رتبها

وقفات نفسية بعنوان:
أشهر العذاب !
وهو ثريد يتكلم عن معاناة كثير من السعوديين شباب وكبار وكهول مع الاضطرابات النفسية ..
أتمنى لكم وقتًا ممتعًا

1
كان إنسان طبيعي ..
ولم يشعر بأي شيء..
فجأة! وبدون مقدمات تعب!
راح الطواريء طلعوه قالوا طيب!
راح أغلب العيادات استنفزوه مالياً وتحاليل وأشعة وتشخيص سريري والنتيجة: طيب! والأدهى والأمر في كبرى المستشفيات الأهلية خوفوه وروعوه بتشخيص خاطيء حتى يتم زرفه ماليًا؛ فيزداد تعبه وخوفه.

طيب وش الحل! التعب الي فيني ذا وش؟
وش جاني! وش فيني تغيرت!
هو مستغرب وأهله استغربوا تغيره وربعه مستغربين!
الخطوة الثانية:
بحث عن الرقاة؛ نفس الحكاية طاح عند بعضهم الي يتكسب من خلال ضعف الناس بأخذ مبالغ مالية وحطوا فيه سحر وعين ووو..
ولقى الباب موصد وأشد ترويع!

_تنبيه_
يوجد رقاة أهل علم وصلاح وخوف من الله لا يأخذون مالاً ولا يشخصون بالخوف والترويع.. وهم من جنود الله في الأرض يستخدمون سلاح القرآن في شفاء الناس بأمرِ الله تعالى

شهور مع الرقية ويكون العلاج وقتي أو لا يوجد علاج!
مازالت الأعراض هي هي !
يالله تعبت والله تعبت!
وش جاني وش فيني!
وفي أحد الأيام جاه واحد يبغاله الخير وقعد يشرح له معاناته فقال حلك عندي؟!
تكفى تكفى علمني والله تعبت!
رح لطبيب نفسي بإذن الله علاجك هناك..

تغير وجه صاحبنا وغضب غضبًا شديدًا!
وقال شايفني مجنون!!
تبغاني انفضح أني رحت لطبيب نفسي ويقولون إني مجنون!
وبدأ صاحبنا المريض يسرد خرافات عن الطب النفسي:
مايروح لهم إلا مجنون!
يعطونك أدوية تطلع مدمن!
يعطونك أدوية تخليك تنام كثير وتسمن وتتعب!
ماعندهم سالفة!

فتكلم صاحبنا الناصح بهدوء وشفقة:
يا صديقي مو أنت أول واحد عنده هذه المعلومات المغلوطة عن الطب والعلاج النفسي!
هذه خرافات قديمة ولها أسباب من أهمها عدم التوعية الطبية النفسية في مجتمعنا!
تدري الإسلام يأمر بالتداوي والذَّهاب إلى الأطباء، ومنهم أطباء النفس؛قال ﷺ:ياعباد الله تداوو

ياصديقي..
لا تنافر ولا تناقض بين الطب والإسلام، وكذلك يقال في الطب النفسي فيما ثبت في التجربة وثبت نفعه، فإن الإسلام يأمر بالأخذ به.
ماسمعت حديث ﷺ:ما أنزل اللهُ من داء إلا وأنزل لهُ دواء..
ياصديقي القرآن والرقية خير ولايوجد تعارض بينها وبين العلاج النفسي..
كلاهما خطان متوازيان

والله كلامك مقنع وغير في تفكيري!
ليش كنت خايف من العلاج النفسي!
وش تنصحني فيه ؟
أول شي ابشرك العلاج النفسي عندنا بالسعودية متطور الحمدلله، وعندنا كفاءات سعودية متعلمة تعليم نفسي صحيح ومنهم من درس في الخارج ووصل ليبث هذا العلاج والرحمة في بلادنا..

وعشان تعرف:
فيه طبيب نفسي وهو الي يسمع معاناتك ويقرر إذا يصرف لك دواء أم لا ويعطيك التشخيص الطبي النفسي الصحيح..
وفيه أخصائي نفسي:
وهو الي يتعامل مع الأفكار والمشاعر والسلوك وليس من اختصاصه صرف الأدوية النفسية..
ويعطيك جلسات نفسية مابين 8-15 جلسة ..

انطلق صاحبنا بعون الله إلى أحد الأطباء النفسيين الصادقين وسمع معاناته وعمل له مقياس نفسي، وبعد السماع والتشخيص علمه أن هذه الأعراض الي تعاني منها طبيعية لوجود اضطراب نفسي وبإذن الله مع العلاج والجلسات مع الأخصائي النفسي بتشفى وينتهي هذا العذاب..
طيب يادكتور أنا خايف من العلاج!

خوفك طبيعي جدًا وكل الناس لا تحب الأدوية، وأفهم تخوفك..
لكن الدواء هذا آمن طبيًا والحمدلله مرخص من وزارة الصحة في السعودية ويهمنا كثير مصلحتك..
راجع معي كل شهر نقيم حالتك مع الدواء وقدامك العافية..

انطلق صاحبنا وبدأ في طريق العلاج النفسي..
وماهي إلا كم اسبوع إلا وتنفس العافية وحمدالله على هذه النعمة وهذا العلاج النفسي الذي وضعه الله تعالى رحمةً لعباده.
وبعدها بكم اسبوع حجز مع اخصائي نفسي وبدأت وحلة الحديث النفسي وتفحص الأفكار والمشاعر المتراكة المؤلمة..
يالله وينكم من زمان

إلى كل أب وأم..
لا تعذبون ابنائكم وتمنعونهم من العلاج النفسي!
والله مرت علي حالات تتعذب بالأشهر والسبب: أبوي وأمي رافضين! ياطارق دور لي حل!
للشباب والراشدين:
إذا طول معك الانخفاض النفسي فلا تخجل واذهب لأهل الاختصاص النفسي وهم كثير..

الحمدلله الحمدلله..
الخاص مليء بتجارب مع ناس جربوا وعانوا والآن يتنعمون في العافية زادنا والله وإياهم عافية..

يأتي بالخاص عدة اسئلة متكررة:
كيف أعرف أني مريض نفسي ؟
ي عزيزي الأصل في الناس :
" السواء" وعدم المرض
الأصل العافية
كل الناس تمر عليهم ضغوط وتقلبات مزاج وهذه من طبيعة الدنيا.. فترة وتمر..
حنا نتكلم عن الي تطول معهم الأعراض والي توقفت حياتهم ووو.
الله يعافينا وإياكم
صباح الخير ?

يالله ..
كم نحنُ مقصرون في التوعية الطبية والنفسية في مجتمعنا!
كمية خرافات ومعلومات مغلوطة عن الجانب النفسي والطبي..
كنت دائم أنادي بإدخال مادة مهارات التفكير في مدارسنا منذُ المراحل الأولية بالتدريج حتى لايقع السعوديين في شراك الجهل والخرافة

همسة ..
لمن أتعبته نفسه..
لمن أتعبه ماضيه..
لمن أقلقه مستقبله..
لمن عانى من طفولته..
لمن فقد حبيبًا..
لمن تعاني روحه..

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد