كلنا بنتنفس وعارفين انه جسمنا بيشيل اكسجين من الهوا وبيطلع لينا ثاني اكسيد الكربون.. لكن كيف وليه بتحصل العملية دي..
#ثريد
#ثريد
طيب عندنا نحن في جسمنا نوعين من الاوعية الدموية..
أوردة: بتشيل الدم المافيو اكسجين من خلايا الجسم المختلفة وبتوديهو لينا للقلب..
وشرايين: بتشيل الدم الفيو اكسجين من القلب لي خلايا الجسم..
طيب سؤال الاكسجين فايدتو شنو؟
بتستخدمو الخلايا في إنها تولد طاقة بيستهلكها الجسم في وظائفه.
أوردة: بتشيل الدم المافيو اكسجين من خلايا الجسم المختلفة وبتوديهو لينا للقلب..
وشرايين: بتشيل الدم الفيو اكسجين من القلب لي خلايا الجسم..
طيب سؤال الاكسجين فايدتو شنو؟
بتستخدمو الخلايا في إنها تولد طاقة بيستهلكها الجسم في وظائفه.
طيب ثاني أكسيد الكربون البنطلعوا دا جا من ويين؟
جا من التفاعل الاستخدمنا فيهو الاكسجين عشان نولد طاقة.. كمنتج جانبي.
جا من التفاعل الاستخدمنا فيهو الاكسجين عشان نولد طاقة.. كمنتج جانبي.
القصة دي عبارة عن دورة مستمرة بتقيف لمن نموت..
الدم الفيو اكسجين بجي للخلية وخلايا الدم الحمراء دي زي المواصلات الاكسجين بركب من محطة القلب بيوصل الخلية بينزل خلايا الدم الحمراء بتنزل الكمساري بقوم بحمل من الخلية دي ثاني اكسيد الكربون.. "ها حررك حررك قلب ياا نفرين .. قفل ورا يا "
الدم الفيو اكسجين بجي للخلية وخلايا الدم الحمراء دي زي المواصلات الاكسجين بركب من محطة القلب بيوصل الخلية بينزل خلايا الدم الحمراء بتنزل الكمساري بقوم بحمل من الخلية دي ثاني اكسيد الكربون.. "ها حررك حررك قلب ياا نفرين .. قفل ورا يا "
بعد ما خلايا الدم RBCs حملت ثاني اكسيد الكربون CO2 الدم بيمشي بي شارع الوريد القلنا راجع للقلب وهناك بجي للجهة اليمين من القلب بجي داخل للأذين الايمن ومن هناك الدم بيمشي للبطين الأيمن.. القلب بيعتبر زي موقف جاكسون كل الحافلات الجاية من الجسم شايلة الدم المحمل الCO2 من اي وريد.
بعداك الRBCs بتحرك على الرئة من القلب لحدي ما تصل حاجة كدا اسمها الحويصلة الهوائية ودي بتمثل لينا آخر محطة للCO2 بعداك بنزل من الRBC وبيقطع الزلط للحويصلة ومن هناك بيشوف اقرب زفير يطلعه معاهو برة.. يلا هنا الRBC بتحمل تاني اكسجين جاي من الشهيق وداير يمشي يداوم..
الاكسجين بيقعد طبعاً في حاجة اسمها هيموقلوبين جوا حافلة الRBC بيتحرك على القلب ودا دم محمل بالاكسجين زابط جاهز يتابع عمله في مساعدة الخلايا في انها تطلع طاقة تخلينا نعيش.. اها بخش الجهة الشمال من القلب وبعداك من هناك يشوف حافلة RBC ماشة بي شارع الشريان لي محل ما ماشي ويركب فيها.
وحيصل الخلية وينزل ويركب بدلو CO2 وتستمر الدورة كدا الي ان يكتب الله الأجل..
فكرة التغريدة التسهيل بدون ما اخش جواااا شديد عشان نكون كلنا فاهمين التنفس دا هو وفايدتو شنو؟ التغرييدة الهدف منها الناس الخارج الحقل الطبي عشان كدا في تفاصيل كتيرة اخترت اني ما اخش فيها..
وشكرا لحسن إستماعكم!❤️
وشكرا لحسن إستماعكم!❤️
جاري تحميل الاقتراحات...