كلامها صحيح جداً كل شي يصير بحياتنا خيره من الله حتى لو كنا نبغاه وتأخر ما صار "انا مؤمنه جداً بهذا الشي"♥️
انا يعني مثلاً انسانه طموحه جداً وعندي احلام وطموحات كثير بخصوص الدراسه والوظيفه وامنيات كبيره بأني اعتمد على نفسي وكان حلمي ادخل تخصص يكون انا احبه ولايق على شخصيتي وابغا اشتغل فيه، لاني اكرهه الشغل المفروض علي لاني ابغا اسوي شي انا احبه علشان ابدع فيه...
بس للاسف وبسبب ضروف صحيه نقصت درجات بأختبار التحصيلي وكان معدلي التراكمي للاسف مايدخلني التخصص اللي ابغاه زعلت بالبدايه كثير بس قلت خيره ويمكن المكان اللي انا فيه بكون فيه احسن وقررت اكمل واشوف ايش بيصير معي..
ومع اول ترم وحماس المستجده عديت عادي وكنت اقول دايم لنفسي "ربي مايختار لنا الا افضل الاقدار" بس ثاني ترم ماقدرت نفسيتي تعبت من الجو اللي انا فيه لاني ابداً مو حابه المكان واحس حتى ما اقدر اكون فيه مبسوطه وقررت اخر شهر من الترم انو بسحب خلاص مابكمل..
بس ماما مارضيت لانو خافت ما انقبل بعدين وانو اصبري ما باقي شي وتنتهي السنه وكذا يعني وكملت زي ماتبغا هي بس حملت مواد كثير للاسف ..
وتعبت نفسيتي زياده من النتايج لانو انا شاطره ماينفع كذا اسوف درجاتي نازله وقلت بسحب خلاص واللي شجعني انو من صديقاتي فيه اثنين سحبو اوراقهم وقدمو من جديد بس كمان ماما خافت ومارضيت وسمعت كلامها وكملت ..
بس ماعاد تحملت ابداً المكان اللي انا فيه وانو بدرس مواد اخذتها اصلاً ومكان ما احبه وناس ما اعرف احد فيهم وجو يعني يخنق ومن بدايه السنه ذي وانا كنت اصبر نفسي واحاول اكمل لما جاء الاسبوع ذا وقررت خلاص انو اسحب اوراقي واحاول اعيد اختباراتي واقدم للجامعه من جديد للتخصص اللي احبه..
الصدفه واللي حسيتها (رساله من ربي لي) انو امس لما كنت جايه خلاص اسحب لقيت عند البوابه صديقتي اللي تدرس نفس التخصص اللي ابغاه وكانت تراجع وجلست عندها وكنت جالسه اسمع كل شي تقوله وكنت مبسوطه 'مع انو يعني ماكنت فاهمه كل شي' بس كنت متأكده انو ذا اللي ابغاه.
رتبها @Rattibha
جاري تحميل الاقتراحات...