تدرون اني من ٢٠١١ كل سنه اسوي حساب جديد بتويتر اهرب من خالي المطوع الين اكتشفت انه يقفط حسابي من بنته اللي كنت اعطيها كل حساب اسويه ويوم قررت اقطعها كان متعلم فنون التهكير وصار هو يقفطه من خلال البحث والتحري
ميزة خالي المطوع انه يحب يجود بالخير على اللي حوله يعني اذا لقى حسابي مايكتفي فيه هو بس لا لازم يعلم خالاتي وعماني وش اكتب وش اقول لمين اسوي لايك ورتويت
طيب ليه اقول خالي (((المطوع))) لانه اذا شافني حطيت لايك على شعر غزلي قاله قيس وهو طفشان لليلى المسكينه يحسب اني اتغزل بولده البومه ويروح يعلم ابوي ان الايك هذا مقصود
طبعا هذا هو نفسه ولده اعتقد انه شاف ان بيني وبين ولده قواسم مشتركه كثير ومن اهمها الفشل
المهم ٢٠١٥ اخيرا تعلمت شي جديد واللي هو اني اقدر اسوي حساب وماعلم بنات خالاتي فيه وماخلي احد يقرب لي يعرفه والحمدلله ارتحت لمدة سنه لين ماتفاجات ان اصلا كل الناس يعرفونه وانا الوحيده اللي ماعرف انهم يعرفونه
بس الغريب بالموضوع ان خالي ماعرفه ثم يوم بحثت بالموضوع لقيت انه ب ٢٠١٥ كان مشغول بحياته الخاصه اللي قررت ب ٢٠١٥ انها تخليه ينشغل فيها ويترك العالم المهم اني تركت حسابي اللي ب ٢٠١٥ بسبب اني قررت اكون ناجحه وانشغل بحياتي وللاسف كان هذا اول و افشل قرار اقرره بحياتي
لاني بنفس السنه بعد ماتركت حسابي بتويتر اكتشفت اني رسبت بالرياضيات وماده ثانيه يتعذر علي ذكرها مما ادى لسلسلة من التخبطات التي ادت الى دخولي التاريخ
لا دقيقه ابقولكم المفرق اللي دخلني تاريخ
طبعا بقوله عشان تحاولون تتفادون مثل هذي المفارق الخداعه اللي تظن فيها انك اخيرا راح تتجه لطريق الصواب طريق النجاح لكنك في الحقيقه تسقط بحفره عميقه جدا مالها طريق خروج
بثاني ثنوي الترم الثاني فجاه صحيت على نفسي فجاه حسيت ان فيه شي غلط يصير بحياتي فجاه اكتشفت ان عندي واقع لازم اعيشه عندي واقع لازم انقذه وقررت اشد حيلي واصير انسانه ناجحه يعني تخيلو الترم الاول بثاني ثانوي كانت نسبتي ٥٩ بدون اي مبالغه الترم الثاني صارت ٨١
المهم يوم شفت اني جبت ٨١ حسيت اني ذكيه اكتشفت اني يو كان دو ات وقررت اشد حيلي اكثر ومريت بسلسلة نجاحات كنت فخوره فيها جدا لين انصدمت بالواقع وان الانسان يحصد مازرع وانا كانت جذوري فاسده
وبس والله لحد يضحك عليكم ويقولكم انسى الماضي ووش هببت يمديك تصحح الحاضر لاياحبيبي هذي دنيا مافيها ديليت للي سويته كل شي سويته راح تاكل زق عليه عاجلا او اجلا
طبعا هذا الثريد كله تبرير لليه انا اكره كلمة يو كان دو ات
لا نسيت اني كنت ناويه اكتب قصه نجاح بعد مادخل سعود قانون وحسيت ان بينبي وبين الراجحي يوم كان يبيع مساويك قدام المسجد نفس الطاقه الفرق اني كنت اغازل الحلوين بتويتر
الحمدلله بالاخير كتبت قصه لكن الفرق انها قصة فشل
وبس والله خلصت سالفتنا اليوم
جاري تحميل الاقتراحات...