رتبها

تعمل ايه لو حرب نووية قامت ؟
شوف الـ Thread

- في الحرب العالمية ، كان فيه طريقة واحدة لالقاء القنابل النووية ، و هي ان طيارة تشيلها و ترميها بتأثير الجاذبية و تنفجر ، دلوقتي بقا في طرق كتير ، أبرزها [ الصواريخ الباليستية ] ، و دي عبارة عن صواريخ بتتحرك في مسارات ثابته من مكان انطلاقها للهدف

- الصواريخ الباليستية بتنقسم لـ ٣ أنواع حسب مداها اقل من ١٠٠٠ كم [ قصيرة المدي ] و دي اللي استخدمتها ايران في قصف القواعد في العراق ، من ١٠٠٠ الي ٣٥٠٠ كم [ متوسطة المدي ] ، أكبر من ٣٥٠٠ كم عابرة للقارت ، و ممكن اطلاقها من قواعد ارضية أو غواصات ، و لها قدرة علي حمل رؤوس نووية

- القنبلة النووية بتعمل بمبدأ [ الإنشطار النووي ] وقتها بيتم قذف عنصر مشع زي [ اليورانيوم ٢٣٥ ] بـ نيترون ، فيصطدم بها و ينقسم لـ ٣ ، فيصطدم و ينقسموا و هكذا لحظياً و كل انشطار بيتولد عنه طاقه مهولة زي ٢١ الف ميجا طن TnT? زي ما كان في قنبلة الراجل السمين

- إيه الفرق بين الانفجار العادي و الانفجار النووي ؟
—
الانفجار العادي هتسمع له صوت وقت حدوثه ، درجة حرارته عالية ، ممكن تطفيه بمياه
- الانفجار النووي مش هتسمع صوته الا بعد حدوثه لأنها موجات كهرومغناطيسية ٣٠٠ الف كم / ث ، درجة حرارته ملايين الدرجات

تعمل ايه لو إترمي قنبلة نووية ؟
——
- بص لو انت في مركز الانفجار يعني علي بعد حوالي ٢-٣ كم من الانفجار ، فأنت هتسيح في لحظتها و أي حاجة في المحيط ده مش هيبقي ليها وجود حرفيا ، مش هتلاقي أثار ليك أصلاً ولا لأي حاجة هتتحول لشبح في أقل من ثانية

- طب لو لقيت نفسك لسه عايش ، أنت علي بعد من ٤- ١٠ كم عن الانفجار ، للأسف فرصتك في النجاة تكاد تكون صفر ، لأن قدامك من دقيقة الي ٩٠ ثانية للوصول لملجأ يحميك

- يعني إيه ملاجئ دي أصلا ؟
—
دي عبادة عن ملاجئ تحت الأرض مصنوعه من الرصاص و الخرسانة لحماية المواطنين لو حصل حرب نووية ، و دي موجوده في امريكا و روسيا و اوروبا و الصين ، طبعاً في مصر معندناش الرفاهية دي

- في انتركاتكا ، تم بناء مكان خاص و حفظوا فيه كل البذور اللي موجوده فيرالعالم ، عشان لو البشرية انتهت ، الناس اللي هناك يقدروا ياخدوا البذور دي يزرعوها

- نرجع لموضوعنا :
طب لو انت بعيد من حوالي ٢٠- ١٠٠ كم عن الانفجار ، قدامك فرصة للنجاة قبل سقوط الغبار الذري علي الارض و كل ما كنت قريب كل ما كان سقوطه أسرع ، فلو بعيد فرصك في النجاة هتزيد ، الغبار الذري عبارة عن غبار ابيض كدا
- فيديو من مسلسل تشيرنوبل بيوضح ده

- طول ما انت بتهرب اقلع اي هدوم انت لابسها ? ليه ؟ عشان متتلوثش بالاشعاع و يبقي مجهودك طلع علي الفاضي و طول مانت بتجري نفض جسمك من اي حاجة و شعرك

- طيب تعرف ازاي انك اصبت بالاشعاع و تعرضت لجرعه عاليه منه ؟
—
هتلاقيك بترجع ، لان الجهاز الهضمي أكتر حاجة حساسة للاشعاع ، ادخل اي صيدليه اشتري حبوب اليود ، لو لقيت ان جلدك بيتشوي و و بيتكال و في حروق في جسمك للأسف جرعة الاشعاع كانت عالية و هتموت

- نرجع لموضوعنا انت الحمد لله سليم ، تروح فين بقا ؟
——
دور علي اي مكان تحت الأرض و روح استخبي فيه و يفضل و انت بتحري تاخد اي اكل و شرب تلاقيه في طريقك و لانك مش عارف رايح فين ، ممكن المولات فيها ادوار تحت الأرض ، او الأبراج السكنية

- لو هتستخبي في اي بيت قدامك ، لازم يكون اكبر من ٥ ادوار و تستخبي في الدور الارضي ، مهما كان المكان اللي هتروحه لازم تسد اي فتحه للهواء ،وعشان الغبار الذري ميدخلش منها و تموتوا كلكم ، يعني لو في مول مثلا ، لازم كل الابواب تتقفل و يتخط وراها اي حاجة قدامك عشان الاشعاع ميدخلش

- أول يومين بعد الانفجار حوالي ٨٠٪ من الاشعاع بينتهي بتبقي حوالي ٢٠٪ بيستمر معظمهم لحوالي ٣٠-٤٥ يوم ، خلال الـ شهر شهر ونص دول تفضل قاعد في مكانك متخرجش منه ، ممكن تفتح تهوي المكان بعد يومين لكن مدة صغيره و تقفل

- بالنسبة للأكل و الشرب ، و انت في طريقك للمكان حاول تجمع اكبر كمية ممكنة من الاكل و الشرب عشان هتفصل شهر من غير اكل و شرب ، فهتموت من الجوع ، و اوعي تشرب من الحنفية ، هي كدا كدا بتموت لوحدها ، فما بالك لما النيل يبقي ملوث بالاشعاع ، اشرب مايه معدنية بس

- اوعي تساعد اي حد عنده الأعراض اللي قولتلك عليها فوق [ بيرحع ، حروق ، تشوهات ] اوعي تلسمه حتي لو كانت مراتك لان الاشعاع هينتقل ليك ، متفكرش الا في نفسك ، عشان لو عملت حاجة غلط هتموت

- الحمد لله عدت و الشهر فات المفروض تلاقي ناس هتنقذك ، طب ملقتش !! ، بص هو لو فيه حرب فهتلاقي كل حاجة اتدمرت ، مفيش موبايلات بقا و لا اي حاجة ، لما تخرج من مكانك اوعي تلمس اي حاجة ، لو لقيت اي حيوان قدامك ابعد عنه و لو قرب منك اقتله

- اوعي تلمس اي حاجة قدامك عشان هتكون مشعه ، حاول تلاقي طريقة تهرب بها من المدينة اللي انت فيها ، اوعي تركب عربيات من اللي موجودين قدامك حتي لو كانت زيرو ، لانها مشعه ، اهرب علي رجلك .. دي نهاية البشرية مش هنهزر فاتعب شوية عشان تنجو بنفسك

- اتعلم تصطاد ، عشان لو متعلمتش يا اما هتموت من الجوع ، يإما هتاكل لحوم البشر و تاكلوا بعض ، شوف فيلم cast away بتاع توم هانكس عشان تتعلم تتصرف و تصطاد و تاكل ايه

- لو لقيت العالم انتهي و مفيش مكان تروحه دور علي اي سفينة و اي حاجة تسترك من البرد ، و اطلع علي انتركاتيكا [ القارة القطبية الجنوبية ] ، هتلاقي ناس مستنينك هناك و حافظين عندهم البذور ، و ابدأوا عصر حديد من البشرية

- عشان متتصدمش و تفتكر انك في كوكب تاني ، هتروح هناك هتلاقي ٦ شهور الشمس مش بتطلع فيهم خالص ، و ٦ شهور الشمس طالعه في الـ ٢٤ ساعه ده عادي متقلقش انت لسه علي الأرض ، اتجوز بقا هناك هتلاقي سفن جاية من سويسرا و امريكا و روسيا ،و ابقي ادعي للناس اللي ماتوا

- ابقي تقل علي نفسك عشان متبقاش نجيت من النووي و تروح تموت من البرد

ابقوا شوفوا الافلام دي
Cast away
2012
The 33
The martian
Everest
127 hours

و ابقي قول للناس ان بلور هو السبب بعد ربنا اني اوصل لهنا ??

حاجات سهلة يعني يا جماعة انتوا مصعبينها ليه

و متسمعش اغنية نجيب بالباقي لبان بتاعت الفنان امير عيد عشان هتضيعك

يوم ما تطلع من مصر تطلع منها علي نهاية العالم ?????

تقييمك للثريد

واحد انتركاتكا ، جاي يا كابتن القطب الجنوبي ؟ اتفضلي يا انسه في الكابينه

لو لقيت توم هانكس معاك في نفس السفينة انزل منها عشان هتغرق ?

لو عايز تعرف اكتر عن الاشعاع اقرأ الثريد ده

ملاحظة صغيرة :
و انت بتصطاد و لقيت الحيوان ده حالته وحشة يبقي مصاب باشعاع اقتله و ريحه من العذاب اللي فيه لو حالته كويسه اقتله و كله ، و كذلك في البحر و انت رايح انتركاتيكا لو لقيت السمك علي وش الميه يبقي مصاب بالاشعاع و اصطاد من حتة تانية و بلاش اندومي

ما انا مش عاملكموالثريد ده عشان تقولوا هنموت احسن

موبايلات ايه اللي تاخدوها معاكوا يا جدعان بقولكوا كل حاجة هتتدمر و العالم هينتهي تقولوا موبايلات

الناس دي مش بتاعت نهاية عالم فين الاكشن يا جماعة

ازاي تروح انتركاتيكا من مصر ؟
—
و الله لها طريقين حسب انت طالع منين
—
١- البحر المتوسط :
لو طالع من مطروح لحد اسكندرية ، فهتعدي اول فتحتين بتوع نهر النيل و تدخل الفتحة التالتة
- لو طالع من كفر الشيخ هتعدي اول فتحة و تخش في التانية
- لو طالع من دمياط هتدخل في اول فتحة يمين

٢- البحر الاحمر
- طريق البحر الاحمر سهل هتطلع علي اي فتحه من دول سواء خليج السويس او العقبة و تمشي في اتجاه الجنوب ، لحد ما تعدي مضيق باب المندب هتلاقيه مكان ضيق كدا و بكدا انت خرجت من البحر الاحمر

- بعد ما تخرج من البحر الاحمر هتفضل ماشي مع ساحل افريقيا ، في U-Turn كدا عند الصومال خدها و كمل طريقك للجنوب ، بس خلي بالك في النص هتلاقي جزيرة علي شمالك دي مدغشقر اوعي تلبس فيها ، كمل طريقك لحد ما تخلص افريقيا و امشي علي طول هتلاقي انتركاتيكا في وشك

- اول ما توصل ادبحلك بطريق و كله عشان هتلاقيك جعان

ثواني كدا يا جدعان ، الـ Gps طلع بايظ ، الـ Global seeds valut طلع في القطب الشمالي مش الجنوبي ??‍♂️? ، انا اسف كنت هقطع نفسكوا علي الفاضي ? عموما كدا اقربلك ، بصوا موتوا اسهل انا زهقت ???

الثريد مش هبد والله ??? بس دي الغلطه اللي فيه ??????

متخلونيش قائد السفينة ?

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد