في علاقات في حياتنا ببعض الناس تندرج تحت مسمي “علاقات خطره“ ؛ علاقات بتاخد مننا مجهود كتير بتستنذف طاقاتنا بمرور الوقت ؛ محطوطين فيها علي طول تحت ضغط و مطالبين فيها دايماً بتقديم إثباتات اننا افضل ؛طول الوقت اختبارات واحياناً كتير بنكون متهمين واقفين في قفص الاتهام ?

ومطلوب مننا ندافع عن نفسنا في تهم موجهه إلينا ؛ مع ان أصلاً التهم كلها باطلة من الأساس ؛ علاقات بتاخد مننا كل مشاعرنا الحلوة وبتضيفلنا مشاعر كتير سلبية ؛ علاقات بتطفينا وبتخلي ارواحنا تدبل مع مرور الزمن؛ العلاقات دي زي السرطان عشان نعرف نعيش بنحتاج لعملية بتر ?

صحيح الجزء اللي هيتم بتره ده هو عُمر من ضمن عُمرنا اللي ضيعناه مع ناس دخلوا حياتنا بالغلط ؛ بس لازم نخلص من العلاقات دي عشان كل ما الوقت بيطول خسايرنا بتبقي اكبر وأعمق.