ثريد بسيط اتمنى منكم القراءة و المشاركة برتويت @AzizSamily @aBO1sLLO @Bo3omar22 @Msdossary7 @SaadAlSamari @Osamh_fut @Glory19MU @IRONALDO_FUT @Sohaybov #يوم_الجمعة
في يوم من الايام كان عندي اخ في عمر ال ١٨ عام كان يعاني من الالم لفتره فقررنا نروح نشوف له وش فيه في المستشفى تم تشخيصه عن طريق الدكاترة وجانا خبر انه مريض بالسرطان اجارنا وياكم ومن تحبون كلنا تلقينا الخبر بصدمه و حزن الا اخوي (صاحب المرض) استقبل الامر وحمد الله على ما اصابة ج١
مشي على خطه علاجيه (كيماوي)من الدكتور وبدت صحته تتدهور بسبب قوة العلاج ونفسيته كانت دايما مقفله بسبب ارتفاع معدل الكورتزون في الجسم عشان يقدر الكيماوي يسوي مفعوله ولكن للاسف ما نفع معاه بعد استمرار اكثر من ٣ اشهر فقرر الجهاز الطبي يسوون عملية استئصال للجزء السرطاني ج٢
وتمت العملية بنجاح ورجع للعلاج الكيماوي ولكن للاسف كانت نفس النتيجة و رجع سوا عمليتين زيادة كلها استئصال وبعدها رجع للكيماوي بجرعات اقوى على اساس يوصلو لنتائج افضل وفعلا كان فيه تحسن طفيف وصار يقدر يجلس و يسولف معنا لكن بأوقات قليله جدا وبحكم اني كنت المرافق معاه في المستشفى ج٣
كنت احاول استلطف الجو معاه عشان موضوع النفسية بحكم انها مهمه لمرضى السرطان ولكن اغلب محاولاتي انتهت بالفشل فلاحظت انه كان يحب يتفرج مقاطع الشباب الي منشنتهم فوق وكانت هي من الاشياء القليلة الي تخليه يضحك و يبتسم فصرت دايم احب اشغل له مقاطعكم وصرنا انا وياه نتفرجها ج٤
لين ما تحسن وضعه وصار طبيعي جسمه لدرجة انه صار يرجع يمارس حياته اليومية وكان وضعه الصحي في تحسن يوم بعد يوم لدرجة انه وصل فيه الاحساس ان المرض خلاص راح من جسمه فكان ينتظر موعد المراجعة عشان يشوف رأي الدكتور في التحاليل وكلنا كنا مأملين ان التحاليل بتكون كويسه ولكن ج٥
للاسف الدكتور قال له انه لسه باقي فيه نسبه في الدم وراح نرجع للكيماوي مرره ثانية اخوي وقتها جاه الخبر بصدمه بسبب انه كان عايش روتين حياتة الطبيعي من جديد ولا يبغا يرجع للكيماوي لكن لحكمه من الله ، رجع للكيماوي ورجعت حالته القديمة ما صار يرضيه شي ولا يحب يسولف و اغلب وقته نايم ج٦
وبعد صراع مع المرض لقرابة ٣ سنوات اخذ الله منيته في ليلة الجمعة اسأل الله العلي القدير ان يغفر له و يرحمه واتمنى منكم انكم ما تنسونه من صالح دعاكم
خلاصة الكلام رسالة شكر للشباب الي منشناهم فوق لإنتاجهم محتوى يسعد المتابعين بكامل الاعمار و الفئات واتمنى انكم تسعدون اخي بالدعاء له
خلاصة الكلام رسالة شكر للشباب الي منشناهم فوق لإنتاجهم محتوى يسعد المتابعين بكامل الاعمار و الفئات واتمنى انكم تسعدون اخي بالدعاء له
جاري تحميل الاقتراحات...