رتبها

ثريد سفرتنا للقنفذه اللي محد يبي يروح لها الا امي اللي مستانسه فيها ومجبرتنا كلنا حتى ابوي

اول شئ ابوي دخل على الطريق اللي يسار وعكس وجت سياره مسرعه وبغت تكون نهايتنا بس ربي ستر وابوي يقول هو الغلطان عاد مدري كيف بس بنسلكله عشان ال٢٥ ريال اللي اعطانا اياها توه

بعدين اختي الصغيره رجعت وعطيناها كيس وقعد ابوي قعد يهاوشها شكله يحسب يمديها تخزنه في المعده لين نوصل المهم امي خذت الكيس ورمته من الشباك وجا على سيارة مصري ورانا وقعد يدقدق بواري وابوي طلع من الشباك يهايط عليه

والمصري ضخم لو مسك ابوي خلاه كفته بس ابوي عشانه عارف مايمديه يوقف خذا راحته قام اخوي الفاضل عشان يشيل ريحة طراش اختي يعطر بعطره وربي ريحته ديزل ملخوط بعرق هنود وفتحنا الشبابيك نغير الريحه الله ليوفقه هو وعطره

قامت امي شغلت مقطع لأخوها الدب وهو يرقص في السياره وابوي قام يطقطق عليه وزعلت وتهاوشوا بعدها قمنا شغلنا شيلة ابوي المفضله عشان يهدئ اعصابه (اسوأ شئ ممكن يمر عالأذن البشريه) لا انصح بسماعها الا بوجود سدادات اذن زي اللي ماخذينها انا واخواني حاسبين حسابنا انه يشغلها

@againitsLA فعلاً محد يجيها الا امي شكلهم دافعين لها عشان تنعش السياحه عندهم

شوفو هنا ابوي وقف عشان يشتري عشانا امي اللي شافتها وقالت (ونسس ونااه يازينها وحطبها جنبها جاهزه للأكل) وابوي يقول الله واضح لحمتها لينه انا متأكده امي وابوي لو تصير حرب بيصيرون اكلين لحوم بشر

حاطيني في جهة الشمس والكونسيلر بدأ يتكتل والكحل ساح شوي وفشلت خطتي اني اكون جميله واهلاً بالقبح

امي نزّلت اخوي تقول جيب لنا شريط منوعات وحاولنا نقنعها انه مو فيه بس لأن امي ديكتاتوريه اجبرته ينزل وانصدمت لما مالقى انقرضتت من السوق يمه انقرضتتتت
Hello we in 2020!!!!

يالله قدرت القط هالصوره لسيارة الاسكريم لأن اخواتي نزلوا بسرعه وحاصروا سيارة الهندي المسكين فجعوه وقعد يحلف يقول باقي ماجمد الاسكريم وماراحوا لين تأكدوا من كلامه بعدين رجعوا هجموا عالبقاله كل المحطه منصدمين محد قد جاهم سنين وفجأه جينا احنا

امي تكتب في اليوتيوب شيلات بإسم القتفذه تكفيييين المشكله ماتعرف ذا الديره هههههههههههههههههههههههههههههههههههههههههههههههههههه

@lliillzx_ تكفين احلى من اقابل طلعتوا ولا باقي؟
احسني مشهوره وانا اقابل متابعيني😭

الله القنفذه مرررره خضراء على طول الطريق كذا اشجار وخضااار وجبال خضراء عرفت ليش امي تبحث شيلات بإسمها صراحه تستحق وطبعاً الصور كذا لأن ابوي يمشي طول عمره على ٤٠ الا اليوم قرر يمشي على ٢٠٠ شكلها نهايتنا دعواتكم

@lliillzx_ اكيييد اخواتي من امس نايمات بملابس السباحه😭😭

امي شافت هيلكس وفي الصندوق تيس قالت الله يازين ذا التويس الاشقر قدم خل نشوف من اللي كاشتين فيه (شكلها ق.ص) يوم قدم ابوي الا واحد وعايلته كاشتين قالت امي ما شاءالله هذي الكشته السنعه موب احنا هذا يمتع اهله قام ابوي يحد سيارتهم الشايب يحزن بغا يقلبه وش هالعايله ماخلوا احد في حاله😭

دق علينا خالي يقول جيبوا معكم واير كنت اعلم البنات السواقه وغرزنا

ماقدرت اكمل الثريد عشان المكان مافيه شبكه🙂

وصلنا المكان🥺🥺

بعدين وصلنا وجلسنا وقلنا يالله بنات نتمشى قالوا خلوه لين يجي الليل عشان مانبي نمر قدام فرشة الرجال🙂🙂🙂
انهو الحيائو يا سااده

البنات شافو الحنتور واعجبهم قالوا يالله نركب ركبنا كننا دينة باكستاني ولا بعد مشغل اغاني عراقيه وفوق هذا البنات يغنون معه انهياااااااار😭😭😭😭😭
مالقيت المقطع اللي يغنون فيه البنات بس لقيت هذا

@9jonx هذا الديب ويب

ولقيت بقايا ورق عنب في كيس وذقته يجنننننننننننننن طعمه في المخخخ هذت احسن شئ ذقته اليوم

قالوا يالله تعالوا بنروح مطعم عشان البرد وقلنا يالله وسألت عن اسم المطعم وليتني ما سألت خذيت اسمه ورحت ابحث في قوقل ماب وانصدمت تدرون ذا المطعم خالي موصله السحاب يقول خوياي يمدحونه😭😭

غيرنا المطعم عشاء تايم🥰

فقرة المواقف المضحكه في السياره
(فقرتي المفضله)

اخو زوجة خالي الكذاب هم امس نايمين عند البحر يقول (والله اني راقد شوي لا اسمع صوت مره تكلم عند راسي يوم رفعت راسي وهي تقوم وتقرط في اذني وهي تركب سيارتها هيلكس دبل وتمشي) ابوي يقول ان الولد يحلف انها صارت هههههههههههههههههههههههههههههههههههههههههههههههههههه 😭😭

اختي نزلت السوبر ماركت وتأخرت يوم نزلت امي تشوف وينها لقتها تشتري مساويك لبوي هذا البر ياجاهلينه😴😴☝️

ماودي اقولكم انها اشترت له من فلوسه

عاجل عاجل اخوي اشترى عصير وفتحه في السياره وريحته زي ريحة كودرد وامي بغت تنزله من السياره تقول بيجيه عقم ولعنا النور ووريناها انه واحد ثاني وخلته يشربه وليتها ماخلته يشربه لأنه طلع بالزنجبيل والعنب ووقفنا لأن اخوي قام يرجع والله يستر من الجاي شكل نهايتها طوارئ