فيه قصة مبكية جدًا صارت لصديق مؤخرًا والله ما عمري شفت هالة حزن زي اللي فيه، وجهه عليه أشد علامات الخذلان و الخيبة!
بسبب زوجته ناكرة الجميل حسبي الله على فعلها. بتكلم عن قصته مو بسبب نهايتها وفعل زوجته، عشان أوريكم تضحيات الرجال في زمن الزهايمر.
بسبب زوجته ناكرة الجميل حسبي الله على فعلها. بتكلم عن قصته مو بسبب نهايتها وفعل زوجته، عشان أوريكم تضحيات الرجال في زمن الزهايمر.
هذا الشخص تزوج من فتاة بالعشرين، عندها طموح دراسي بس لاتملك أمكانيات تساعدها، فكان زوجها خير معين وكان داعم لها في مسيرتها التعليمية، المهم درست إنتساب وأجتهدت، و زوجها ما ضغط عليها ولا جاب سيرة الحمل نهائيًا بل كان هدفه الأساسي تعليمها و تحقيق حلمها.
وقدرت تجيب معدل عالي جدًا وتم قبولها في الإنتظام، وكان حلمها تكون معيدة في الجامعة ولهذي الوظيفة شروط كثيرة جدًا، ومن ضمن الشروط تجيب درجة معينة في الأيلتس وبما أنّ هذي الوظيفة عليها تنافس لأن قسمها يقدم مقعد واحد فقط كل سنة كان مطالب منها تجيب أعلى درجة ممكن في الايلتس.
درسها زوجة في أفضل معهد اللي هو برتش كونسل، وكان سعره خياللللي تكلفت الدراسة فيه بحدود 30 الف وقدم لها المبلغ، وفوق هذا كان متجنب موضوع الحمل عشان ما يضغط عليها، وبعد سنوات تخرجت لكن لم تقبل، بسبب أنّ من ضمن الناس اللي دخلوا في المنافسة كان معهم شهادة ماجستير ترفع نقاط الترشح.
كانت زوجته حزينة و مكتئبة بسبب اللي حصل، ولمحت له عن موضوع الماستر، وكان هدفه يبعد الحزن عنها فسألها عن امكانية قبولها السنة الجاية، قالت فيه أمكانية أنقبل اذا جبت الماستر بس اذا جبته من برا راح يكون قبولي شبه مضمون. الزوج هذا كان عنده قطعة أرض كان مخطط يبني بيت العمر فيها.
فكر في الموضوع كثير، و باع الأرض عشان تبتعث في الخارج، طبعًا ذيك الأيام كان الإبتعاث مستحيل وكان محصور على ناس معينين قبل منحة الملك عبدالله رحمه. بعدها سافروا لبريطانيا وجابت الماستر وقدمت وبعد عناء طويل أنقبلت وصارت معيدة وترقت لين صارت دكتورة، وعاشوا حياة جميلة.
و الله رزقهم بأبناء، لكن الفاجعة المريرة الزوج تعرض لحادث خطير سبب له مشاكل كثيرة في الحوض ومن ضمن هذي المشاكل ضعف في قدراته الجنسية، وكان يمر بأسوء أيام حياته وصابه إكتئاب من هذا الحادث لكن اللي زاد حالته سوء أنّ زوجته بدال ما تكون خير معين وسند له، طلبت منه الطلاق.
و جاته بأسلوب طيب ووضحت له مشاكله وأنها ماتقدر تعيش بسبب هذا الشيء، يقول انا انجلطت حسيت بحرقة في صدري واللي غبني وقهرني أنها جايه بأسلوب طيب يقالها تطيب خاطري بكلامها الصاعق، بقول رفضت طلبها وقلت لها أنتِ ناكرة جميل ولا فيك معروف، وأشتدت الكلام بينهم لدرجة أنها قالت له ...
"أنت منت رجال" شفتوا القذارة؟ رغم أن عندها أعلى الشهادات الأكاديمية إلا أنّ مفهوم الرجوله عندها فقط بالفراش?? يقول طلعت من البيت وبكيت في سيارتي مو من كلامها، بسبب اللي قدمه لها وبسبب التشتت اللي بيصير لعياله. في الأخير راحت للمحكمة وخلعته!
يقول تدمرت داخليًا وثقتي بنفسي أنهزت، فوق الحادث اللي أثر علي عضويًا و نفسيًا تدمر بيتي وتشتت أعظم إبتلاء جاني في حياتي، زوجتي دعمتها طول عمري، وقدمت لها اشياء ما كانت بتحلم فيها في بيت اهلها، خليتها تتوظف في زمن كان توظيف المرأة عيب حتى ولو كان في مكان مشروع ولا فيه اختلاط.
وفوق هذا ما عمره طلب شيء من راتبها، لدرجة أنها كانت تبغى تساعده في حاجة لكنه رفض، يقول راتبك لك ولعيالك، وكان شايل مسؤوليات البيت و العيال. يقول بعد الخلع تعايشت وتقبلت الموضوع وعرفت أنه ابتلاء من الله سيعوضني عنه في الجنة. لكن بعد فترة رجع له الحزن..
رجع له الحزن يوم عرف أنّ طليقته تزوجت واحد أصغر منها وعايشه معه حاليًا، يقول انقهرت من هذي الناكرة الوقحه كل اللي قدمته راح سراب وفي الأخير تخلعني وتاخذ بزر أصغر منها، يقول حسيت بنقص كبير وكل المشاعر اللي انهكت جسدي رجعت وكأن الحادث قاعد يعيد نفسه علي.
جاري تحميل الاقتراحات...