بخصوص اللغط الجاري المتعمد بخصوص مشروع خط اسرائيل لليونان وكذبة واستبعاد مصر ومشروع القانون الامريكي- سامح فهمي في ٢٠١٠ صرح ان شرق البحر الابيض فيه احتياطي غاز مهول والإخوان هاجموه- اي ان احتياطيات الغاز مدروسه من دول من زمان ودي سبب مشاكل كثير جدا ١
وفعلًا بعد ٢٠١١ شركات غاز اكتشفت حقلين مهولين بأسرائيل شمال حيفا يعني استحاله يكون تبعنا استحاله بكل المقايس وقلت شركات لان اسرائيل لا تملك الغاز بل ملك مستكشفة وليس ملك الدولة والدولة يتاخد فقط اتاوه Royalty Fees من الشركات اًو ضرائب بأسمها الدارج٢
والقانون بأسرائيل يسمح بتصدير جزء لترك غاز للأجيال القادمة و بنفس الوقت تقريبا اكتشفت قبرص كميات معقوله من الغاز- ومصر كانت مشغوله بحراك داخلي آخرنا- وبعد استتباب الوضع بمصر اكتشفنا غاز مهول عندما و مصر بدءت تتحرك ٣
تحرك مصر غطي عدد من المحاور أهمها حل قضايا التحكيم اللي ضدها وتسويتها لأسباب أوضحتها بثريد سابق وان تتحول مركز طاقة والتحرك شمل ان الغاز الاضافي من اسرائيل ينزل لمصر عن طريق خط انابيب العريش عسقلان ولاحقا احتمال خط الجنوب كالمعلن بالنشرات الفنية المتخصصة ٤
يعني تقريبا حوالي ١٧ بليون متر٣ سنوي غاز من اسرائيل- وخصوصا لمساحة الارض بأسرائيل استحاله يتعمل مصانع اساله هيدخلوا علي الشبكة القومية يعني زياده الضغوط بالشبكة وعليه السماح لمصانع الاساله تسحب من الشبكة وتسيل غاز- وكما أوضحنا مصر حره تعمل ايه بالغاز لانه قرارها- ٥
المحور الاخر لتحويل مصر مركز- مصر لديها خطوط غير مستخدمة مرتبطه بحقول قديمة نضبت بالشمال اَي قريبه نوعاً لقبرص وايضاً بسبب طبيعه قبرص الجبلية وصعوبة بناء مصانع اساله تم الاتفاق انها تنزل مصر-ببناء خط قصير وربطه مع الخطوط الغير مستخدمه لمصانع الاساله المصري ٦
مصانع الاساله دمياط وادكو طاقتها تقريبا ١٤بليون م٣ سنوي وترتفع ل٢٨ بليون م٣ لان البنية الاساسيه معموله من زمان عاي اساس ٢٨ بليون م٣- المصنع كلفنا زمان اظن مليار دولار لو دوله هتبني مثله هيكلفها ما لا يقل عن اربعه مليار وسنوات طويله لبناءه- وله هذا مصر اصبحت مركز غاز لاننا نسطيع٧
ملخص خط هيجيب غاز من شركات من اسرائيل وخط هينزل الغاز القبرصي لمصر- اسرائيل غير الحقلين الضخمين اًوي اللي الغاز هينزل لنا منهم لديهم عدد حقول اخري صغيره قريبه من قبرص وعليه كل الحقول دي هتتربط مع حقلهم الكبير للتصدير عن طريق خط جديد لليونان-ايه بقي علاقة مصر وليه قلتوا مصر طلعت ٨
لو متخيل ان اصًول كل الغاز اللي من الحقول الاسرائيلية ينزل مصر دا يبقي غير منطقي وغلط لان الغاز فلوس و سياسه واوربا عاوزه تحد من سيطرة الغاز الروسي وفيه دول تقدر تستورد غاز مسال وفيه دول تفضل ان تستورد غاز طبيعي بطريق خط انابيب- مينفعش تأخذ كل الغاز للتسيل لان السوق كدا ٩
موضوع مشروع قانون أمريكي دا لان قبرص عليها حظر معين من امريكا بخصوص موضوع الانفصال واليونان بها قاعدة أمريكية ومع تصرفات الأتراك تقرر اعلان تاني عن الخط اسرائيل اليونان اللي اصلاً أعلن عنة في ٢٠١٢ ونشرت تقرير البرلمان الأوربي عنه-أعلنوا تاني عن المشروع لقطع اَي سكة عّن تركيا ١٠
و اعلان مشروع الخط مره اخري كان أيضاً لمعرفه نوايا تركيا اللي حضره رئيس وزراء اسرائيلي اَي موضوع سياسي لان لو اعلان تجاري الشركات هي اللي هتحضر وتم ايضا الإعلان عن مشروع القانون الامريكي اللي لو اَي شخص قرأه هيعرف انه لحاجة معينه لا علاقة لمصر به خالص ولا ينفع مصر تكون به- ١١
مشروع القانون الامريكي اساسه لحمايه قبرص واليونان والخط- مصر مش محتاجه حماية و مصر مش هتوافق علي قواعد عسكريه علي ارضها- يبقي اذي خليتوا مصر تطلع من حاجة هي مش فيها اصلاً- منتدي دول غاز شرق البحر الابيض اللي بينعقد دوريا بمصر وهينعقد قريباً بمصر ناقش كل دا مؤخراً - يعني مش سر ١٢
سؤالي لما اعلن ان الغاز يهنزل من اسرائيل لمصر قلتوا مطبعين وخونه واذي نجيب غاز من اسرائيل لمصر-ولما جزء من الغاز الاسرائيلي يتصدر لليونان عاملين حمله عمنا الزعلان ان الغاز منزلش لمصر- هو انتم عاوزين ايه بجد؟ ١٣
مصر مركز إقليمي للطاقة ودا لأسباب كثيره ومجهود جبار ولصالحكم انتم- افرحوا مش تشككوا بكل حاجة- اذي طلعتم مصر من اتفاق هي مش فيه اصلاً الهم انك متخيل ان مركز طاقه ان مصر تبقي بلطجي ومفيش حد هيصدر الا عن طريقي- مصر اكبر من كدا ومصر تشتغل بمبدأ live and let live ١٤
مصر مركز إقليمي لان غاز السلطه الفلسطينية حقل غزه مارين ١ امام غزه الافضل والأسهل هنزل عندنا ولكن حماس تحل مشاكلها- لبنان لا أتوقع تقدر تعمل مصانع اساله لطبيعة شواطئها وصغرها والأسهل هتنزل علي مصر برضه- مصر بنيتها الاساسيه لصناعه الغاز مميزه ١٥
بالمناسبة الخط اللي عامل لغط كثير دا مختاج ما لا يقل عن ٥ سنوات تنفيذ بعد تأمين التمويل يعني ما لا يقل عن ٨ سنوات١٦
اخيراً افرحوا وبلاش اختلافكم السياسي مع الدولة يخليكم تفضلوا تتمنوا الخراب لمصر وتتمنوا ان تطلع من اتفاقات ومشاريع- بجد عيب عليكم ١٧
جاري تحميل الاقتراحات...