اليوم قاعد اسمع بودكاست دكتورة سمية الناصر وصراحة اقشعر جسمي من جملة قالتها، قالت: لاتنتظرون توصلون للقاع عشان تتغيرون، لأن وقتها التغيير رح يكون بألم مو بحب واقسى شعور انكم تتغيرون تحت تأثير الالم والصفعات... that hit close to home

بـ٢٠١٨ عشت موقف غيرني جذريا لدرجة ماكنت اقدر احس باي مشاعر وقتها
وصلت مرحلة اني جبت ورقة وقلم وكتبت اسم كل شخص زق بحياتي وقعدت اشطب واشطب لين صفيت على عدد قليل مره ومن وقتها خلاص وعدت نفسي اني اكون اول واحد لنفسي ودايما اختارها قبل اي احد، استوعبت ان انا اهم من اي احد مين ماكان..

تعلمت ان كلماتي واسلوبي وتصرفاتي ممكن تكسر/تجرح احد فدايما اختار اني اكون طيب وحنون لان ماعرف الناس وش تواجه، عرفت قيمتي وعرفت ان الشخص الي مايستحقني ويساوم على قيمتي ماحتاجه بحياتي، كسبت نفسي وبديت احبها اكثر من اي احد، صرت احب اواجه عشان اريح بالي، وتغيرات كثييييررره

صح ان كل التغيرات هذي ايجابيه بس it was not worth it مقارنة بالالم الي مريت فيه بس الحمدلله دايما فيه حكمه بالموضوع تخفى علينا او نجهلها، من وقتها الى يومنا هذا احس الحياة مو قادرة توقف تراضيني ويوم ورا يوم وهي تسعدني، ختاما تذكروا ان الكارما ولعنات الرب ماتنسى احد ابدا ?.