السلام عليكم ورحمة الله وبركاته حاب انقل لكم قصتي مع امي قبل لا تموت (اسال الله العلي العظيم ان يغفر لها ويرحمها ويجمعني معاهافي جنات النعيم و اسال الله العلي العظيم ان يغفر ويرحم اموات المسلمين اجمعين يارب العالمين )في عام٢٠٠٨تقريباً بس الحمد الله على كل حال طبعاًاخوكم من يتبع.
سكان منطقه الغريبة و منطقة الغريبة مشهورة بالدبابات( الدراجة ناريه )المهم قصتي انو كان يوم الخميس ليلة الجمعه عام ٢٠٠٨المهم انو خرجت بدباب وانا رائح لي عند العيال بالجبل لازم أعدي من عند بيت جدتي المهم عديت من عند بيت جدتي وامي سمعت صوت الدباب وفكه الطاقه وشافتني المهم اتصلت عليا
قالت وينك رديت عليها قلتلها انا بعيد ماخلصت إلكلمه إلا وقفلت الخط بوجهي رجعت اتصلت عليها ماردت عليا وبعدها خرجت مع العيال بالدبابات والله ما جات الساعه ثلاث الفجر الا واناحصلي حادث والله الحادث انا معرف كيف سار بس الحمد الله قعت أسبوع بالعنايه بس الحمد الله واللي جاني في الحادث
انو الله يكرمك ويعزك رجلي أنبترت وجاني كسر باليد والحمد الله على كل حال المهم بعد ماقضيت شهر ونص بالمستشفى وقتها كنت جالس مع امي بالبيت مكان فيه احد من اخواني ولا الوالد الله يطول بعمره ويحفظه ويخليه ويحفظلكم والدينكم ويكسبكم رضاهم المهم سالت امي سوْال والله ثم والله المن سألتها
ويا ليتني ماسألتها قلتلهاامي إنتي دعيتي عليا والله قلتلها ثلاث مرات المره الثالثه اللي جاوبتني دمع عيونها فجاوبني قالت دعيت عليك ذاك اليوم بس والله مكان من قلبي يعني عشان كنت عند جدتك ولا تبي جدتك تخليني انام عندها فعشان كذا سمعت صوت الدباب وشفتك من الطاقه واتصلت عليك عشان تنزلي
البيت وانت كذبت والله يا ولدي طلعت الدعوه وانا زعلانه ولا ادري كيف سامحني يا ولدي المهم ورديت عليها قلت يا يمه سامحيني انتي و ارضي عليا و والله من بعد ذاك اليوم والحمد الله سرت ما اخرج من البيت إلا وهي راضيه و تدعيلي بالخير ويصرف الشر عني وعن اخواني و المسلمين اجمعين وهذا انا
احدثكم من واقع تجربه في حياتي حصلت ولا يمكن ان أنساها فاللي عنده أم أرجوك و أرجوكي و أرجوكم اسمعو كلامهم و كلام أبوكم فالجنه تحت اقدام والدينكم وبر بوالدينكم وقال الله تعالى (ولا تقل لهما اوفً ولا تنهرهما وقل لهما قولاً كريماً )وآسف على الايطاله بس ان شاء الله استفدتو و تستفيدون
من قصتي وكلامي و اسال الله العلي العظيم ان يغفر ويرحم امي و امهات المسلمين اجمعين و أسالك يارب ان تحفظ لكل من لديه ام و اب واجعلهم الرضيين بوالديهم .
قصتي قلتها عشان تأخذون العضه و العبره منها انا بس كذبت على امي فهذا اللي حصل لي فما بالكم و البعيد عنكم ما يسمع كلام امه او ابوه او يعيق فيهم و العياذ بالله فعشان كذا اقولكم اللي عنده أمه و أبوه عايشين في الحياه الحمد الله على وجودهم اكسب رضاهم و اسمعو كلامه
وحاب اقولكم شي مهم للأبناء و البنات اسمعو و أَطِيعُوا والديكم فالجنه تحت اقدامهم و الخير و الرزق والنجاح بالدنيا برضاهم طاعة الله من طاعة الولدين وكذالك الأباء و الأمهات لا تدعين ولا تدعي على اولادك ولا على بناتكم مهما فعلو لي كي تتجانب الندم فأدع لهم بالهداية و الصلاح
جاري تحميل الاقتراحات...