعة للنظرة اللي تربينا عليها بالنظام الابوي وخذا حقيقي وقابل للنقاش لكن هذا مو معناه اني اتخذ خيارات النساء كوسيلة لتعهيرهن وترخيصهن
لأن مفهوم العهر هذا كله ناتج عن تسليع للسيطرة على اجساد النساء واستحقار المرأة لما تعبر عن جنسانيتها و وصمها بالرخص هذا كله الخوف الدفين من جنسانية المرأة العربية لأننا كلنا بدررنا ومطاوعتنا من يجينا جلطة قلبية من تعبير الاجنبيات عن جنسانيتهن لأنهم مو ملكية لاحد
بينما المرأة العربية ملكية للرجال ثم للمجتمع اللي تدرب على حماية ملكيات الرجال فكل تصرف من المرأة تعبر فيه سواء عن نفسها او عن جنسانيتها يقابله جنون وغضب ورغبة بالإساءة واستحقار عميق لأن هذا الخطاب زرعة النظام الابوي كوسيلة للسيطرة علينا وليس حقيقي
بالفعاليات اللي اشوفها اشوف رجال يتصورون شيرتلس وببوكسر او ملابس داخلية (ومغطي وجهه او مخفيه) لا احد سيصفه بالسلعة طبعا لأنه مالك لجسده وجنسانيته ما تستفز النظام الأبوي. فيه اللي يروح ابعد من كذا ويصور عضوه او علاقته الجنسية كامله ستيل مافي احد رح يعهره او يرخصه او يسلعه
ماحد رح يسوي موضوع عن هالظاهرة اللي موجوده من يوم ما انخلقت على وجه الارض الين الان، حتى المطاوعة وحراس النظام الابوي عمرهم ما وصفوا رجل مظهر لعوراته بالسلعة.. لأن هالوصف مهين ولأن هدفه في هذا السياق السيطرة على الجنسانية وهذا عمره ماكان هدف للنظام الابوي فالرجل حر وليس مملوك
وش مشكلتي انا مع التسليع والتشييء كتبت عدة ثريدات عن الموضوع واتمنى كل امرأة تهتم بهالجانب لأن النسويات ربطوه بأمور خطيرة علينا وعنف (وليس شرف وتعهير) لذلك مهم جدا نكون واعيات عنه، لكن هالتنفير للنساء من هالموضوع احزني حقيقة
اعرف جيدا ما تعانيه المرأة مع هذا الخطاب اللي يمشي باتجاه تبرير سلبها انسانيتها وحتى قتلها وهذا فعلا حصل بالنقاش حيث وصفت النساء بالله بشر! هالحوار ماكان نسوي اطلاقاً، والتسليع والتشييء مو كذا يتم نقاشه ولا هدف الغاء تشييئنا هو حماية السيطرة على اجسادنا
اتمنى من كل امرأة قرأت النقاش انها ما تنفر من موضوع التشييء لأنه مهم، لكن حتى الان لم يتم نقاشه بفهم وإدراك له، للان يتم استغلال هالموضوع إبتداءً من المحافظين اللي التصقوا بكلمة تسليع لتبرير تغطيتهم لنا (رغم ان التغطية تشييء) وللان يستخدم ويستغل من قبل المعهرات
وصفوا النساء باللا بشر* تعديل للتغريدة اللي قبل السابقة. موضوع رفض التشييء نسوي بامتياز وبما انه نسوي عمره ما تضمن تعهير للنساء فلا تخلطون استغلال المحافظين والغير متقبلين لجنسانية المرأة بالخطاب الحقيقي عن التشييء، تمنيت لو ان النقاش ما أخذ هالمنحنى وقلقة جدا من تبعاته
لجميع النسويات الحق في التعبير عن اراءهن لكن التعهير مو رأي التعهير اساءة ذكورية ابوية ما اقبل تكون ضمن الخطاب النسوي لأنها ذكورية وهدفها مو بصالح المرأة بل يعرضها لخطر حقيقي بعد. ورفض التشييء بكل مظاهره جا لحماية المرأة من العنف ما جا بهدف تعريضها للقتل فهمتوا الفرق؟
اعادة تدوير الخطاب الأبوي وإقحامه بالنسوية يععنه جزء منها خطأ.. النسوية عمرها ما تضمنت تعهير للنساء لان التعهير لفظ تمييزي اصغر نسوية تعرف انه ما جا على الكوكب الا للسيطرة على اجسادنا وللتعبير عن قهر الرجال من فقدانهم سيطرتهم على اجسادنا
فيه نقطة ضحكتني بالنقاش وهي كيف تمتعين اللي تكرهينهم بجسدك! هالخطاب ممكن يستخدم برضه على هذا الشكل: كيف تمتعين اللي تكرهينهم بوجهك وتكشفينه لهم بالشوارع.. انعدام للمنطق لأن جسدي انخلق عشان اتصرف فيه بحرية مو عشان بعدين الإمتاع وانعدام الامتاع. ثم احنا ما نكره الرجال surprise
احنا لا نكره الرجال ولا ميسوجينيات ونكره النساء، احنا نكره الذكوريين والذكوريات.. وكرهنا لهم ما يعني أننا نتخفى عنهم او نتحجب عنهم بل اختلافنا معهم يقودنا لمواجهتهم لا للاختباء
جسدي مانخلق للإمتاع فيه ذكور يتمتعون بارجلنا وفيه ذكور يتمتعون بايدينا وفيه ذكور يتمتعون بشعر راسنا ويحسبونه عورة لازم يتغطى لمنع افتتانهم. وش نسوي نقطع اعضاءنا ولانلبس عبايةراس وقفازات وشراب اسود؟ الحل تغيير نظرةالنظام الابوي التشييئيةالمختزلةلنا بالجنس، وليس تعزيزها او موافقتها
هذا مومعناه اني انفي وجود تشييءللمرأة بالمجتمع وترميز جنسي لها واختزالها بموضوع الاغراءوتصير هذي هويتها. من اسباب هالشي القمع الجنسي اللي يمنعها من انها تمارس جنسانيتها بحرية بوقتها، فتصير طول الوقت وبكل جوانب حياتها تعامل نفسها كاداةاغراء، طبعاهذا مايعني انها ريخيصةعويهره بلابلا
هذا يعني انها ضحية قمع جنسي وتحتاج مزيد من الحريات لا مزيد من القمع.
عموما الجنس طاقة بالانسان مهما تم قمعه ما تختفي هالطاقة لكن تتفرغ بجوانب أخرى..
وابسط حقوق هالنساء التفريغ وهذا ان دل فيدل على انهم ابعد الناس عن تهمة التعهير الابوية اللي اصلا هي شرف بالنسبة لي. وهذا ما يعني>
وابسط حقوق هالنساء التفريغ وهذا ان دل فيدل على انهم ابعد الناس عن تهمة التعهير الابوية اللي اصلا هي شرف بالنسبة لي. وهذا ما يعني>
مايعني ان هالتفسير ينطبق على الجميع لأن البعض هذي طريقة تعبيرها عن جنسانيتها والاخرى هذي طريقة مقاومة قهرها وسلبها حرية التصرف بجسدها
آخر شي نحتاجه خطاب تعهيري ترخيصي استعلائي قمعي وهجومي على النساء اللي يااااادووووب تنفسوا الحرية ويادوب عبروا عن انفسهن، حتى لو طرق هالتعبير بالنسبة لك كانت تحتاج نقد، انقدي لكن بدون تعهير وترخيص وسلب انسانية وهجوم على امرأة بسبب مظهرها لأن كذا انتي مو فاهمة لاالتسليع ولا التشييء
هالخطاب الاجرامي الذكوري مرفوض سواء جا من رجل دين، من قسم التوعية الاسلامية فرع النساء، من شيخ القبيلة، من سلطة تقول لا للانحلال، او من نسوية
كيف نسوية وتعهر النساء فهموني هالنقطة لا ونسوية تقول انها مع الحرية الجنسية بعد يعني خلاص وصلت لمرحلة الوعي النسوي بأساليب النظام الابوي للسيطرة على اجسادنا ثم تعهر النساء! اشياء غريبة تحدث. تخيلت ذكر يقول انا نسوي ومع حرياتكم الجنسية يا عاهرات. ههههه
كلمة اخيرة للنساء.. انسانيتك غير قابلة للسحب والمصادرة، اي خطاب يقول لك اخضعي جسدك لقوانيني والا اسحب انسانيتك او اسحب قيمتك وارخصك هو خطاب ابوي يحط النساء بمراتب ويعطيهم قيمات نابعه من مدى خضوعهن له، لا من انسانيتهن. انسانيتك غير قابلة للسحب مهما حاولوا يسحبونها
اقرأوا هالتدوينة الرائعة تطرقت لأساليب الاكراه الي ما نلاحظها واللي نخضع لها.. اخب هالمنصة اعشقها هذا الخطاب اللي مفروض يدور بيننا كنسويات
جاري تحميل الاقتراحات...