بنات تتذكرون قبل سنة حكيتكم قصة صديقتي اللي ابوها زوجها بالغصب ع شخص كبير وما تبغاه ؟
بعيد القصة عشان الجدد، هذي صديقتي عاشت ف بيئة قاسية من الصغر وأبوها يزوج البنات وهم م تعدوا ال١٥ ع اي رجال يعجبه .. و جاها واحد مره كبييير بس معاه فلوس وغسلت يدها هي من الموضوع و كنت اقلها تدعي بس هي من الناس اللي مو مره متعلقة بالدعاء " شفتوا كيف انكم بخير غيركم حتى ما يدعي".
ووقت تجهز كذا لزواجها بس تبكي وما تبغى وما تقدر تقول لابوها لا وشخصيته شديدة ويضربهم كان وحالةكسيفة فيه حاجة مو صاحي الله يهديه مو هذا موضوعنا ،المهم ان ماطاحت الا بزوج اخس ابوها حق سكار وبنات وخراب وفوقها كبير بالسن..اخذها بس من بيت اَهلها ولا يسال عنها ولايدري عنها ومتزوج قبلها
و م طولت تقريباً أخذت ٣ او ٤ شهور حِملت،اتذكر كانت تصحيني اخر الليل تبكي و تستفرغ من تعب الحمل وزوجها مو موجود يهيت🙂💔وأبوها كمان م يرد وهي وبمنطقة بعيدة عن اَهلها..وكمان أكلها قليل لكن سبحانه رزقها بجيران كلمة عسل قليلة بحقهم،جارتها دايما تتكفل فيها وتطبخ لها و تروح وتجي عندها
رحمة ربي كانت تغشاها كل لحظة لكن حتى هذي اللحظة باقي ماتمسكت بحبال ربي كويس،لين وصلت اخر شهور الحمل وصارت تجيها حاجات غريبة وتعرفون غربة وحمل وزوج مهمل واب قاسي ودنيا صعبة زادت همومها ..مره كانت معاي ع الخط فجاة قعدت تصارخ وتبكي وتورطت اش اسوي قلت امسكي الاستغفار وانتي بمكانك!
تعبت وانا اكتب😂،بس الله يعيني واكمل عشان عندي مغزى من القصة، المهم انها جلست تقول لا و م في حل الا اني اموت وتدعي ع نفسها و نتضارب انا وهي قهرتني😂💔 قفلت مني و رجع زوجها و تشادوا ع موضوع بسيط وضربها وهي يا بالثامن يا بالتاسع وانهارت خلاص وصارت تتذكر كل حاجة:رمية ابوها،ظلم زوجها
الفقر،الغربة وذيك كانت نقطة التحول بحياتها وصارت الانسانة اللي اعرفها اليوم بنفس اليوم جلست بمكانها تبكي وتدعي دعاء تقول ما تتذكر اش قالت وتتحسب والصبح جارتها تدق وزوجها ما يرد وم عاد عرفت عنها شيء فجاة اتصلوا الو فلانة ولدت وكان بسهولة الحمدلله وباختصار رجعت لاهلها و٦ شهور تطلقت
وبدون سبب ويوم خلصت العدة جوها ارمل ،متزوج،مطلق الا العازب م جا وهي خلاص تغيرت وصارت تفصل اللي تبي واهلها تجريح واستهزاء و م جا وانتي عندنا بيجيك وانتي مطلقة ومعاك ولد كمان طنشت وجلست سنة ونص او سنتين تدعي وبيوم راحت مع امها عند جارتهم وجات صحبة جارتهم وجلست تحكي عن ولد اختها .
وتقول فلان كذا كذا وكل م خطب م تتم وودوه شيوخ م فيه حاجة وسالفة تجر ثانية الا فجاة جارة صديقتي تقول لصديقتها ذي اش رايك بفلانة تخطبينها له صبورة وتزوجت صغيره وتحملت ووو ووافقت وقالت نكلم الولد واهلها كالعادة لا تتعشمين ومستحيل وكلام يجرح و انكسفوا جا الولد وخطبها وسجدت سجدة شكر
طويلة مو عشان الزواج لا ابد لان ربي م خيبها ولان طلع عدم تمام خطبات الرجال عشان الله مخبيه لها ولانه رزقها وجا تفصيييييييل التفصيل زي م قالت وطلبت الله "اعزب،يخاف الله وبار بوالدينه ووظيفته مره حلوه،و يموت فيها وبولدها وتفاصيل تخصها م رح اقولها بس زي ما طلبت بالحرف..💪🏻❤️😍😂
والقصة صارت قبل٣سنين او اكثر وحكيتها العام بالتفصيل وقتها صديقتي طالعة مع زوجها ذا برا تدرس عوضها عن كل حاجة وظلم وكانت حامل ذيك الايام يوم احكيكم المهم انو بنتها جاها شيء بالقلب وسمعت قصص الفاتحة واستمرت عليها وتشربها ويشهد ربي ع صدقي انها برأت وكان م اصابها شيء الله يحميها 😭❤️
هذي وحدة من قصص تغير انسانة اعرفها ، وهالقصة شهدتها بنفسي من زماااان والعام كنت احكيها عشان اعلمكم كيف ربي اذا عوض ادهششش وكيف هو كريم سبحانه واليوم عدتها قصدي عشان اعلمكم ان بنتها تعافت من حاجة بالقلب رغم انهم اجمعوا طبياً مالها حل ورح تتوفى لكن كلمة الله هي العليا والفاتحة شفاء
اتذكر والله خطبتها وملكتها الاولى وزواجها كانه عزا واصلا اتذكر حياتها ف بيت ابوها الله يهديه واتذكر يوم تبكي وهي حامل بالاول ومغتربة ووحيدة ويوم تطلقت بعد ٦ شهور من ولادتها وجلست سنة ونص تدعي والان هي زوجة لرجل م يرضى عليها حرف وشايلها شيل هو واهله وكمان درست برا التخصص اللي تبيه
وصارت قريبة من الله جداً تنافس ع اليقين، وحافظه ١٥ جزء من القران وبطريقها لحفظه كامل ماشاءالله ومعاها مشروع ناجح بالسعودية غير وظيفة ومكانة زوجها وماشاءالله معطيها حب واحترام وتقدير ومحد يقدر يدوس لها ع طرف ومعاهم ولد وبنت يهبلون وهادين الله يخليهم لها وصارت انسانة راضية ومرحة ❤️
وحكت لي اتصال قبل شوية وانا اذكركم بقصتها وقالتلي تبشرني عن بنتها اتذكر ولدت وفيها حاجة بقلبها و سبحان الله برات بقراءة امها للفاتحة ومن باب اشحنكم واحمسكم ع الفاتحة ثم اذكركم بكبر حجم عوض الله اعدت قصتها وكملت عليها الجديد اللي حصل ماشاءالله تشجعوا وافرحوا واستبشروا خير 💪🏻💗💗
جاري تحميل الاقتراحات...