رتبها

سلام عليكم و رحمة الله وبركاته ✨
الثريد دا تابع للتغريدة دي إذ ما قارئ التغريدة التحت دي ?? ما تقراهو أقرا الثريد دا أول تاني تعال أقرا الثريد ?
أقرا للنهاية ..
بسم الله نبدأ ? ...

طيب المرة الفاتت أتكلمنا عن (العقل الباطن ) طيب في نقطة كدة نقيف حبة فيها قبل التنضيف والتغيير .
طيب العقل الباطن عندو مزايا ممكن تستغلها في التتغيير ??:
١/ما بفرق بين حقيقة وخيال تحت بنعرف اكتر ..
٢/ بسحب النفي مثلاً جاتك الفكرة دي :
"أنا ما عايز أفشل > العقل الباطن بفهمها ...

=أنا عايز أفشل أنت بدل تقول كدا قول "أنا عايز أنجح" راقب أفكارك و كلماتك ?
٣/ التركيز العقل الباطن بركز معاك برضو كيف!:
طيب عندك أفكار سلبية و ما قادر تتخلص منها هنا العقل بركز معاك و تتسرخ لي معتقدات فيهُ
انت تمشي تجيب ليك ...

كراس و قلم أكتب الأفكار السلبية دي في جهة و تعال أعكسها في الجهة التانية من الكراس و ركز على الحاجات الإيجابية دي ركز على الحاجة العايزها ما العكس .

طيب كدة عرفنا مزايا ليهُ ندخل في طرق التنضيف والتتغيير (أو البرمجة ) :
التنضيف ?: في كم طريقة و آلية لتنضيف العقل الباطن من المعتقدات السلبية :
١/الكتابة و الحرق
٢/ سيدونا
٣/الطفل الداخلي
أنا حا أتكلم عن واحدة هنا(الكتابة و الحرق ) دي يمكن من أفضل الطرق نبدأ ???:

طيب نحنا قلنا العقل الباطن أرشيف حق حياتنا من نحنا عمرنا أشهر فيهُ المعلومات و المعتقدات و الاحداث ..الخ نحنا عشان نتغيير مرات بتقيف لينا معتقدات سلبية قاعدة من زمان في تحقيق أهدافنا يلا المعتقدات السلبية الأتراكمت عبر السنيين دي زبالةو لازم ننضفها طيب في طريقة الكتابة والحرق ..

دي أنك تجيب ليك كراس وقلم و تكتب كل المعتقدات والمشاعر السلبية المسنترة عندك من زمان في العقل الباطن ما تقول أبدا كيف أنت أمسك القلم وأكتب وتاني براك تلقائياً بتكمل
في ناس بقولو تبدأ بالترتيب يعني من الطفولة >المراهقة > الشباب أو على راحتك المهم تكتب ...

أي موقف المك زمان ..موقف ضايقك من صديق أو أهلك ..تنمر حصل ليك ..خذلان حبيب/ة...عقاب أخدتُ وما كان ليك ذنب ..المهم تبدأ تكتب أكتب قدرتك صفحة صفحتين واصل بكرة و بعدو ماف عدد معين من الأيام في ناس بياخدو يومين وناس أسبوع ،حسب معتقداتك العايز تتخلص منها لحد ما تحس ..

نفسك أرتحت في أثناء ما بتكتب عادي ممكن تبكى أو أجيك الم في بطنك ... عادي دي كلها علامات تحرر يلا أنت أنتهيت من الكتابة تقوم تجيب الكتبتو دا كلو و تجيب كبريت و تحرقو ?? اي تحرقو? أحرق و عاين للدخان وهو بتصاعد كدا أنت بترسل رسالة للعقل الباطن أنُ الأحداث دي خلاص أنتهت أتبخرت ..

مع الدخان دا و قول اسمح بالعبور و فعلاً قول لنفسك من جوا الحاجات المؤلماني خلاص انتهت اتحرقت واتصاعدت مع الدخان ✋?? كراسك دا يكون رفيقك كل ما يجيك حدث أو يحصل ليك موقف أكتبو و احرقو ..
كدا أنت نضفت العقل الباطن و دي طريقة من طرق التنضيف ..✨

التغيير (أو البرمجة )✨ : طيب نحنا نضفناهُ لكن ما ينفع يكون فراغ لانُ حا يرجع يتملى تاني لانُ بقولو ( الطاقة لا تعرف فراغ ) برضو في كم آلية أو تقنية لبرمجة معتقدات إيجابية :
١/التوكيدات
٢/التأمل
٣/تمرين المرايا
برضو هنا حا أتكلم عن واحدة وهي التوكيدات نبدأ ???:

التوكيدة هي عبارة عن جملة بسيطة أنت بتكررها كم مرة عشان تبرمج بيها عقلك الباطن لكن بصيغة المضارع ودي بترجعنا للميزة الاولى الفوق حقت العقل الباطن أنُ العقل الباطن ما بفرق بين حقيقة و خيال ونقطة صيغة المضارع دي غير كدا بتوضح تسمية "توكيدة" عشان ..

تأكد للعقل الباطن أنك عايش الحدث طيب عشان توضح اكتر مثال :
مثلاً أنت عايزة تشتري بيت
التوكيدة >( أنا مستمتع بي بيتي الجميل )
طيب الصيغة جيب كراس و تكتبها وترددها ١٤ مرة لمدة ٢١ يوم أو العكس ودي بقولو فترة لبرمجة العقل الباطن ..

في ناس ممكن ياخدو سبعة أيام و تحصل ليهم البرمجة على حسب ...في نقاط مهمة و أنت بتكتب :
١/ مشاعرك و تفكيرك يعني لازم المشاعر و أفكار حقتك تكون إيجابية زي زول بكتب توكيدة
أنا سعيد لازم يكون فعلاً حاسس بالسعادة لكن إذا تفكيرك سلبي ومشاعرك سلبية وقاعد تردد في حاجة ..

كدا بتزيد من حالتك العايشة اكتر واكتر ..حتة المشاعرة والافكارة مع التوكيدة مطابقة ممكن دي بالذات ممكن يحصل فيها مفعول سحري وأنك بالجد تكون الحاجة العايزها ...
٢/ ما يقاطعك زول و أنت بتكتب نهائي ?✍?❌
لانُ في الوقت دا..

أنت بترمج في عقلك الباطن و أي مقاطعة بتشتت العقل الباطن وكدا ما بترسخ ليك المعتقد الإيجابي .
التوكيدة ممكن تكون بالكتابة أو تسميع الذات يعني تسمع نفسك كلامي إيجابي أو تسمع بي التلفون كلام إيجابي لكن شرطها التكرار وصيغة التوكيدة ما مهمة كيف يعني ممكن عادي تقول بالدارجي ...

كدا انتهى الثريد ..الطرق الما ذكرتها ممكن تمشو النت و تبحثو عنها في كم كوتش في النت في تنمية الذات وعلم الطاقة ممكن تمشو و تشوفهم ... ان شاء الله تاني قريب
#كن_إيجابي
#كونوا_بخير ?

@AmroKhier
Thanks ✨

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

نسخ سلسلة