1/الساعه ١ ونص منتصف ليلة الفض والأنباء متواتره عن انه الفض حيتم الليله جاني اتصال من صديق قال لي خلاص مافي شي حيحصل الليله وممكن شان تطمن تمشي القسم الجنوبي حتلاقي الشكله مدوره بين الشرطه والدعم مرقته من القياده مشيت الجنوبي ومن بعيد واقف شايف كميه من العساكر وهم بقلعوا الكاكي
2/ رجعته القياده اتطمنت على الأوضاع والشباب في الخيمه واتفقت معاهم اني حاحاول بكره احصل الفطور في الخيمه والساعه 3 مرقته مشيت البيت لاني مسافر الفجر مدني وبرجع العصر
النوم ما جاني ومتابع اللايفات والساعه ٥ الا تقريباً بدت التحركات الغريبه طوالي مرقته من البيت وجري على القياده
النوم ما جاني ومتابع اللايفات والساعه ٥ الا تقريباً بدت التحركات الغريبه طوالي مرقته من البيت وجري على القياده
3/انا في الشارع بضرب التلفونات وبتابع اللايفات عرفته انو الفض بداء لمن وصلته تقاطع الجمهوريه مع ألمك نمر لقيت الشوارع مقفله وممنوع الدخول للقياده تماماً وصوت الرصاص بدأ يظهر
طوالي حاولت ادخل من اتجاه شارع السيد عبدالرحمن لكن لقيت عساكر المنطقه المركزيه قافلين الشارع في تقاطع المك
طوالي حاولت ادخل من اتجاه شارع السيد عبدالرحمن لكن لقيت عساكر المنطقه المركزيه قافلين الشارع في تقاطع المك
4/ نزلته وبقيت بتشاكل معاهم انو لازم ادخل وانو اخواني جوا في لحظه اتلفته لقيت صاحبي عربيته واقفه جمب مستشفى جعفر بن عوف ولقيته برضو معاي بشاكل وداير يدخل طمني انو اغلب الناس ألفي الخيمه قدرو يطلعوا وهم في مكان آمن اللحظه ديك كان الدعم جوا علينا ده وبقوا يضربوا ذخيره شان يفرقونا
5/ دخلنا جوا مستشفى جعفر بن عوف وبقوا شغالين يمشوا الشارع يقبضوا من طرف ويضربو اي زول بعد نص ساعه بقوا بعيدين شويه فقررنا انا وصاحبي انو لازم نمشي فضيل لانو اكيد حيكون في مصابين وحيجوا هناك لحدي 8 ونص مافي مصاب قدر يصل فضيل بعد كده جات الإصابات بالكوم وبقينا جارين في مساعدتهم
6/الساعه ١٠ ونص اتصلوا الشباب من رويال كير وقالو محتاجين دم من استاك مرقنا استاك والكم متر من فضيل لاستاك كانت عمليه انتحاريه بمعنى الكلمه كان في ارتكازات من الدعم كل رأس شارع بس الله لطف وزغنا منهم كلهم وجبنا الدم فضيل وبعد كده وصلناه رويال كير وهناك شفنا المأساة الحقيقيه
7/في الطريق من فضيل لرويال كير كانت الخرطوم زي مدينة أشباح فارغه تماماً من اي حياة الا رائحة الموت وصوت الذخيره سلمنا الدم رويال كير الساعه ٢ تقريباً وقررنا اننا لازم نصل المعلم نتطمن على ناسنا الهناك والوضع كيف الساعه ٢ ونص كنا تقريباً اول ناس دخلوا محيط القياده من بره باعجوبه
8/ في المعلم كانت الجثث بالعشرات وممنوع اي زول يطلع اتطمن على الشباب ورجعنا فضيل وبقينا نفكر في توفير الفطور للناس ألفي المستشفيات
الساعه ٤ مشيت طلعته ناس من فضيل وديتهم الخرطوم ٣ واركويت قبل الفطور بنص ساعه انا كنت الكائن الوحيد المتحرك في شارع الستين وماشي على المعلم تاني
الساعه ٤ مشيت طلعته ناس من فضيل وديتهم الخرطوم ٣ واركويت قبل الفطور بنص ساعه انا كنت الكائن الوحيد المتحرك في شارع الستين وماشي على المعلم تاني
9/ دخلته محيط القياده من مدخل وزارة التربيه والعسكر قاعدين يفطروا وقفوني في مدخل صالة المعلم اقنعتهم اني جاي من مدني حسي ولازم اطلع اختي من المستشفى الوقت داك كانو سمحوا للناس تطلع لكن بتدقه وتتكسر الكمرات وبتتفتش التلفونات وممنوع خروج الأطباء المهم مرقته خمسه انفار من المعلم
10/ من المعلم رجعته رويال كير ومن هناك كان لازم ارجع امدرمان لانو معاي ناس لازم يصلوا بيوتهم وانا لازم ارجع
المسافه من رويال كير للعباسيه اخذت مني قريب ال٤ ساعات كلها مرور بين المتاريس وهروب من نقاط الارتكاز للدعم السريع دخلته البيت ١٢ بالليل ومافي قلبي وعقلي غير الموت
المسافه من رويال كير للعباسيه اخذت مني قريب ال٤ ساعات كلها مرور بين المتاريس وهروب من نقاط الارتكاز للدعم السريع دخلته البيت ١٢ بالليل ومافي قلبي وعقلي غير الموت
جاري تحميل الاقتراحات...