ثريد عن الناس الكتومين ..
مبدئيا كده نحن مامنفسنين ولا عندنا توحد ، لكن مازيكم في حاجه وحده اننا بنحارب برانا وكاتمه فينا وعايزين ناس يساعدونا لكن مابنحب نشيل ناس هم معانا ومابنثق في زول بالساهل
لمن تقول كلام يضايق ونسكت ماعشان ماعندنا رد ، عشان بنفضّل نسكت لأنه لو اتكلمنا الكلام بيكون حار
تصرفاتنا مامنطقيه لأنه الكاتمنه والبنمر بيهو في حد زاتو فات حد المنطق ..
بنكون تعبانين ومحتاجين ناس معانا ويشيلو معانا لكن بنبعد من الناس ، عشان بنفكر انه كل شي مؤقت وبيروح وبنكسر الحنك لكن الاوفرثينكينغ بيحشر لينا
ابسط شي بيزهجنا واصغر شي بيبسطنا لانو جوانا مليانين ومخنوقين ف اقل شي بتزيد على الجبل الجوه
اكثر ناس صادقين وممكن يقيفو معاك و Loyal عشان هم ضاقو وجع الحاجات الكعبه كلها ومابيحبو يعملوها في زول .
ماحتقدر تفهم شخصيتهم لانه الحتفهمو هو الحاجه العايزنك تفهمها بس ما اكثر
لو زول كتوم فتح ليك قلبه وردك كان مختصر او بايخ عادي ممكن يكرهك لانو من الصعوبه يفتح قلبه ف اي شي بيعملها بتكون عندها معنى كبير بالنسبه ليه
الكلام الحلو البسيط دايماً بيسعدهم لانهم بيفتكرو انه ماف زول بيفهم ولا مهتم بي ضيقهم وبيدققو في اقل التفاصيل والحاجه دي مرهقه جداً
لمن تعمل حاجه بورانا ولا تقول كلام فينا بنسكت وبنتعامل عادي لكن بتكون ماعندك مكانه عندنا
ما بالساهل نبني ليك مكانه لكن اسرع ناس ممكن نكسر حنكك
بنبسط لمن نبسط زول عشان كده دايماً وابداً بنحاول تبسط الناس نحن عشان شايفين انه ماف زول ممكن يخت انه يبسطنا
لمن نجي ننصحك بي شي اعمله ، اعمله ، اعمله لانه والله اي زول كتوم يجي ينصحك بيكون كلامو صح لو بعد مية سنه كلامه صح
نحن بشر طبعاً زيكم ماعشان بنضحك ونبتسم كثير معناها مابنزعل ولا نتضايق وتخت في راسك اننا مابنحس ومماعندنا هم ، ضحكنا معاك ده قد يكون تسليك بس ما اكثر
نحن بنمشيك على فهمنا لكن بنخليك حاسي انه انت الممشينا
نحن مابنتحسس لكن بنكون مرينا ب الموقف ده قبل كده وعارفين دي بدايته وحيتكرر
مابنعاتب اي زول ولمن مانعاتبك معناها مابتسوى شي بالنسبه لينا ولو وقفنا عتاب معناها خسرتنا
مابنحكي اننا متضايقين من شنو ماعشان ماعايزين بس لا عشان ما عارفين جدجد متضايقين من شنو لانو الضيق جوه عامل زي الخلاطه صعب تدخل يدك تمسك حاجه وحده
مابنحب الاماكن الجايطه والزحمه
واهم شي انه بنحل مشاكل الناس بالطريقه الصح المفروض نحل بيها مشاكلنا ، لكن اا ويين يا ..
بنعرف ناس كثار لكن مابنعرفهم الحاجه دي ممكن تحيرك لكن اشرحها ليك :
اشرحها ليك كيف هو انا محيراني
اشرحها ليك كيف هو انا محيراني
نحن بندخل قلبك سريع عشان كلامنا مريح ومرينا بالماري بيهو لكن ده مابيعني اننا بقينا اصحاب يادين عشان ماتحسسنا بذنب اننا معلقنك فينا ..
شوف اي زول كتوم بيمر بمرحله اسمها "اممسك البركان" ده الوقت البيكون خلاص بينفجر ، زي حلة البريستو قبل تتفاح بينفسو الضغط الفيها بس نحن بننفس الضغط ونستكين ??
اكثر ناس ممكن نكون حنينين معاك ونديك المحتاجه عشان مالقيناهو لمن احتجناهو وعارفين الحاجه دي حاره كيف
اسوأ حاجه فينا ؛ اننا لمن نحب زول بنحبه على حسابنا برضو يعني بنديك كل الحب مابنخلي شي لروحنا و بنستحمل كل شي منك ماف زول طبيعي بيستحمله ، وبنديك كل الفاقدنه وبكثره، و كل ماتقصر معانا بنشوف ليك عذر ومابنبعد بسهوله
مابنتوب من غلطاتنا عشان نحن اغبياء..
بتكرهنا من بعيد بس لمن تقرب لينا وتخش فينا بتحبنا وحتقعد تقول ياريتني عرفتك من زمان و انت وين من زمان والكلام ده ?
عندنا مشكلة اننا بنكون لطيفين مع اي زول وعفويين مرات ورغم انه الحاجه دي بتتفهم غلط كثير لكن نحن عن نفسنا مريحانا وبننبسط شديد لمن ماننفهم غلط بنحس انه Oh i found my soulmate ??
نحن اكثر ناس مابنفهم علط ومابنحكم عالزول مهما كان ومهما عملت لأننا في حالنا والبتعمله بيفضل بيننا عشان قبل كده انخذلنا من القريبين ف عارفين وجعة الحاجه دي ومابنعملها
بيكون نفسنا يكون عندنا super powers نحمي بيها اصحابنا والناس البنحبهم من الحاجات الكعبه المرينا بيها ..
بننبسط شديد لمن زول يدخل لينا ويقول الفي قلبه ولا يشكي لينا ، بنحس انه دي our next mission ???
اكثر ناس زابطين ممكن يتصاحبو ❤️
لو عايز تتعامل مع زول كتوم لمن يجيك متضايق ما تسأله مالك كده بتحشر ليهو اكثر ، طلعه وأعزمه وقرب ليهو واديهو Love support براهو حيحكي ليك ..
ماتنصحنا لمن نحكي ليك مشكله لأنه ابعادك ما زي ابعادنا في نظرتنا للمشكله ، وماتعمل فيها حكيم لانو نحن عارفين الصحرمن الغلط وأي شي بنعمله لفهم .
بالمناسبه نحن كتومين بس بنكتم الحاجات الكعبه لكن الكلام الحلو والحب الفينا بنديهو بي سخاء ..
جاري تحميل الاقتراحات...