امتداد لسلسلة هاشتاق #صنع_في_السودان حابة الليلة وفي ثريد اتكلم وبكل الفخر الفي الدنيا عن منتجات سودانية عظيمة ❤ مزجت بين الجودة والاصالة والطبيعة والعالمية وقِيم تانية كتيرة حتعرفوها اكتر
العلامة التجارية السودانية بامتياز #سولار_فودز ❤?
#تعرف_على_السودان
#حنبنيهو
العلامة التجارية السودانية بامتياز #سولار_فودز ❤?
#تعرف_على_السودان
#حنبنيهو
اولا انا فخورة جدا بصاحبة العلامة التجارية الرائعة دكتورة آلاء حمدتو وهي طبيبة اسنان و لما تواصلت معاها عرفت انها بتحب البلد دي شديد وحابة تقدم منتجاتنا الوطنية العضوية للعالم والقصة ما بس منتجات ممتازة
سولار فودز بتقدم منتجات سودانية مجففة بطريقة صحية جدا ونظيفة باستخدام الطاقة الشمسية بطرق علمية مدروسة تحافظ على طزاجة المنتج وكمان العناصر الغذائية الجواهو وبيتم اختيار اجود المنتجات الزراعية كمان
القصة بتبدأ من اختيار المنتجات الزراعية بحرص شديد انها تكون منتجات عضوية بدون اسمدة ومبيدات كيماوية ضارة ونحن عارفين ارض السودان والخصوبة والنيل الجميل البيدينا خيرات عظيمة والفي الصورة دي مثال للملوخية البيتم تجفيفها شوفوا اللون ?
بتقدم سولار فودز خدمة مجتمعية قيمة جدا لمزارعين وخاصة المزارعات البتتعاون معاهم وبتقدم ليهم التدريب في مجال تجفيف الاغذية والزراعة العضوية و دعم المرأة العاملة اللي هي اساس المجتمع المعافى
عندهم منتجات جميلة وبتضيف قيمة مضافة ممتازة للمنتج السوداني من خلال التجفيف والتعبئة وبالتالي المنتج جاهز للصادر وكمان بجودة تنافس افضل العلامات التجارية
لفت نظري ثقة دكتورة الاء في المنتجات بتاعتهم و كيف كل شي مدروس من اول اختيار للمنتجات الزراعية ومرورا بالتجفيف وكمان التغليف دا قصة براهو حاجة احترافية وكيف اختارت منتج للتغليف يكون صديق للبيئة وفي نفس الوقت تقدر تستخدمه مرة تانية شوفوا الجزء الشفاف الفي الكيس دليل الثقة❤
اما تصميم الاستيكر برضو قمة في الاناقة وشوفوا كيف علم السودان منور ولافت للنظر ويدعو للفخر بالمنتج الوطني السوداني
هنا نموذج لمنتج الطماطم المجففة قبل التعبئة يعني اللون والجودة واضحة❤
المنتجات متنوعة وكلها مجففة
الطماطم ، لحم البقر، ملوخية ، ليمون ، بصل ، ثوم ، شطة وتاني في منتجات كمان حتى طريقة العرض والاستاندات ملهمة ومختلفة ومميزة
الطماطم ، لحم البقر، ملوخية ، ليمون ، بصل ، ثوم ، شطة وتاني في منتجات كمان حتى طريقة العرض والاستاندات ملهمة ومختلفة ومميزة
نسبة لتميزهم شاركوا في فعاليات كتيرة وفازو كمان
انا واقعة في غرام العلامة التجارية دي لأنها بتحاول تنشر التراث السوداني وثقافتنا الغذائية بطرق مبتكرة للعالم هنا دي ادوات مطبخ من الابنوس ومنحوت عليها وحيد القرن الابيض (سودان) الانقرض من على وجه الارض والكان موطنه سوداننا ? بيتم تقديمه كهدايا للعالم للتعريف بالسودان
دي يا جماعة ولا دعاية ولا اعلان ? ولا انا لي اي صلة بالموضوع بس انا اتصلت على دكتورة الاء استأذنتها لنشر الموضوع لأني بالجد معجبة بالمجهود دا وفخورة بيها جدا وبكل نساء بلادي الجميلات وانا زاااتي ماشة اشتري منتجاتهم ?
في الختام اتمنى اشوف زي سولار فودز ١٠٠٠ علامة تجارية في امازون وكل العالم وكل الاسواق وتكون منتجاتنا من اقوى واغلى المنتجات الفي العالم والاكثر طلبا كمان
#صنع_في_السودان وبفخر كمان ? و #حنبنيهو
#صنع_في_السودان وبفخر كمان ? و #حنبنيهو
جاري تحميل الاقتراحات...