في الثريد دة هكلمكم عن كمية الهندسة والسايكولوچي والاهتمام بالتفاصيل في الحتة اللي المستخدم بيدي فيها سواق/كابتن تقييم في ابليكيشن اوبر. دروس كتير لأي حد بيصمم أو بيبني سوفتوير ولأي حد عايز يفهم ليه اوبر مش مجرد ابليكيشن ممكن اتنين قاعدين عالقهوة يعملوه كما يتصور البعض.
لما ستارتب بتبدأ بيبقي هدفها الأكبر هو النمو وفهم طبيعة المستخدم. عشان كدة النصيحة العامة للي لسة بيبدأ do things that don't scale لأن الهدف هو التعلم وفهم المستخدم مش التوفير.
لما اوبر بدأ كان
١- بيجبر المستخدم انه يقيم الرحلة قبل ما يطلب اللي بعدها.
٢- التقييم كان عبارة عن نجوم من ١-٥ ومكان تكتب فيه تعليق. لو كتبت تعليق حلو او وحش كان دايما حد من خدمة العملاء بيتواصل معاك بشكرك أو يحللك المشكلة
٣- كان دايما بيظهر زرار للتواصل مع خدمة العملاء.
١- بيجبر المستخدم انه يقيم الرحلة قبل ما يطلب اللي بعدها.
٢- التقييم كان عبارة عن نجوم من ١-٥ ومكان تكتب فيه تعليق. لو كتبت تعليق حلو او وحش كان دايما حد من خدمة العملاء بيتواصل معاك بشكرك أو يحللك المشكلة
٣- كان دايما بيظهر زرار للتواصل مع خدمة العملاء.
بعد مئات الملايين من الرحلات بيبدأ يظهر انماط للمشاكل اللي عادة بتحصل ونسبة الرحلات اللي بتسبب الاتصال بخدمة العملاء لازم تقل وإلا التكلفة هتبقي غير منطقية عالشركة. ودة ياخدنا للجزء اللي في الابليكيشن اللي المستخدم بيدخل فيه تقييم السواق (سكرينشوتس كتير في التويتات الجاية)
اولا التقييم مابقاش اجباري. دة غالبا لأن
١- اغلب المشاكل اتعرفت بالفعل فمش محتاجين نتعلم أوي ايه اللي بيحصل (مش هتفاجئ لو طلع التقييم اجباري عالسواقين الجداد)
٢- اوبر عايزك تعمل أكبر عدد رحلات ممكن وكل خطوة زيادة بتبعدك عن الهدف دة مع عدد المستخدمين الكبير ممكن يخسرهم فلوس كتير.
١- اغلب المشاكل اتعرفت بالفعل فمش محتاجين نتعلم أوي ايه اللي بيحصل (مش هتفاجئ لو طلع التقييم اجباري عالسواقين الجداد)
٢- اوبر عايزك تعمل أكبر عدد رحلات ممكن وكل خطوة زيادة بتبعدك عن الهدف دة مع عدد المستخدمين الكبير ممكن يخسرهم فلوس كتير.
نيجي بقي لأنك اخترت تقييم معين. كل تقييم بيعمل حاجتين
١- بيطلع كلمة أو جملة بتوصف عدد النجوم.
٢- بيطلع مجموعة اختيارات. في حالة الخمس نجوم بيطلع compliments تديها للسواق. في حالة اي اختيار آخر بيطلع مجموعة مشاكل ممكن تتحسن.
١- بيطلع كلمة أو جملة بتوصف عدد النجوم.
٢- بيطلع مجموعة اختيارات. في حالة الخمس نجوم بيطلع compliments تديها للسواق. في حالة اي اختيار آخر بيطلع مجموعة مشاكل ممكن تتحسن.
تعالو نبدأ بالجملة اللي بتوصف التقييم. اكبر مشكلة في فكرة عدد النجوم انها subjective بشكل كبير. ال٤ نجوم بتاعتي غير بتاعتك وعشان كدة البرنامج بيحاول يقرب بإنه يوصف كل حالة
٤ = Ok, but had an issue
٣ = Disappointing
٢ = Bad
1 = Terrible
٤ = Ok, but had an issue
٣ = Disappointing
٢ = Bad
1 = Terrible
بوصف كل تقييم بالشكل دة ، اوبر بيسهل عالمستخدم لو محتار يختار من ١-٥. في وقت كمان كانو بيطلعو كلمة excellent مع الخمس نجوم بس شالوها وحطو Give a compliment. لما بتدوس عليها تقدر تدي السواق بادچ وتكتبله كلمات شكر. اتوقع اللي بيتكتب بيروح للسواق مباشرة عشان ينبسط.
نيجي بقي للحتة الحلوة لو التقييم أقل من ٥ نجوم. كل تقييم بيطلع مجموعة اختيارات المستخدم يقدر يختارها لإيه اللي محتاج يتحسن. بعض الاختيارات ثابتة في كل التقييمات وبعضها بيتغير علي حسب عدد النجوم. مثلا car quality موجودة في ٣ بس مش موجودة في ٤.
اولا الاختيارات دي جات منين؟ ليه car quality في ٣ بس مش في ٤؟ فاكرين لما قولنا ان زمان التقييم كان اجباري؟ غالبا اوبر حلل التعليقات اللي اتكتبت مع كل عدد نجوم وعرف اكتر حاجات الناس بتتكلم عنها ومنها قرر ان دي تبقي اختيارات التحسين لما يشيلو اوبشن أن الناس تكتب تعليق.
ثانيا ايه اللي بيحصل لما تختار واحدة من الاختيارات؟ سيناريو من ٣.
١- ولا حاجة.
٢- بيطلع لك اوبشن الاتصال بخدمة العملاء.
٣- بيقولك التقييم دة مش هينطبق عالسواق.
١- ولا حاجة.
٢- بيطلع لك اوبشن الاتصال بخدمة العملاء.
٣- بيقولك التقييم دة مش هينطبق عالسواق.
لو اخترت جودة العربية أو رائحتها أو الراحة أو المزيكا الابليكيشن مش بيعمل حاجة اكتر من ان بعد ما تخلص تقييمك بيجمعله الحاجات اللي الناس قالت إنه محتاج يحسنها ويبعتهاله.
لو اخترت driving أو other بيظهر اوبشن الاتصال بخدمة العملاء (بالازرق في السكرينشوتس). دة لأن الdriving مرتبط بامان الركاب واوبر مش عايز ياخد مخاطرة انهم يتجاهلو حاجة زي كدة ممكن تعمل مشكلة كبيرة. كمان اوبشن driving بيظهر في كل الحالات ٤ ٣ ٢ ١ نجوم.
أما لو اخترت الترافيك أو سعر الرحلة أو الطريق اللي حدده الGPS ، اوبر بيقولك التقييم دة مش هينطبق عالسواق لأنه فعلا مالوش ذنب في حاجة زي كدة. بس معلومات زي كدة مازالت مهمة لاوبر لمعرفة ايه التحسينات اللي تنزل في البرنامج.
نيجي بقي للحتة الأخيرة وهي الtips أو البقشيش. اولا البرنامج بيطلع لك ٣ اختيارات ثابتين علي حسب انت فين. في مصر مطلعلي ٥ ١٠ و ١٥ جنيه. وفي اوبشن اني ادخل رقم علي مزاجي.
تحديد الارقام دي وتبقي نسبة ولا رقم محدد فيها اراء كتير وبترجع لثقافة البلد وحاجات تانيه. بس مهم انها تبقي اختيارات عشان المستخدم مايفكرش وبالتالي تزيد فرصة إن الناس تدفع خصوصا ان ١٠٠٪ بيروح للسواق (معرفش ليه اوبر مش بيوضح المعلومة دي في البرنامج لانها في رأيي هتزود الtipping)
ولو اخترت انك تدخل رقم بنفسك الابليكيشن هيطلعلك بفونت صغير الرحلة سعرها كام عشان لو عايز تحسبها نسبة أو حاجة. شوفو ازاي بعد ماتدخلو الرقم بيظهر بلون اخضر جميل يدل عالايجابية. في اوبر ايتس عاملين حتة اصيع وبيعملك انيميشن احتفالي رائع.
انا معرفش ليه اوبر مش بيشيل اوبشن الtip حتي لو اخترت نجمة واحدة. غالبا عشان مش عايزين يحطو نفسهم حكم في موضوع حساس زي كدة مع السواقين. وكدة كدة الجزء دة في اسفل الشاشة وزرار ال submission ثابت مع السكرولينج وبالتالي لا ضرر ولا ضرار.
بس كدة أنا خلصت واديت السواق ٥ نجوم لأنه كان ممتاز وساعدني في شرح عبقرية اوبر. وعلي رأي ريم أختي هو دة الفرق بين اي حد ونمبر وان (تراڤيس رمضان هخيويويو). اتمني الثريد يعجبكم ويكون مفيد. تمت.
بونص: سجلتلكو الأنيميشن اللي في حتة الtips في اوبر ايتس. كمان هنا بيوضحو حتة أن ١٠٠٪ بيروحو للسواق. ممكن كمان يجربوا بدل ما يقولو ١٠٠٪ للسواق يقولو ان اوبر مابتاخدش حاجة من الtips ويشوفو انهو رسالة بتخلي ناس اكتر يدفعوا.
معرفش ليه في تويتات مش بتظهر في الثريد لبعض الناس بس لما بفتحه في ال لويب بدون تسجيل دخول كلهم بيظهرو عادي.
دة لينك بديل لو في تويتات مش ظاهرة threadreaderapp.com
جاري تحميل الاقتراحات...