بما انكم طلبتم اقولكم قصة البزنس الي خسرت فيه من قبل، بشرحلكم كل شي بالتفصيلل.. واعتبرو هذا الثريد داعم لكل شخص يبغى يبدا بزنس ومتردد ومو عارف من وين يبدا..
خسرت مره ومرتين بس الثالثه كانت ثابته ، وبقولكم ايش الفرق وايش الاغلاط اللي سويتها
خسرت مره ومرتين بس الثالثه كانت ثابته ، وبقولكم ايش الفرق وايش الاغلاط اللي سويتها
اولاً انا مادرست بزنس ولا اعرف اي شي عن اساسياته.. كل شي بهالثريد عن تجربة شخصية فقط
اولاً، براند لي كان بعُمر الـ١٦ ، زي ماتعرفون اني فنانه ف جاني شخص يبغى يبدا معاي شغل اني ارسم له على الملابس ونكون شركاء بالبراند وبدينا شغل.. كانت تجربة مرره تحمس بالبداية لان كانت اول فرصه لي ك بزنس وكنت ابغى اتعلم واستفيد من موهبتي..
بنفس الوقت كانت تجربه جداً فاشلة واكبت غلطة سويتها ( اختيار الشريك ) لان الشخص الي جاني ما كنت اعرفه ولمجرد انه عرض علي بزنس على طول واقفت، وكنت واثقه فيه لكن كان يستغل موضوع اني صغيره ويكذب علي باشياء كثير ويتفق مع ناس باشياء ومعاي باشياء ثانيه
اخر شي تعبي كله راح عالفاضي وهو اخذ فلوس من وراي وانا ماجاني شي وحتى العقد الي كان بيننا كان خربوطي لاني ماكنت افهم بهالاشياء اساساً واستغل حماسي وقلة خبرتي وسحب علي ? لكن لا تخافون ماخلييييته يروح بس كذا ، ودي احط لكم شغلي الرهيب بالبراند لكن الشخص بينعرف وودي استر عليه
اول شي طبعاً انا طلعت من البراند وكمل هو مع رسامين ثانيين وما كانو بنفس مستوى رسمي، اخر شي خسر وقفل البراند ? المهم انتهت هذي التجربة، صح كانت سيئة لكن تعلمت فيها كثير ، بعمر الـ ١٧ كانت الفكرة لسى ببالي وكنت اقول اني اقدر اسوي افضل من كذا، وكنت مره مقهوره منه
بديت مره ثانيه وكنت لحالي وماكان عندي اي داعم، توقعت الموضوع بيكون سهل لان انا الي راح اشتغل كل شي واقدر اضبط كل شي، وكنت عارفه الاخطاء اللي سويناها قبل، بس للاسف طحت باخطاء جديدة ماكنت ادري عنها
كان عندي هدف مو اني انجح بالشغل لا اني اسوي شغل افضل من الي قبل (كان موضوع البراند الاول لسى بخاطري ) وشديت حيلي واشتغلت شغل مره حلو ورحت لواحد من المحلات الي كان يعرض البراند الاول ووريته شغلي وقال انه بيوقف العقد مع البراند الاول ويكمل معاي? طبعاً ماحبيت اقطع رزق احد وماسويتها
لكن كان شعور الانتصار واني فعلاً اقدر اكون شي قوي لحالي حلو مره، عموماً كان عندي شوي مشاكل بالمتيريال وجودة الملابس، وبحكم ان ماعندي علاقات عامه ولا مصادر ولا معلومات عن اي شي توهقت فيها وغير ان الرسم كان ياخذ مني وقت كثييير والقطعة الوحده تحتاج يومين الى ثلاثه عشان تجهز، شغلي:
وطبعاً مع الوقت الكثير الي احتجته وماقدرت انجز شي خسرت خسارة ساحقه ? واهلي لعنوني عالفلوس الي صرفتها عالفاضي وتحطمت وحسيت اني معد اقدر اكون انسان ناجح وخلاص قفلت الفكرة من راسي للابد ?
بعمر الـ١٨، كان عندي صديقة اثق فيها جداً وخريجة ادارة اعمال، ونصحتني نرجع نفتح براند جديد بسبب انها كانت تشوف ان عندي قُدرة وافكار مُختلفة.. بس هالمره نخطط صح .. وفعلاً بدينا.. وحددنا كل الاساسيات ( عن طريق تجربتي السابقه بالشغل والاخطاء الي صارت وخبرتها العلمية )
اهم الاشياء الي كان لازم ما اغلط فيها:
١- اختيار الشريك المناسب ( وضروري تعرف قدراتك هل تقدر تشتغل لحالك ولا تحتاج احد يساعدك ) فكرة انك تعتقد تقدر تشتغل لحالك وبعدين تكتشف انك ماتقدر بتخرب عليك شغلك .. فكر فيها اكثر من مره واعرف وش تقدر تسوي وايش ما تقدر
١- اختيار الشريك المناسب ( وضروري تعرف قدراتك هل تقدر تشتغل لحالك ولا تحتاج احد يساعدك ) فكرة انك تعتقد تقدر تشتغل لحالك وبعدين تكتشف انك ماتقدر بتخرب عليك شغلك .. فكر فيها اكثر من مره واعرف وش تقدر تسوي وايش ما تقدر
٢- الجودة المناسبة، عندك خيارين:
١- تبيع قطع بجودة عاديه باسعار عاديه وتربح فلوس
٢- تبيع قطع بجودة ممتازة باسعار مناسبة وتربع فلوس وسمعة واسم قوي بالبزنس
وطبعاً شفتو اخطائي بالبراند الاول وكيف خرب علي هالشي، ف قررت ادور على كواليتي كويس واخذ مني وقت كثير على بال ما القى
١- تبيع قطع بجودة عاديه باسعار عاديه وتربح فلوس
٢- تبيع قطع بجودة ممتازة باسعار مناسبة وتربع فلوس وسمعة واسم قوي بالبزنس
وطبعاً شفتو اخطائي بالبراند الاول وكيف خرب علي هالشي، ف قررت ادور على كواليتي كويس واخذ مني وقت كثير على بال ما القى
٣- الوقت ! موضوع الوقت واني اقدر اطلع منتج كويس بوقت مناسب وكمية متوسطة كان مره مهم .. والحمدالله اجتمعت هالثلاث الاشياء بعد شغل وبحث وتجهيز وبديت .. كنت مره خايفه بالذات ان اهلي كانو يهددوني وربييي لو تخسّرينا للمره الثالثه ياوييلك?
حطيت اهدافي قدامي والي كانت ان المنتج حقي يكون فيه فكره وان الناس لما تلبسه يكون يعبر عن شخصيتها مو مجرد لبس! استعنت بمصممين وفنانين عشان انوّع الشغل وما يكون من وجهة نظري بس ! وهذا الشي ساعدني كثير وخلى عندي ابداع اكثر لاني اشتغلت مع مبدعيين ثانيين وتشاركنا افكارنا
بديت بميزانية بسيطة ، بديت بإعلانات عن طريق الناس الي اعرفهم بس وهنا بتويتر .. والحمدالله بديت ، تحسبون انتهت الاخطاء وخلاص نجحنا واو؟ لا لا حبايبي تعالو تعالو
كانت البداية مبشرة بالخير والناس عجبهم الشغل الحمدالله ومشينا شوي شوي وغطينا راس المال خلال اول ٥ ايام من افتتاح البراند ( ماشاءالله ) ، بعدها بدت المشاكل زاد الضغط علينا وزادت الاخطاء والناس كان يوصلهم اشياء مو طلبهم وناس تتأخر وناس وناس... كان اصعب شي كيف اتعامل مع هذي المشاكل
كنت اواجه اخطائي واعوضها قد ما اقدر، كان يهمني سمعة البراند اكثر من كل شي واهم شي ان الناس يعرفونه بالجودة الكويسة، حطيت ببالي اهداف جديدة اني انشر البراند قد ما اقدر وفعلاً حطيت المنتجات ف محلات لوكال براندز والناس صارو يعرفونه شوي شوي ..
صارت مشاكل برضو مع المحلات، صار عندي ضغط بالفواتير والتكاليف وغيرها وكنت اتعب كثير واعطي اكثر من ما اخذ .. بس ماكان عندي مشكله لاني كنت اقول عادي بعدين اذا انشهر البراند راح اسوي شغل افضل وراح ارتاح.. (طبعاً للحين ما ارتحت?) ولكن انجزت !
وصلت منتجات البراند ل٩٠٪ من مناطق المملكة، وتعرفت على مناطق جديدة ماكنت ادري انها موجوده اصلاً ? شغلنا صار ارتب، افضل، شعور الانجاز نهاية الشهر مقدر اوصف لكم جماله ! ايش السر ؟
كل شي حسبنا حسابه، كل شي اشتغلنا صح، التعب كان مو طبيعي لكن صبرنا متأملين الافضل، والحمدالله... كل شخص وصلته منتجات البراند كان مبهور جداً بالكواليتي والشغل.. اخيراً نصيحتي لكم..
مافيه شي سهل ابداً، مهما كان عمركم صغار او كباار ماله دخل ابداً بقدراتكم على انكم تنتجون شغل ! كل الي تحتاجونه تتعلمون كيف تسوونه صح .. ابدو مره ومرتين وثلاث.. لو عشر ! بالاخير بتنجحون فيه دامه شي انتو حابينه ! انا اتعب كثير بالبراند لكن التعب هذا له لذّة مو طبيعية لانه شي لي!
لا تتحطمون من اخطائكم! الخطأ هو الشي الوحيد اللي بيعلمكم كيف تشتغلون صح ! واخيراً ادري اني كثرت وتفلسفت واجد بس انا من الناس الي تنجز واحب اشوف ناس تنجز ، طلعوا ابداعكم والله يوفقكم جميعاً?
جاري تحميل الاقتراحات...