القصة بدايتها على نهاية 2016 كنت في سكن الجامعه بعد أختبار مردغني تمرديغ أفتح تلفوني وتيجني الأخبار ألي خلتني يوم كامل أصيح وبدون توقف.... يتبع
السالفه وما فيها سوتلي اختي رسالة تقولي أبوش طاح فيها وتزوج على أمينا (كيف ومتى وليش) ....كلها بعدين بدت تطلع السوالف شوي شوي..... يتبع
المصيبه انه ودر البيت وراح مع ست الحسن والدلال وسافر شهر العسل واحنا اللي كل صيف نحن على راسه بس يودينا صلاله وهو يتعذر بالشغل.... يتبع
مرت الأيام وهو ناسي حرمته اللي ما قصرت عنده بشئ ولا بناته لـ5 الي كانن مشرفاتنه دراسيا وأخلاقياً ولله الحمد..... يتبع
المهم أمي قررت انها تعتمد على نفسها وعلى أختي (أسماء) ألي كملة سنه على أول قرض بنكي لها حال أبوي ألي أول ما تعينت في مسندم ألا هوه مودنها البنك بحجة يسدد ديونه...يتبع
طبعاً عاد الكلام والنوح ما يفيد ... جات صاحبتكم الحكيمه بخططها من الجامعه في يوم من الأيام ومسويه ديباجة كبيرة وعريضة ومحضرة خططها عشان تخلي هذا الأسرة ما تحتاج لأحد...يتبع
خلصنا متغدين قلت حال أمينا تعالي بنسولف شو ... المهم قلتلهم ما ممكن نعتمد على راتب أسماء بروحها طبعاً أمينا كنت تبيع سمن وتخبز وبيض وخبز عماني بعض الأحيان حال خوالي وجيرانا ويعطوها جزاهم الله خير.... يتبع
مصدر دخلنا كان راتب أختي (أسماء) ...
و( الثروة الحيوانية أبقار وبعض الأغنام ودجاج ) كنا مهتمين فيهم لأنهم مسويلنا دخل حلو (نبيع سمن ولحم وبيض)... يتبع
و( الثروة الحيوانية أبقار وبعض الأغنام ودجاج ) كنا مهتمين فيهم لأنهم مسويلنا دخل حلو (نبيع سمن ولحم وبيض)... يتبع
قررت اني أسويلي مشروع صغير وأبيع ويكون مصروفي أشله بروحي.... يتبع
جمعت بداية الموضوع طلبيات كميم عمانية عن طريق زميلاتي ألي تريد تهدي زوجها وألي تريد لأبوها وغيره، نسقت مع حريم الحارة كم وحده اني اجيبلهن طلبية وهن ياخذن نصيبهن وانا اخذ نصيبي، بعدها حصلت مبلغ حلو راس مال أشتريت فيه بعض العطور الحلوه وسوقتها بطريقتي وبعت منها بيعه حلو.... يتبع
والحمدلله صار حالي ميسور وأعتمد على نفسي، الدراسه عاطتنها حقها ودخلي يجيني بشكل منظم، مرت الأيام واذا بولد حلال أتابعه في الأنستجرام ما أنسى فضله علي يريد يبيع عود قلتله انا بعطيك واشترى كمية كبيرة من معي.... يتبع
وفي نفس الوقت هوه كان معه مشروع يبيع مصارة وكميم، قلتله خلنا نسوي تعاون بينا قال تم، طبعا هوه وثق في وانا وثقت فيه جزاه الله خير.... يتبع
قررت اني أعرض معي بعض المصارة طبعا عطاني فيهن كورس سريع وعرفت أنواعهن واسعارهن ، سوقتهن بانفس الطريقة ألي كانت مع العطور.. طورت الموضوع قمت انسق هدايا للبنات وبعض المعلمات عن طريق اختي في المدرسة، وبديت أبيع مصارة وأحصل فيهن فايده أحلى من العطور..... يتبع
وأستمريت على هذا الحاله لحد ما صارت معي خبره كبيرة في هذا الموضوع، وفي نفس الوقت هوه مستفيد كثير مني، مرت الأيام وبعد ما صار وضعي المادي فوق الممتاز طبعاً كل شي كنت أشاركة أمي وخواتي.... يتبع
والحمدلله صار وضعنا جداً ممتاز ما صرنا نحتاج لشي ألا ونشتريه ومن وين نبغا نروح نروح، أختي أشترت سيارة والحمدلله على الحال الحلو اللي كنا فيه، وصلحنا البيت والحمدلله.... يتبع
صح انه أبوي بعيد عنا بس كنا مشكلين توليفه انا وامي وخواتي حلوه وتفاهم كبير بينا.... يتبع
طبعاً تخرجت السنه الماضية والحمدلله أستمريت على نفس الشغله بس بشكل محدود وعلى الوتساب ما عندي انستجرام ولا تويتر بس عن طريق المعارف والحالة في الوتساب.... يتبع
اليوم قررت أني أشاركم هذا القصه واني أستمر في هذا العمل عن طريق هذا الحساب وبأذن الله راح أواصل على النيه ألي كنت ناوتنها.... يتبع
طبعداً أبوي زادت زياراته بعد ما تغير حالنا وصرنا أفضل بكثير وعرف أنه ما يكسر عزيمتنا أي شي.... يتبع
طبعاً بما اني فاضية وما عندي وظيفة صرت أدير أمور البيت وأمي الحمدلله مرتاحه وعوضنها كرف الأيام الماضية والحمدلله راضيه عنا..... يتبع
صح ما خبرتكم عن خواتي الثلاث (نورة (صف11)- سهام(صف9)- وضحى(صف5)) لأنهن يدرسن في المدرسة بس كانن صاحبات مسؤليه وعرفن من نكون وما تعبنا كانن متفوقات في الدراسة وصارن كل ما يحتاج نشي وفرناه حالهن الحمدلله..... يتبع
(امي الحبية - أسماء – دلوعتهم{ بيج بوس?} – نورة- سهام – وضحى ) المحبه لكُنَ دائماً وأبداً.
.....................أنتهى................
.....................أنتهى................
جاري تحميل الاقتراحات...