ليه الأغاني بتعلق في راسنا؟ طبعاً الموضوع أكل معاي جنبة وبحثت عنه.. لقيت انه عندها كم مصطلح أشهرهم earwarm او علمياً
Involuntary music imagery INMI
Involuntary music imagery INMI
وشبهوها بالدودة لأنها بتعمل لينا كاروشة في مخنا كدا.
وهي عبارة عن انه مخنا محتاج انه يكمل الفراغات الفي إيقاع الغنية وعشان كدا مرات كتيرة ما بنكون حافظين الغنية كلها بس مقطع واحد وبنكرره كتير.. ودا ربطوه علماء النفس بي نظرية اسمها تأثير زايقارنك او Zeigarnik effect نسبة للإكتشفها
وهي عبارة عن انه مخنا محتاج انه يكمل الفراغات الفي إيقاع الغنية وعشان كدا مرات كتيرة ما بنكون حافظين الغنية كلها بس مقطع واحد وبنكرره كتير.. ودا ربطوه علماء النفس بي نظرية اسمها تأثير زايقارنك او Zeigarnik effect نسبة للإكتشفها
النظرية بتقول انه الحاجة البتبداها وما بتكملها او لمن حاجة معينة يحصل ليها interruption بيقوم مخنا بيسترجعها عشان يكملها.. عشان كدا الوايترز وديل بكونو متذكرين طلبات الناس كلها لحدي ما يجيبوها ليهم حتى لو اخدت ساعة وبعداك بينسوها طوالي.. (بإستثناء وايترز السودان وخصوصاً لاتيست).
المهم فبما إنه الغنية البتعلق لينا دي مرات في الغالب بنكون سمعناها واتقطعت او ركزنا فيها متأخر وبعداك قبل ما نسمعها كلها انتهت.. فالنظرية دي بتعتبر الغنية في الحالة دي unfinished business وبترجعها ليك كل شوية..
في علماء تاني قالو انه السبب البخليها تعلق انه ركوب راس من المخ لاننا بنكون ما عايزين نفكر فيها فبقوم شنو يجيبها لينا فوق في سطح المكتب عشان يشغلها لينا..
في دراسات تانية حاولو فيها العلماء يشوفو اكتر اغاني بتعلق في امخاخ الناس لقو انه ما كان في حاجة مشتركة وبين الف غنية ممكن يلقو غنية واحدة اتكررت ٧ مرات..
مرات بكون التكرار نتيجة لي انه غنية من فيلم جديد مشهور او مسلسل ناس كتار شافوهو او حفلة بتاعت عمر الامين وكدا يعني..
مرات بكون التكرار نتيجة لي انه غنية من فيلم جديد مشهور او مسلسل ناس كتار شافوهو او حفلة بتاعت عمر الامين وكدا يعني..
المهم كيف ممكن نعالج الموضوع دا؟ مافي حاجة سحرية مثبتة في ناس بقولو اكل لبان، اسمعها للنهاية، اشغل مخك بي حاجة تانية من النوع البستحوذ على فكرك كله زي رياضة او غيره، غني غنية تانية والخ..
في الاخير الموضوع طبيعي في أسوأ الظروف بتاخد كم يوم وبتروح. فما تشيلو هم، لكن لو بديتو تسمعو غنية شغالة وهي اصلا ما شغالة امشو لي دكتور نفسي لانه حيكون عندكم حاجة اسمها endomusia ودي حالة الناس بقولو انهم بسمعو اغاني ما سامعها زول غيرهم
المهم تصبحوا على خير و
الساااعة خممسة.. يا
المهم تصبحوا على خير و
الساااعة خممسة.. يا
جاري تحميل الاقتراحات...