1-مش حاينفع أحكي عن #الأقصر لأن الأقصر بلدنا بلد سواح ? وكثير مننا يعرفها كويس. لكن حاتكلم ازاي تزور الأقصر بشكل مختلف.
سافرت بقطار النوم. للأسف حتحس فيه بكل حركة ولكن إن كان له ميزة هو إنك تقدر تفرد ضهرك مدة الرحلة (10 ساعات تقريباً من القاهرة). سعر الرحلة ذهاب وعودة 840 جنيه.
سافرت بقطار النوم. للأسف حتحس فيه بكل حركة ولكن إن كان له ميزة هو إنك تقدر تفرد ضهرك مدة الرحلة (10 ساعات تقريباً من القاهرة). سعر الرحلة ذهاب وعودة 840 جنيه.
2- في فنادق من أول 100 جنيه في الليلة وأنت طالع. أنا المرة دي قررت أقعد في فندق في البر الغربي و دا أقرب لأغلب الأثار بس طبعا وسط البلد في البر الشرقي. دا خلاني أجرت عجل رحت بيه الاثار القريبة في البر الغربي. طبعا كان في أجانب متمرسين بيروحوا بالعجل الأماكن البعيدة كمان. #الأقصر
3-#الأقصر مليانة أثار، أغلب الناس بتروح الكرنك ووادي الملوك ومعبد الأقصر والدير البحري (حتشبسوت) وتمثالي ممنون. لكن الحقيقة في أماكن تانية كثيرة تتشاف لو انت غاوي، من أحبهم إلى قلبي هو معبد هابو، و معبد الرمسيوم و مقابر دير المدينة و مقابر النبلاء.
4- ميزة دير المدينة و مقابر النبلاء هو الرسومات المبهرة و الألوان المحفوظة بدرجة ممتازة. بما إنها كانت رحلة نسائية، زورنا الكرنك وقت صلاة الجمعة ودا خلاه أفضى كثير.
ما تنساش وأنت داخل المعابد أو المقابر لو معاك شباب صغيرين تطلب تذكرة الطلبة لإنها ب 5 جنيه. #الأقصر
ما تنساش وأنت داخل المعابد أو المقابر لو معاك شباب صغيرين تطلب تذكرة الطلبة لإنها ب 5 جنيه. #الأقصر
5- من الأماكن المختلفة الي حبيتها هي بيت هوارد كاتر وهو عالم الأثار الانجليزي الي اكتشف مقبرة توت عنخ امون. غير كدا حاول برضه تزور مصانع الألباستر في القرنة في البر الغربي عشان تشوف طريقة التصنيع بنفسك (من باب الفضول يعني ?) #الأقصر
6- بالليل ممكن تروح الصوت والضوء في الكرنك أو معبد #الأقصر وخلي زيارات المتاحف بالليل (متحف الاقصر ومتحف التحنيط). و لازم طبعاً تتمشى على الكورنيش وفي البلد ، او تاخد حنطور.
ما تخليش حد يختارك، اختار أنت التاكسي أو المركب أو الحنطور الي تركب معاه و حاول تعرف الأسعار من أهل البلد.
ما تخليش حد يختارك، اختار أنت التاكسي أو المركب أو الحنطور الي تركب معاه و حاول تعرف الأسعار من أهل البلد.
7- لو ظروفك المادية تسمح، جرب رحلة البالون، في رحلتين في اليوم واحدة من 4-7 عشان تشوف الشروق والثانية تقريبا من 5 -8 الصبح برضه. أنت بتكون في الهوا حوالي 45 دقيقة بس، باقي الوقت تجميع الناس والتحضيرات. #الأقصر
8- عشان نعدي النيل كنا بنركب معدية الأهالي (قدام معبد الأقصر). المعدية بجنيه للمصريين. عيبها ريحة العادم. #الأقصر
ممكن برضه تاخد مركب في النيل تلف بيها، حايقولك تزو جزيرة الموز. شخصيا بافضل جزيرة التمساح والي فيها منتجع جولي فيل.
ممكن برضه تاخد مركب في النيل تلف بيها، حايقولك تزو جزيرة الموز. شخصيا بافضل جزيرة التمساح والي فيها منتجع جولي فيل.
9- ممكن تزور مدينة إسنا، ممكن تروح بميكروباص من موقف أبو الجود. الطريق لاسنا كان جنب أحلى ترعة شفتها في حياتي "الترعة الكلابية". لو غاوي تصوير ممكن تاخد عربية عشان تقف براحتك تصور. العربية ليها ميزة ثانية و هي التنقلات جوا اسنا لأن المزرات بعضها في أماكن متباعدة. #الأقصر
10- أهم مزار في اسنا هو معبد خنوم ودا المعبد الي المراكب السياحية بتزوره في اسنا. وأنت هناك ما تنساش تتفرج على السقف لأن رسوماته مميزة جدا. غير كدا في كذا كنيسة أثرية وكمان أثار بيت الجداوي (حاليا بيترمم)، وفي أثار تانية زي بيت الخواجة جبران حاولت ألاقيه بس معرفتش أوصله. #الأقصر
11- طبعا الحاجات دي مقفولة وزيارتها من برة بس (ما عدا الكنائس). المفروض ان برضه في كنيسة أثرية في طود (في الطريق لأسنا). لو غاوي عمارة حتلاقي بيوت بشبابيك وأبواب قديمة مميزة كثير هناك (حفر يدوي).
باحب في السوق التجاري بتاع إسنا الشيلان والمفارش المطبوعة.
#الأقصر
باحب في السوق التجاري بتاع إسنا الشيلان والمفارش المطبوعة.
#الأقصر
12- حاول تزور فندق سوفيتل وينتر بالاس و الفندق مبني من سنة 1886. وكان دايما ينزل فيه الكلوك و الرؤساء. ممكن تتفرج على الفندق و تتمش في الجنينة و طبعا لو في غرف فاضية ممكن تطلب تتفرج عليها. #الأقصر
13- و طبعا مش حاننسى نقول ان أهم زراعات في #الأقصر هي الموز و القصب و القمح و أظن الطماطم ? و أن في اسطبلات كتير تأجر منها حمار أو حصان أو جمل لو حبيت تاخد لفة .
أجازة سعيدة ?
أجازة سعيدة ?
جاري تحميل الاقتراحات...