١. اتصالات الزهرة وبلوتو في خريطة الميلاد اتصالات ثقيلة ولازم هتلعب دور قوي في حياتك العاطفية والمادية. سر الاشخاص دي انها بتعرف تعتمد علي جاذبيتها لما تحس ان الموقف يستدعي ذلك و في نفس الوقت هتلاقي الشخص عنده القدرة انه يبقي قبيح للغاية لو عايز. هو الجميل والوحش في نفس الوقت.
٢. الزهرة بتمثل القدرة علي الجذب ولما تتصل ببلوتو ده معناه ان الشخص قدرته جداً عالية علي جذب اي شئ هو عايزه سواء كان الشئ ده ايجابي او سلبي ولذلك جزء من الاشخاص دي ممكن تتحول لضحايا رغباتهم لو نسبة ادراكهم ونضجهم قليل وده ممكن يظهر بشكل قوي في اتصالات زي التربيع والمعاكسة.
٣. صعب شخص عنده اتصال بيجمع بين الزهرة وبلوتو وتلاقيه بيميل للعلاقات السطحية والبسيطة بالعكس اغلبهم بيميل لفكرة التقديس او الانتماء لشخص واحد حتي لو الشخص ده بيعذبهم مش هتفرق معاهم هيكملوا طالما عايزين يكملوا وفي الاغلب هتلاحظ انهم بيحبوا يستمروا في العلاقات اللي بتدفعهم للجنون.
٤. تربيع او معاكسة الزهرة لبلوتو تحديداً بتدفع الشخص بدون وعي لعلاقات معقدة او علاقات مع اشخاص معقدة وعادةً هتلاقي ان اغلبهم بيدخل شراكات، صداقات مع اشخاص ليها سلطة ونفوذ او بتسعي للسلطة وللنفوذ وفي اسوأ الاحوال هتلاقيهم بينجذبوا لنوعيات مسيطرة، شكاكة خاصةً لو في خريطة ست.
٥. المميز في اتصالات الزهرة وبلوتو ان دي الاشخاص اللي ممكن القدر يخليها تقابل شخص وتحبه ويغيرها للأبد وعشان كده بتفكرني بفيلمي المفضل "الجميلة والوحش" لأن علاقات الشخص ده من سن صغير هتكون ليها تأثير كبير عليه ويا تخلق منه ملاك يا شيطان مفيش وسط هنا كالعادة.
٦. مع اتصالات بلوتو والزهرة في رغبة كبيرة جداً للحب، للانتماء لشخص واحد، للضياع في عيون اللي بتحبه بدون خوف او شك. مشاعرهم صادقة ولكن تصرفاتهم مراوغة وده بسبب خوفهم من قوة مشاعرهم وامكانية تعرضهم للرفض فبيشوف انه يرواغك ويختبرك الاول افضل ما يظهرلك عمق وقوة مشاعره اللي ممكن تخوفك
٧. الاشخاص دي بتقع في الحب بسرعة وبتتعلق بالاشخاص بشكل اسرع وعشان كده بيبقي صعب يتخيلوا حياتهم من غيرك حتي لو العلاقة فشلت ومفيش منها امل و ده مش هيحبطهم ودي المشكلة ان اغلبهم مش بيهمه اذا كانت رغباته دي هتدعمه ولا هتدمره وعشان كده يعتبروا متطرفين وغير متزنين عاطفياً احياناً.
٨. اتصالات الزهرة وبلوتو بتخلق فنانين واشخاص عندها ذوق واسلوب قوي جداً وهتلاقي ان رسالتهم عميقة وهادفة. تعبيراتهم، لبسهم، سلوكهم جداً مميز ومغري وصعب ماتحسش بالضعف تجاهم خاصةً اتصالات زي التسديس والتثليث وكل الاتصالات بصراحة بين الزهرة وبلوتو ليها جانب رائع ومؤثر.
🕊 الأكيد ان مفيش حاجة أكيدة كل يوم هتلاقي شئ بيجبرك علي تغيير وجهة نظرك وكمان توقعاتك وهي دي متعة الحياة. مش مهم هيحصل ايه بكرا او بعده او حصل ايه من يومين او حتي من سنة! تأكد ان دايماً عندك فرصة 🌟
بحبكم أبطالي 🦄💜
بحبكم أبطالي 🦄💜
جاري تحميل الاقتراحات...