رتبها

#سوريا: اليوم صار في تطور خطير على صعيد الحرب السورية. في مشروع قانون اميركي اسمو "قرار سيزر لحماية المدنيين"، المشروع شبه اتصادق عليه ورح يصير قانون امريكي الو توابع على كل السوريين، والملاحظ انو معظم السوريين ما بيعرفو عنّو فلذلك رح اكتب سلسلة من التغريدات بركي بشرح الوضع شوي

قبل ما نفوت بصلب الموضوع، بتتذكرّوا العسكري السوري الملقّب بـ"القيصر" او Caesar؟
هو مصوّر عسكري لنظان بشار الاسد، انشق وهرّب معو ٥٣،٠٠٠ صورة وتوثيق لتصفيات لمدنيين وعسكريين وعيلهم. الصوّر تأكدت من كذا جهة وكانو من اوائل الأدلّة القطعية على جرائم القتل الممنهج والجماعي للنظام

بعد ما تم تأمين عملية انشقاق القيصر، في شباب وشابات ومؤسسات سورية اميركية بيشتغلو بمجال توثيق الانتهاكات والضغط (اللوبي)، لقو انو اذا اجا سيزر وحكا بنفسو قدام صانعي القرار بأميركا، يمكن يقدرو يضغطو عالاسد لوقف القتل bbc.com

bbc.com/arabic/middlee…

وفعلاً، قام العديد منن هالمنظمات- وخصصوصا @syrianetf - وجابو للقيصر لواشنطن، وعملولو سلسلة مواعيد مع نواب ومشرعين وصحفيين..والموضوع انتشر والعالم اندهشت من كمية ونوع الوحشية المّوثقة
arabic.cnn.com

arabic.cnn.com/middleeast/201…

@syrianetf طبعا القيصر انشق بال٢٠١٣، وزار اميركا بال٢٠١٤، وبأياما كان الرئيس اوباما شي بيقول بدو يدعم المعارضة، وشي بيمنع المعارضة من الصواريخ المضادة للطيران (السبب الاساسي لقتل السوريين)، شي بيحط خطوط حمر عالكيمياوي، وشي بيعمل صفقات مع الروس والايرانيين اللي عم يقتلو السوريين...

@syrianetf السوريين الاميركيين، الفهمانين الحكومة الاميركية وكيف بتشتغل، لقوا انو اهم شي فينن يعملوه هو استخدام الوثائق :
١- لتشريع معاقبة الاسد ومنعو من قتل المدنيين (يعني الامر يصير قانون اميركي، ما بس تصريح صحفي او كلمة بتروح وبتجي
٢- لتشريع قانون يساعد في منع اعادة تأهيل الاسد

@syrianetf هلّق بدون ما نفوت تفاصيل شو صار وشو العتبات ووجع الراس....المهم، ومتل ما بيقولو "وبعد جهد زهيد" وساعات من العمل والتنسيق والمصاري و و و و.... الاسبوع الماضي اجانا الخبر اليقين: تم الاتفاق بين الفرقاء بالسياسة الاميركية على تمرير مشروع قانون "سيزر لحماية المدنيين" !

@syrianetf ومشروع القانون نبارح وافق عليه مجلس النوّاب الميركي، اليوم رح يوافق عليه مجلس الشيوخ والاسبوع القادم رح يمضي عليه الرئيس ترامب وبعد ٣٠ يوم بيصير مشروع القرار قانون اميركي يجب على الجميع احترامه والتطبيق به.
وهلّق، منروح لشرح شو هوه القانون، وليش هو خطير >>

@syrianetf بس اول شي خلّينا انوضح كم نقطة:
- القانون الجديد ما اسمو "قانون الاطاحة بالاسد وقلب سوريا الى سويسرا". يعني الهدف مانو الاطاحة.
- القانون هو اداة اساسية وقانونية لحماية المدنيين بالأول، وجبر النظام لوقف القتل، والسماح والآمان للمهجريين بالرجوع الطوعي، و تسليم مجرمي الحرب..

@syrianetf فإذاً القانون شرّع اداة من اداوات الضغط على الاسد واعوانه وممولينه اللي كانو عم يفكرو يساعدوه او يحطو ايدن بإيدو.
يعني من قبل كانت جملة: "الاسد منبوذ وأي حدا يتعامل معه سيعاقب" هي عبارة او سياسة خارجية اميركية، والسياسات بتروح وبتجي.
اليوم: هذه "السياسة" اصبحت "قانون"

@syrianetf خلينا نشوف شو هو قانون سيزر لحماية المدنيين، وشو بتفرق عقوباتو عن العقوبات السابقة.
القانون: docs.house.gov

docs.house.gov/billsthisweek/…

@syrianetf ١- القانون بيفرض عقوبات علي اي شخص، مؤسسة، منظمّة او شركة تتعامل مع نظام بشار الاسد او حكومته. بالسابق كانت العقوبات تمنع التعامل مع اشخاص و مؤسسات محددة في النظام وفي مجالات محددة (المجال العسكري/الكيماوي/الطيران...الخ). اليوم: اي مموّل، اي متعهّد اي تاجر من التعامل يعاقب...

@syrianetf مثلاً: سيرياتل وMTN صرلن ١٥ سنة ما عاملين اعادة تأهيل لشبكات الخليوي. الشركات العالمية اللي كانت تقدر تشتغل عمستوى بلد بينعدّو عالاصابع (ايريكسون، سيسكو ، الكاتل وهواوي..الخ). طبعاً كانو الشركات الاميركية والاوروبية عالحالتين ما رح يشتغلو بسوريا..بس اليوم حتى هواوي ما رح تشتغل >

@syrianetf هواوي اليوم صارت تعرف اذا عملت اي عقد مع حدا الو علاقة بالنظام السوري رح تنحطّ عالعقوبات. وبالنسبة لهواوي: اكيد ما من مصلحتها تخسر سوق فيو ٣٦٠ مليون اميركي زبون بأميركا وينعمل حظر عشركاتا واصولها و و و .الخ. وفينكن اتطبقوا نفس المثال على كلشي بقا بغير صناعات وخدمات ومشاريع...الخ

@syrianetf اليوم اي دولة بالمنطقة (لبنان، الاردن الخليج، الصين، البرازيل..الخ) كانت عم تفكّر تبعت شركاتها الكبرة (بالنقل او التطوير اوالنفط اوالقطاعات المالية وغيره) رح تفكّر مرتين وتتراجع لأنو اذا صار في تعامل مع النظام رح يصير في عقوبات >>>

@syrianetf الموضوع مانو سهل: يعني نفس العقوبات تقريباً اتطبقّت عإيران بال٢٠١٠ جابتا بالارض وإجو الايرانيين تواصطوا مع عٌمان ليتقاربو ويعملو متل ما كان بدا اميركا بال٢٠١٥ (لما عملو اتفاق نووي مع اوباما بال٢٠١٥ مقابل فك العقوبات الاميركية).

@syrianetf وحتى اليوم، المظاهرات بإيران ما عم تهدا وايران (بعكس سوريا) عندا موارد نفطية المفروض اتعوّم النظام ولكن العقوبات الاميركية خلّت معظم الدول تخاف تتعامل مع ايران وبالتالي صادرات ايران النفطية شبه انعدمت (نزلت تقريبا ٨٠٪ من ٣.٥ مليون برميل باليوم لـ٤٠٠ الف برميل باليوم<

@syrianetf الاهم من كل هالحكي هو البعد السياسي لقانون سيزر:
اليوم ولأول مرّة مصيرنا (بشكل عام) غير متعلّق بمزاج وسياسات مين قاعد بالبيت الأبيض. اليوم في قانون بيملي كيف لازم تتعامل اقوى دولة في سوريا مع سفّاح سوريا.
يعني اذا راح ترامب، و إجانا شي مصيبة متل اوباما..ما مشكلة>>

@syrianetf العقوبات رح اتضل سارية لحتّى:
١- يتم ايقاف استخدام الاسد والروس للأجواء السورية لقصف المدنيين
٢- الايقاف الكامل لأي حصار (أو عمليات ايقاف وصول المساعدات لأي منطقة في سوريا)
٣- اخلاء سبيل جميع معتقلي الرأي في سوريا والسماح للمحققين الدوليين من تفقد السجون

@syrianetf ٤- توقف ميليشيات الاسد، والقوات الروسية والايرانية او اي جهة عسكرية من استهداف المدنيين والمشافي والمدارس ...الخ.
٥- تخلّي الحيوان بشار عن جميع الاسلحة الكيمياوية واليولوجية
٦- السماح للاجئين بالعودة الطوعية الامنة
٧- المعاقبة والملاحقة القانونية لمجرمي الحرب وتحقيق العدالة