اعوذ بالله من الشيطان والله يكفينا الشر
كنت داخل البقاله واشتريت ونا خارج كان فيه رجال كبير بالسن خرج قبلي ولما خرجت لقيته متمدد على الأرض مغمى عليه،فزيت لمساعدته لقيته ينزف دم من راسه،ووجه عالإزفلت،وانا جا ببالي انه لاالمسه لجل ما يكون انقاذي غلط ويموت،رجعت البقاله كان فيها ناس

اقول الرجال بيموت عطوني جوال بسرعه
خرجو يناظرون ويطلبون لطف الله وكل واحد متجمد بمكانه وكرر ياناس عطوني جوال ولا اتصلو بالاسعاف وشفيكم مفجوعين، وكان فيه ماره ولاهمهم،قلبي آلمني وداخلي شي يقول انقذه انت لاتتركه ونا مقهور من الناس هذي الخايفه الي ماتعرف تتصرف ولا تساعد متجمدين

الرجال بنزف بيموت، المصيبه تارك جوالي يشحن بالبيت قلت بشتري ورجع بس،وقسم بالله لاشعوريآ مسكت البائع وقلت عطني جوالك بتصل بالإسعاف ياعديم الرحمه
بصوت عالي،وعطاني واتصلت بالإسعاف
ووصفت لهم،جالس جمبه وادعي الله مايتأخرون، اتصلو الاسعاف وقالو اطلع لنا عالشارع ماعرفنا الحي ونطلقت اجري

ولقيتهم ووصفت لهم البقاله
ونا بسبقهم جري عند المُصاب،مع القايله والشمس وكانت الساعه 2 الظهر، المهم لحقو عليه وانقذوه رجال الإسعاف الله يعطيهم العافيه، وشكروني واثنو الفضل لي بعد الله، هذا واجب انساني وديننا حرص عليه وضميري يردد داخلي انقذه تصرف لاتخليه... سبحان من سخرني لمساعدته