ليه الناس ممكن تبيعك ، و إزاي تتعامل مع ده ؟
شوف الـ Thread
شوف الـ Thread
- في عاملين مهمين هما اللي بيحركوا الإنسان و يخلوه يقوم بأفعاله ، و السببين لهم علاقة ببعض و مترتبين علي بعض
——
١- الخوف : الخوف هو المحرك الأساسي لأفعال الإنسان من أول ما البشرية بدأت ، أحداث كتير مهمة غيرت العالم كان سببها الخوف
——
١- الخوف : الخوف هو المحرك الأساسي لأفعال الإنسان من أول ما البشرية بدأت ، أحداث كتير مهمة غيرت العالم كان سببها الخوف
- الخوف هو اللي بيدفع الإنسان إنه يهرب من حاجة لـ حاجة ، من مكان لـ مكان ، من شخص لـ شخص ، الخوف من المسؤولية بيخلي الإنسان يهرب ، الخوف من الناس بيخلي الإنسان يهرب للوحدة و خوفه من الوحدة يخليه يهرب للناس ، الخوف هو اللي المحرك لأفعالك
٢- المصلحة : المصالح من الحاجات المهمة اللي بتحرك الإنسان ، كل إنسان بيسعي في سبيل قضاء مصلحته و حاجته بكل الطرق الممكنة ، و الطرق دي لازم هيمر فيها علي ناس بتخدم مصلحته و بالتالي لابد من التودد و التقرب لهم لخدمة مصلحته
- دول أهم سببين بيحركوا الإنسان و ممكن يخلوه يقرب من ناس و يبعد وقت ما يتحقق سبب من الـ ٢ دول ، كل واحد له مصالحه اللي بيعمل عشانها كل اللي تخدمها ، و كل إنسان له تخوفاته اللي بيهرب منها و يبعد عنها ، إحنا في الآخر بشر مش ملايكة
- إزاي تتعامل مع ده ؟
——
٩٠٪ من الخوازيق اللي بيتعرض لها الإنسان ، هي حكمه بالنظرة الأولي علي المظاهر ، يعني الناس بتحكم و تقرب منها الناس بناءاً علي حكم مسبق ملوش علاقة بالواقع [ شكله طيب ، محترم .. ] ، مفيش شيطان هيجي يقولك انا شيطان ، دايماً الشيطان بيتجسد للإنسان في أحلي صورة
——
٩٠٪ من الخوازيق اللي بيتعرض لها الإنسان ، هي حكمه بالنظرة الأولي علي المظاهر ، يعني الناس بتحكم و تقرب منها الناس بناءاً علي حكم مسبق ملوش علاقة بالواقع [ شكله طيب ، محترم .. ] ، مفيش شيطان هيجي يقولك انا شيطان ، دايماً الشيطان بيتجسد للإنسان في أحلي صورة
- عشان كدا حاول تسيب مسافة بينك و بين غيرك مهما كان درجة قربه منك ، عشان طول ما فيه مسافة بينك و بين غيرك مش هتبني Expectations و حتي لو بنيت فـ قدامك مسافه عشان لما تصطتدم بالـ Reality متقعش علي وشك ، و متخليش حكمك سريع علي الأشخاص بدون تعامل
- و الحقيقة انا بستغرب من بعض الناس اللي تلاقيها تقرب منها أشخاص ميهرفوش عنهم حاجة و يثقوا فيهم و يحكيلهم عن أسرارهم و بعد كدا يبعدوا و يزعلوا ، طب أنت يابني قربتهم منك بناءاً علي ايه ؟ هل أنت عارف أصلا؟ فدي هتكون نتيجة طبيعية لما يبعدوا عنك
- متديش الامان المطلق لأي شخص مهما كان قربه منك ، دايماً سيب مساحة بينك و بين الشخص تحسباً لأي تغير ممكن يحصل ، مفيش حد تأمن له بشكل مطلق ، دايماً خلي جواك إحتمال إن الشخص ده يتغير أو أنت اللي هتتغير ، بلاش تتوقع الملائكية من البشر و تتعشم فيهم بأفعال الملايكة عشان هتزعل
- لما نيجي نبص علي حديث النبي ﷺ [ لا يُلْدَغُ المؤمنُ من جُحْرٍ مرتين ] هتلاقي الحديث ده بحثك علي إن تكون حذر و واعي في تعاملك ، اللي مش بيتعلم من التجارب هو شخص ساذج ، و المؤمن دايماً لازم يكون فطن و ذكي في تعامله مع اللي حواليه
- سيدنا علي بن أبي طالب قال [ أحبب حبيبك هونا ما عسى أن يكون بغيضك يوما ما، وأبغض بغيضك هونا ما عسى أن يكون حبيبك يوما ما ] ، يعني لما تيجي تحب متحبش جامد عشان الشخص ده ممكن يبعد عنك في يوم و لما تيجي تكره بلاش تكره جامد عشان ممكن الشخص ده يكون حبيبك
في مبدأ العلاقات ، قالَ الإمام الشافعي :
[ زِنْ من وزنَك بما وَزنَك ، و ما وَزنَك به فَزنهُ ، من جاءَ إليّك فَـ رُح إليّه ، و من جَفاك فصُد عنهُ ]
—
يعني قدر الناس حسب اللي بيعملوه ، و رتبهم حواليك حسب أفعالهم و قرب من اللي أفعاله تستحقك
[ زِنْ من وزنَك بما وَزنَك ، و ما وَزنَك به فَزنهُ ، من جاءَ إليّك فَـ رُح إليّه ، و من جَفاك فصُد عنهُ ]
—
يعني قدر الناس حسب اللي بيعملوه ، و رتبهم حواليك حسب أفعالهم و قرب من اللي أفعاله تستحقك
- حاول ترتب أولوياتك في الناس و تعرفها كويس .. قسم الناس اللي حواليك لـ ١٠ دواير كل ما الدايرة توسع كل ما مسؤولياتك و احتياجك للي فيها بيقل .. لكن متبقاش عشوائي مش عارف ايه المهم و ايه لا .. مين يستحقك أكتر و مين لا
- وانت بتفلتر اللي حواليك فلترهم بعقلك مش بقلبك .. لان ممكن تحط حد في ثاني دايرة و هو حاطك في الدايرة رقم ٨ مثلاً .. فلترهم و اعرف مين المهم عندك و انت مهم عند مين .. عشان ترتاح
- ميزة الكلام ده كله إنه بيوفر و بيختصر عليك جزء كبير من المشاكل و الطاقة المهدرة و وجع القلب ، لأنك عارف انت بتعمل ايه و عارف اللي أنت بتتعامل معاهم كويس ، حبهم صادق ولا مصلحة ، لكن العشوائية و متعرفش أنت عايز ايه هتجيبلك مشاكل كتير و هتزعلك أكتر و هتخليك ساذج مبتتعلمش
- ساعات بتكون غلطتك أنت انك مدي لناس معينة مكان أكبر من اللي يستحقوه في حياتك ، العيب مش منهم لأن زي ما قلبك مديهم المكان ده ، قلبهم برضو مدي نفس المكان لناس غيرك ، فبلاش تلوم الا نفسك لأن كل الحاجات دي بتكون باينة بس أنت اللي بتتغاضي عنها عشان ماشي ورا قلبك
- نقطة مهمة عايز اتكلم عنها لوحدها ...
- العلاقات الإنسانية ممكن طرف يأذي التاني بدون ما يحس إنه بيأذيه ! ، مهما كان الطرف ده بيحبه فعلاً قد إيه ، لكن عند نقطة معينة الإنسان طاقته بتخلص و بيقرر يبعد عن اللي بيأذيه مهما كان بيحبه حب صادق فعلاً
- فالطرف اللي بيتساب بعد ما يكون أذى الطرف التاني اللي قرر يبعد ، بيعيش في دور الضحية و يعتقد إن الشخص ده سابه و مكنش بيحبه ، مع إنه بيحبه فعلاً ، لكن اللي ميعرفوش إنه بيأذيه و بيجي عليه و ياخد من طاقته و روحه لحد ما خلصت و مبقاش قادر يكمل
- بالنسبالك دي حاجة بتريحك و بتحميك من الأذي ، لكن لو حد شافها من برا هيحكم عليك إنك شخص أناني ، و لو خدت قرار البعد عن ناس بيأذوك حتي لو كانوا قريبين منك هيتقال عليك إنك ملكش عزيز ، عموماً منظورك للأمور الخاصة بيك مش بيكون واضح لغيرك لأنك الوحيد اللي تعرف الحقيقة كاملة عن نفسك
- عباس العقاد له مقولة جميلة في التعامل مع الناس [ أحسِنْ الظنَ بالناسِ كأنهم كلهم خير، واعتمدْ على نفسِك كأنه لا خير في الناس ] اعمل كل اللي أنت عايزه بنفسك و متستناش حاجة من حد ، لكن في نفس الوقت أحسن الظن بالناس
تقييمك للـ Thread
جاري تحميل الاقتراحات...