رتبها

#قصة_ناقصة
بيوم من الأيام كنت متردد أشارك ب #تحدي_الهوامير ولا لا..!!
أجبرت نفسي على الروحه لجدة عشان أقدم مشروعي بالحلقة..
صراحة كنت رايح عشان سبب واحد فقط..
أبي كلهم يقولون لي "لا" عشان أقنع نفسي أني ماشي بالطريق الخطأ..

الصدمة كانت أن ٣ من أصل ٥ مستثمرين قبلوا بعرضي..
و هالشيء كان شرف و كان من أكبر الحوافز لي..
صراحة طلعت من الحلقة أحس بنصر عظيم..
أحس أني فزت على نفسي بالدقائق الإضافية..

بالبداية:
شكراً
@alialothaim
@mahataibah
شكرا على تقديم عرضكم لي..
ما تتخيلون قد ايش كان لها اثر ايجابي على نفسي..
شكرا من القلب على كل كلمة.. وشكرا على وقتكم..

قبلت عرض الأستاذ رياض الزامل..
بعد قبولي للعرض رجعت الرياض و الأرض ما تشيلني من الفرحة..
رجعت متأكد أني ماشي صح..
** نظريا اذا ٣ مستثمرين لهم أسمهم بالسوق وافقوا على عرضك.. ف أنت ماشي بالطريق الصح..

جلست بالرياض تقريبا شهر و نص أنتظر أتصال أو رسالة..
لحد ما وصلني هالأيميل:

لا أخفيكم سراً:
كمية الأحباط اللي وصلتني يوم فتحت الأيميل فضيعه الى حد اليأس..
ما قريت الأيميل.. لكن اخذت نظره و طاحت عيني على كلمة..
ما كملت الأيميل.. قفلته و طلعت.. قلت بيفرجه الله..

أرسلت لهم بياناتي و ارسلوا لي باقي التفاصيل..
جاء الأسبوع الموعود.. ياخي كنت أحس الوقت يمشي بسرعه..
ما أبي أوصل لأسبوع #تحدي_راز ..
رحت ودخلت القاعة..
و كالعادة جاي بدري قبل الموعد بساعة..
جلست بالمكان المخصص لي..
ما فيه الا 3 يشبكون اسلاك و يجهزون المكان..

دخل علينا شخص وجهه سمح و مبتسم و يكلم المنظمين و يضحك و يطقطق علينا
صراحة كنت متوقعه محاظر..
لكن أنصدمت يوم عرفت أنه @e2na
تبغون تعرفون ليه انصدمت..!؟
شف السي في حقه.. قمة بالتواضع و الأخلاق..

كنت جاي و عندي الأفكار التالية:
- شركة راز راح يسوون دورة خفيفة.
- بيصير تحدي بين ٣ أو أربعة من أصل ٣٠ شخص وهالثلاثة بيستثمرون معهم.
- راز شركة أستثمار (جب لي فلوس و بكرا ببيعك اذا جاني زبون) أو سنه و اذا ما حققت عوائد.. بنصفي الشركة و ممكن توصل محاكم.

- مستحيل أشوف رياض الزامل.
- مستحيل أشوف ولا الرئيس التنفيذي لشركة.
- مستحيل أشوف رئيس قسم حتى.
- الدورة مقدمه من جهة لتدريب و هالجهة ما يدرون من أنت.
** نهاية ال #ثريد راح تعرفون أن كل شيء مكتوب فوق غير صحيح

بشرح لكم بختصار وش هو #تحدي_راز :
هو فكرة مطورة من فكرة مسرعات الأعمال.. يمكّن رواد الأعمال من النمو من خلال توفير الدعم (التوجية والارشاد- التدريب و التطوير- مساحات العمل) عشان تثبت فكرتك و تضمن فرصتك بالأستثمار.

باختصار:
تعال.. أجلس معنا.. تقتنع انت بفكرتك.. أثبت فكرتك.. بنساعدك توصل لأفضل شكل.. أبني أرقامك.. و اذا اقتنعت أعرضه لنا.. و باذن الله بيكون فيه استثمار معك..
((للمعلومية فيه ناس يوم شافت ارقامهم انصدموا و غيروا فكرة مشروعهم))

نرجع لليوم الأول:
أفتتح رياض الزامل البرنامج صراحة كانت كلمة تصنع فيك الفرق..
وانا احب مثل هالكلمات اللي تخليك تفكر وتراجع نفسك مره واثنين وثلاث..
أكثر شيء شدني بالكلمة:
فيه فعل وفيه رد فعل..
أنت عليك الفعل وربك عليه رد الفعل..

يعني لا تعيش برد الفعل..
وتجلس تتحسف وتقول لو صار او لو كان..
انت عليك الفعل و اترك رد الفعل على ربك..
ما تتخيلون قد ايش أثرت هالكلمة علي..
رجعت للبيت وطول وقتي أفكر بهالكلمة..

مقتطفات من اليوم الأول:
لا ترمي الأعذار/ أوجد الحلول.
أبدأ صغير.
لا تطلب أكثر مما تحتاج.
أهرب من الحرب الباردة مع منافسيك.

اليوم الثاني:
كان فيه دورة عن نموذج العمل التجاري..
و جلسات استشارية..
و كيف انك كرائد اعمال لازم تخالف فرضياتك اللي موجودة سابقا عندك..
و سوينا عليها تدريب بأحد ألعاب البزل..

صراحة أنا باليوم الثاني بديت أستوعب وش اللي جالس يصير..
كنت أتوقع أنه دورة عادية أو استثمار عادي..
لكن أكتشفت أن الأمر مو بالصورة اللي أتوقعه..(الموضوع أكبر من كذا)
حصلت ناس من أكبر منصب فيهم الى أصغر منصب فيهم متحمسين عشاننا..
حلمهم بالحياة كيف يمكنون شباب الوطن..

كان عندي أشكال بنموذج العمل و كنت أسأل @ArchKhaledAli حصلت أنسان يقطع عمره عشان يفيدك و يشير عليك كأنه داخل معك شراكة..
شوفوا كيف كل شخص ماسك شخص يناقشه و يوجهه (الواقفين هم المرشدين)

كنت أحيان وقت البريك أمسك @e2na بسأله سؤال بسيط..
أحصل انسان يطلع لك كل مابداخله لدرجة أنه يترك شغله عشان يوصل لك فكرة..
أنسان شغوف بالتدريب ((للمعلومية أنا أتكلم عن رأس الهرم و ليس موظف عادي))
اصلاً ثاني يوم جاي بدون شماغ
(يبغى يوصل فكرة ترا ما فيه رسميات)

هنا وصلت لي ولناس اللي كانوا معي اللي صاروا أصدقائي بثاني يوم..
حنا مو داخلين على شركة أستثمار..
حنا داخلين على ناس تستمع و هي تخدم الوطن وشباب الوطن..
ناس أكبر همها كيف نمكّن الشاب السعودي و نوصله لهدفه..
ناس موب أكبر همه وش شركتك..
أكبر همه من أنت.. و ما هي قيمك،،

باقي الأيام كانت تدريب و بناء ارقام..
و كان @e2na يسوي لنا تمارين و بعد ما نخلص التمارين يقول كل واحد يشوف نفسه وش كان يسوي..
كنا ننصدم من انفسنا.. احيان يطلع فيك حس القيادة.. احيان تطلع اناني.. احيان تطلع انسان مهمل..

@e2na هو أجمل شخص ممكن يدربك على انك تكون ريادي..
مهارة التحدث+اقناع+انسان حاب الشغله..
استفدنا منه كثيييييييير جدا
شكرا من القلب استاذ عبد الله..

اخر يوم كان عرض مشاريع على شركة راز ممثله بـ:
@e2na
رياض الزامل
الرئيس التنفيذي: عاصف ساجد
و الحمد لله كان عرضي كويس و أنتظر النتايج خلال الأيام القادمة..

كان فيه شخص أسمه محمود الشنقيطي..
كان ناقصني حاجة و هالحاجة عند شخص يعرفه..
يوم جاء هالشخص جاني يقول لي انه برا اطلع كلمه عن موضوعك..
و يدور حولنا و كل شوي محتاجين شيء
و يوم خلصنا بشرني عساك استفدت منه..
يا ناس @RazGroup عظيمة و كفى..

كان فيه عروض للمشاريع اللي مستثمرة معهم راز..
و كنت اسألهم..
لو جاكم عرض أفضل من عرض راز..
تروحون لهم ولا لراز..
كان الجواب بدون تردد (بروح مع راز)
** المشاريع اللي تستثمر معه راز تتقسم النسب بين راز و المستثمر و وقف رواحل..
((أفضّل استاذنا @e2na يتكلم عنه))

كلمة رياض الزامل:

كلمة @e2na :

@ArchKhaledAli

محمود الشنقيطي:

الاستاذ سعد.. من الادارة المالية:
صراحة ما قصر .. كان يمسك كل شخص و يشرح له و يساعده لحد ما يفهم..

كان أسبوع جميييييل جداً..
تعلمت..
استشرت..
تعرفت..
و ان شاء الله تكون نهايتها استثمار..
شرف لي الانضمام لقروب راز..
أشوف نفسي معهم و توجهي مع رؤيتهم..
شكرا شكرا شكرا
@RazGroup
شكرا اصدقائي اللي تعرفت عليهم خلال البرنامج..
و ليعذرني اللي ما عندي حسابه..

ردة الفعل بعد البرنامج:

أتمنى وصل اللي أشعر به..
راز و كفى..
نقطة نهاية السطر.

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد