الناجح Vs المشهور
في فكرة عالقة في أذهاننا وبتقلل من تقديرنا لنفسنا دايما، هي إننا بنقيم ما نملك وما نقدم، بتقدير الناس ليهو، وحجم الصدى الصنعناهو، ما بالصوت الصدر مننا .. مع إنو علمياً الصدى ما بكون نتيجة لقوة الصوت أو تأثيرو، بقدر ما إنو نتيجة لشكل المكان الصدر فيهو الصوت.
في فكرة عالقة في أذهاننا وبتقلل من تقديرنا لنفسنا دايما، هي إننا بنقيم ما نملك وما نقدم، بتقدير الناس ليهو، وحجم الصدى الصنعناهو، ما بالصوت الصدر مننا .. مع إنو علمياً الصدى ما بكون نتيجة لقوة الصوت أو تأثيرو، بقدر ما إنو نتيجة لشكل المكان الصدر فيهو الصوت.
ممكن النجاح يكون شهرة، بس فكرة إنو الشهرة هي النجاح! ما أظنها فكرة سليمة ..
.. وجود 100 مشهور في العالم، ده ما بيعني وجود 100 ناجح في العالم .. لأنو أنت قد تشتهر من الأساس بفشلك، أو تشتهر بحاجة سلبية فيك، وبتخلي الناس مبسوطة وبتضحك عليك
.. وجود 100 مشهور في العالم، ده ما بيعني وجود 100 ناجح في العالم .. لأنو أنت قد تشتهر من الأساس بفشلك، أو تشتهر بحاجة سلبية فيك، وبتخلي الناس مبسوطة وبتضحك عليك
النجاح والشهرة ما وجهين لعملة واحدة أبداً، لأنو النجاح صُنع أثر في شي ( في نفسك، في شخص، في مجتمعك، في بلدك ..)، والشهرة مجرد لفت انتباه .. ومتاح إنك تلفت الانتباه لنجاح وأثر حقيقي، أو تلفت الانتباه لي صفر كبير.
قصص كتيرة بكل المقاييس كانت متفوقة، بس ما لقت منصة تعرضها، وده ما بينقص شي من نجاحها. ومشاهير كتار بعرفهم بيحصل وأنهم يكون متواضعين في نفس الحاجة الاشتهرو بيها، لأنو الشهرة ممكن تحصل صدفة وفجأة تلقى روحك تحت الأضواء، وإذا ما بقى عندك شي عليهو القيمة تقدمو! ح تكون مجرد ومضة وتختفي
لكن النجاح مستحيل يجي من غير فكرة، وبداية، واستمرار وثبات .. عشان كده بكون نار بتضوي لي سيدها والحولو، حتى لو كان الحولو ده شخص واحد
.. ما المقياس انو عرفوك كم، بقدر ما انك قدمت شنو .. والعبرة بحجم الأثر العميق البيفضل في شخص او اتنين، ما بالمعرفة السطحية البتلمس قشرة قلوب مليون
.. ما المقياس انو عرفوك كم، بقدر ما انك قدمت شنو .. والعبرة بحجم الأثر العميق البيفضل في شخص او اتنين، ما بالمعرفة السطحية البتلمس قشرة قلوب مليون
أنت ذكي لو ما بتقييم نفسك وحاجاتك بالناس وعرفتهم ليها، لا بي قناعتك بيها .. وانت ذكي لو بقيت راضي بي انك تكون هامش بحسابات الشهرة والأضواء، لكن عنوان عريض في حياة شخص أو أسرة أو مجتمع صغير ?.
جاري تحميل الاقتراحات...