بما ان تويتر قفل الاكونت القديم فهكتب نفس الكلام تاني، كلمة ابن امه فمصر بتستخدم كتقليل و إهانة. انا الحقيقة ابن امي فعلا، ابويا و امي انفصلوا و انا عمري ٤ سنين و ابويا شاف حاله و فكه مننا، امي اتحملت مسؤولية ٣ اطفال انا اصغرهم و عمرها ٣٧ سنة و اتنازلت»
عن كل حقوقها عشان تحتفظ بينا، و اتحملت كل مسؤولياتنا من الالف للياء لوحدها، كانت ست صغيرة و حلوة و حقها تتجوز تاني بس اتنازلت عن ده عشان بس نكون معاها! قمة الظلم و بدون اي دعم ربتنا و حافظت لنا اننا نفضل في مدارس كويسة و توفر لنا كل الاساسيات
كبرنا و كلنا دخلنا كليات كويسة اخويا الكبير مهندس و اختي دكتورة و انا درست صحافة و اشتغلت كباحث و سافرت اكمل دراسة بره الحقيقة ان كلنا مديونين لها هي عمرها راح علينا! بعد كل ده مبقاش ابن امي! ده انا ابقى وقح! الحقيقو يشرفني اني ابن امي عشان مكونتش هحب خالص ابقى تربية ابويا
و اه انا ابن امي الست اللي عمرها حرفياً راح عليا انا و اخواتي لا لشئ إلا انه مجتمع وسخ و ظالم فالحمد لله اني ابن امي و ربنا يخليها لينا و اقدر افرحها و اعوضها و لو بواحد على مليون من اللي عملته لينا
جاري تحميل الاقتراحات...