رتبها

عُمـر سـلامة

8 تغريدة 53 قراءة Dec 10, 2019

ثريد
من اخطر المظاهر على المجتمع (المستلبين فكرياً)
واكيد المقصود الإنبهار بالحضارة الغربية واخذها مظهر للنجاح ومحاولة نسخ تجربتها بحذافيرها
والنظرة للنجاح المادي كمعيار وتناسي النجاح الاجتماعي
بتحول الإنسان لمسخ مقلد قد يبرر ليك لأي ضرر مجتمعي بالنجاح المادي
??

تقول ليهو نصف اطفال اوربا تقريباً غير شرعيين واغلبهم مجهولى الأبوين يقول ليك عادي مش عندهم ناطحات سحاب؟(1)
تقول ليهو ٤١ مليون حالة إجهاض حصلت السنة الفاتت بس يقول ليك المشكلة شنو مش بصنعوا عربات؟ (٢)

تقول ليهو عندهم اعلى نسب إستهلاك للعلاجات النفسية ومضادات الإكتئاب واعلى معدلات الإنتحار
يقول ليك بس عندهم اسرع قطر في العالم (٣)
تقول ليهو عندهم اعلى نسب تحرش واغتصاب في العالم وهم اكبر منتجين ومصدرين ومستهلكين للإباحية في الكوكب
يقول ليك لكن شوارعهم نضيفة (٤)

يا حاج ديل المعيار فلت منهم وبقو يسمحوا للزواج من الحيوانات وزواج نفس الجنس (الشذوذ) وحالياً بيطالبوا بتقنين البيدوفيليا (جِماع الاطفال)(5)
يقول ليك شفت صورة الشرطي الأنقذ كديسة؟
طيب الامراض الجنسية وصلت لمراحل خطيرة وبقولوا انهم حيفقدوا السيطرة(6)
يقول ليك اسلام بلا مسلمين

وهكذا وهكذا خلط مقرف لمفهوم النجاح وتفكير كسلان و مدمر للوصول للحضارة
واختذالها في التطور المادي
العقل الواعي بيفرز احتياجاته وبيحدد السيء من الكعب ويستفيد من جانبهم المادي من الأخذ بالمسببات المادية وبكون هدفو صنع حضارة اقوى واحسن مش التتبع ليهم وخلاص

المشكلة بعد كل العبادة والتمجيد للتقدم المادي الغربي بجيك العلماني والملحد العربي بدل ما يطالب بتطوير مناهج التعليم او زيادة ميزانية البحث العلمي يقول ليك نمنع الدين و نحترم حقوق الشواذ ونحلل الخمر.. الخ
اي حاجة تخلينا نتساوى مع الغرب في الانحطاط الإنساني وانتكاس فطرته وإنتهينا

وبكدا بنكون لا لمينا في اخلاقنا ومجتمعنا
ولا لحقنا التقدم المادي
ربنا يصلح الحال
#مشطوب