رتبها

? مساء الخير يا جماعه
عشان محدش يضحك عليكوا يا جماعة.. المماليك مش محتلين لمصر...
دي جنود الدولة الايوبية.. أطفال يتامى أو محدش عارف اصلهم أو اتحطوا رضع على باب جامع أو أهاليهم اتقتلت أو اتأسرت في حروب في مصر والشام والعراق والقوقاز وفارس وإلخ.
يتبع..

سلاطين الدولة الأيوبية كانوا بيشتروهم.. ويلحقوهم بمدارس خاصة.
المدارس دي بتعلمهم منذ نعومة أظفارهم لغة وفقه وجندية.
فبيتخرجوا جنود.. يلتحقوا بالجيش مباشرة. وممكن يترقى لحد ما يبقى "باي".. يعني "الأمير/ السيد/ الأب".. زي "قايتباي" و"طومان باي".
يتبع..

عشان كده تلاقي بعض المماليك مالوش أب واتربى يتيم مايعرفش أبوه بس يعرف "الأستاذ".. دا الفارس أو الأمير أو الحاكم اللي هو التحق بمدرسته من الدولة الأيوبية.
عبر الوقت اترقوا وبقوا أمراء وقادة.. ولما مات "توران شاه" آخر الأيوبيين.. حكموا مصر.. واتأسست دولة المماليك.
يتبع..

اتجوزوا من المصريين وخلفوا مصريين.. ودي فئة من المماليك حتلاقي نفسك عارف كويس اسمه بالكامل.. زي "الكامل سيف الدين شعبان بن الناصر ناصر الدين محمد بن قلاوون".. أهو دا من الدولة المملوكية.. اسمه "مملوك".. وعمره ما كان عبد.
دا برضه كان لازم يدخل المدرسة..
يتبع..

مدارس المماليك تطور دورها بعد الأيوبيين.. ومابقتش بتضم بس الأولاد اللي ذكرناها.. بقى ممكن أسرة عادية تقدم ابنها لمدرسة "الظاهر بيبرس" مثلا.. على أمل أنه يكبر ويترقى ويكون امير.. ودي مماليك حتلاقي نفسك عارف اسمها بالكامل.
"حسام الدين لاچين بن عبد الله المنصورى "..
يتبع..

"عماد الدين إسماعيل".. "موسى بن الصالح علي".. " بدر الدين سُلامش" بن "ركن الدين الظاهر بيبرس".. أبوه سلطان أهه.. "الظاهر بيبرس" إتجوز 6 مرات منهم 3 مصريات وخلف سبع بنات وخمس ابناء.. مين فيهم اللي أمه مصرية.. ومين خلفت مملوك جديد؟
يتبع..

"علي بك الكبير" مما قيل عنه أنه ابن قسيس سكندري اتخطف منه طفل، واتباع في سوق الرقيق واشتراه مملوك اسمه "إبراهيم كتخدا".. يعني "علي بك الكبير" في كلام أنه اسكندراني واسمه برضه مملوك.
"قايتباي" وهو عنده 3 سنين باعه رجل مصري شيخ كتاب اسمه "الخوجة محمود" إلى "الأشرف برسباي"
يتبع..

محدش عارف هو ابن "محمود" وللا هو لقاه وللا خاطفه وللا ابن مين.
في التراث "حسن راس الغول".. من القوقاز.. اتجوز "فاطمة" المصرية الفيومية.. وخلف "علي" الملقب تراثيًا برضه بـ"علي الزيبق".. اللي قصص بطولاته شابها غموض وخيال يخليك مش عارف فين الحقيقة فيها.
يتبع..

في حكام لهم جذور مصرية.. وحكام مالهمش جذور مصرية المصريين اختاروهم والتفوا حواليهم "كافور الأخشيدي" كان عبد حبشي.. وحول مصر لدولة عظمى وخرج في جنازته شعبها كله "محمد علي" زيه "إبراهيم باشا" زيه.. أنتوا إيمانكم بالقومية يا ترى أفضل من الناس اللي حاربوا جوار "إبراهيم باشا"
يتبع..

وضحوا بحياتهم وأولادهم عشان بلدهم ورلاحوا حاصروا اسطنبول؟
مكانش وقتها معيار الجنسية أصلًا موجود. وقتها كان اللي بيعيش في بلد ويتقبله شعبها بيبقى منها.. المصريين ناصروا الإمام "علي" رضي الله عنه وأهل الشام ناصروا "معاوية بن أبي سفيان"..
يتبع..

دول عايزين الإمام يحكمهم ودول عايزين معاوية يحكمهم.. ولا دا مصري.. ولا دا شامي!
فاحنا بنتكلم عن 3 قرون من المماليك تقريبًا فيهم الصالح والطالح والأجنبي والمصري والنص مصري.. فقصص "أصل أصولهم مش مصرية".. بتبقى بعيدة شوية عن الواقع.
يتبع..

يعني بالمنطق دا.. أطردوا الإسكندرانية أحفاد "الإسكندر الأكبر" اللي جه احتل مصر.. عشان أصولهم إغريق... واطردوا الهوارة من الصعيد لأن أصلهم من كام قرن كان من المغرب.. واشتموا "جول جمال" اللي ضحى بحياته على أرض مصر في العدوان الثلاثي عشان كان سوري!
#cop

التصنيفات

المزيد من هذا الكاتب

مواضيع ذات صلة

الأكثر اعجابا

التصنيفات

المزيد من هذا الكاتب

مواضيع ذات صلة

الأكثر اعجابا

فك الثريد