بي مناسبة التعليم،بما اني اشتغلت مساعد تدريس او slave لمدة كم سنة..
احب احكي ليكم جزء من البحصل في الجامعات الفي ناس كتار ماعارفينه لانه حتى نحن لمن كنا طلاب ما كنا عارفينه، عشان لو انتوا بتقروا لسه او عندكم اخوان بقروا تعملوا حسابكم.
احب احكي ليكم جزء من البحصل في الجامعات الفي ناس كتار ماعارفينه لانه حتى نحن لمن كنا طلاب ما كنا عارفينه، عشان لو انتوا بتقروا لسه او عندكم اخوان بقروا تعملوا حسابكم.
اول حاجة نسبة المعلمين البستحقوا لقب معلم حرفياً شبه ماف، حاجة كدا ٣٠٪ او اقل ودا حسب الجامعة طبعًا.
انا كنت مساعد تدريس لكن كنت بضع مقررات السمستر وبحاضر وبمسك مواد براي عادي، لانه الجامعة ما مستعدة تدفع قروش وتجيب استاف جديد. بكون ماسكة ٥ مواد ٢ منهم مرسم عادي.
انا كنت مساعد تدريس لكن كنت بضع مقررات السمستر وبحاضر وبمسك مواد براي عادي، لانه الجامعة ما مستعدة تدفع قروش وتجيب استاف جديد. بكون ماسكة ٥ مواد ٢ منهم مرسم عادي.
ماكنت باخد حق المواد دي كتير، بكون المحاضر الاساسي للمادة منزل اسمه لكن بدرسها انا، وهو بشيل القروش، وماف زول بساله لانه المادة ما نازلة باسمي. وحتى التصحيح انا بصحح واجمع اعمال السنة.. الخ هو بجي بعدل النتيجة على كيفه، تكون في بت تجيو بعد المحاضرة تبكي ليو عادي بعدل ليها نتيجتها
الحاجة دي ما بتحصل بي نسبة بسيطة، حرفيا اكتر من ربع الدفعه بنجحوا كدا.
مرات في طلاب بدفعوا رشاوي وبنجحوا بيها..
الطالبة تمشي ترفع فيني شكاوي عشان سقطتها وهي ما بتحضر المحاضرات ولا بتسلم اصلا ويجي المحاضر الاصلا ما بدرس ولا بجي يذلني قدام الطلبة عادي.
مرات في طلاب بدفعوا رشاوي وبنجحوا بيها..
الطالبة تمشي ترفع فيني شكاوي عشان سقطتها وهي ما بتحضر المحاضرات ولا بتسلم اصلا ويجي المحاضر الاصلا ما بدرس ولا بجي يذلني قدام الطلبة عادي.
مجتمع "الدكاترة" بتاعين الجامعات حرفيا من اعفن واوسخ المجتمعات الممكن تمر عليكم. لو سمعتوهم بتكلموا عن الطالبات كيف، رجال كبااار الواحد تقوليو جدو وتقوم ليو في المواصلات.
والاستاذات زاتهم كتير بكونوا عندهم علاقات مع الطلاب عشان يحلحلوا ليهم امورهم ويمشوهم واغلبه استغلال للطالب.
والاستاذات زاتهم كتير بكونوا عندهم علاقات مع الطلاب عشان يحلحلوا ليهم امورهم ويمشوهم واغلبه استغلال للطالب.
الاشاعات البتطلع عن بنات الناس في الجامعة وحتى الاولاد لكن بالذات البنات، من تجارب انا كنت شايفاها بعيني، بكون نشر وتاليف واخراج استاذ البت ابت تتعامل معاو خارج اطار علاقة الاستاذ والطالب.
والطلبة بسكتوا عشان خايفين المواضيع تكبر وقليلين البيسعوا ياخدو حقهم.
والطلبة بسكتوا عشان خايفين المواضيع تكبر وقليلين البيسعوا ياخدو حقهم.
ماحقول بحصل شنو في الرحلات الجامعية، كلنا سمعنا قصص، لكن حقول ما تخلوا اخوانكم واولادكم يسافروا مع اي "استاذ" حتى لو واثقين فيهم، استاف الجامعة ما كلهم ناس بخافوا الله، ما اي استاذ زول مسؤول وحيخلي بالو منهم.
هم ناس كبار اي لكن ماكل الناس بتعرف تتصرف بالذات وهم بعيدين عن اهلهم.
هم ناس كبار اي لكن ماكل الناس بتعرف تتصرف بالذات وهم بعيدين عن اهلهم.
اغلب الدكاترة والاساتذة الاشتغلت معاهم (من جامعات مختلفة) ماخدين شهاداتهم دي سااي كدا، وراسهم فاضي وما بخلصوا في المعلومة. البجد تعبانين في شهادتهم وماخدينها عن جدارة بالعدد. بالذات في مجال التصميم والعمارة.
عموما اخر شي لو قررتوا تنزلوا مساعدين تدريس اوصيكم بوصايا اعتبرونا survival kit:
١.ماتصاحبوا زول من الاستاف
٢. ماتصاحبوا زول من الاستاف
٣. ماتتعرفوا علي زوول من الاستااااف
٤. ما تخشوا في قروبات الكلية ولا تجيبوا سيرة زول لزول
٥. زول قاليك اي كلام تقوليو سبحان الله بالله وتنساو.
١.ماتصاحبوا زول من الاستاف
٢. ماتصاحبوا زول من الاستاف
٣. ماتتعرفوا علي زوول من الاستااااف
٤. ما تخشوا في قروبات الكلية ولا تجيبوا سيرة زول لزول
٥. زول قاليك اي كلام تقوليو سبحان الله بالله وتنساو.
حاجة تانية، بالذات للبنات:
لو بتقدري تعملي شريحة تانية ما يكون عندك فيها واتساب او داخلة بيها سوشيال ميديا اعملي، عشان تستخدميها لمن تكوني عايزة تتصلي على الاساتذة لو عندك اسأله وكدا.
والله في اساتذة بسكوا البنات لحدي سنابشات ويكبشروا صورهم ويحتفظوا بيها وممكن يكونوا بشيروها سوا
لو بتقدري تعملي شريحة تانية ما يكون عندك فيها واتساب او داخلة بيها سوشيال ميديا اعملي، عشان تستخدميها لمن تكوني عايزة تتصلي على الاساتذة لو عندك اسأله وكدا.
والله في اساتذة بسكوا البنات لحدي سنابشات ويكبشروا صورهم ويحتفظوا بيها وممكن يكونوا بشيروها سوا
لحدي حسا بعد خليت الجامعة الطلبة برسلوا لي استاذ فلان عمل لي وسوا لي والله قلبي قاعد يوجعني عليهم،
ما تخلي حقك نهااائي شوفي استاذة بتخاف الله فيك وامشي احكي ليها وسوقي معاك صحباتك يشهدوا وربنا ما بيسيبك بس سكي حقك واشتكي وما تخلي زول يتكلم فيك ويبشع بيك بي حجة الشهادة.
ما تخلي حقك نهااائي شوفي استاذة بتخاف الله فيك وامشي احكي ليها وسوقي معاك صحباتك يشهدوا وربنا ما بيسيبك بس سكي حقك واشتكي وما تخلي زول يتكلم فيك ويبشع بيك بي حجة الشهادة.
اعتبروها*
جاري تحميل الاقتراحات...