(استقبال حوادث قصر العيني الساعه ٣ الفجر) يدخل علينا راجل اربعيني شغال في تقطيع الرخام شايل دراعه مقطوع تماما ودراعه ماسك بالجلد بس وجاي من السفر ٣ ساعات بمنظره ده علشان يوصل القصر العيني دخل الراجل وبص عليه دكاتره عظم واوعيه وتجميل وقررو انهم يدخلو عمليه مع بعض يوصلو الدراع (١)
الراجل نزف كتير فمحتاجين دم للعمليه المهم كل ده وعامل الوقت مهم جدا في العمليه دي خصوصا انه جاي من السفر ، كل حاجة تتجهز بمجهود رهيب ويلبس لبس العمليات ويلا هندخل يطلع فصيله دمه مش موجود في بنك الدم عندنا ولازم يشتري من بره فكده العمليه واقفه علي الكيس ده والوقت بيعدي (٢)
طب الحل ايه الراجل معاه راجل كبير تاني وجايين من السفر لوحدهم وماديا مش هيقدر يشتري من بره المهم الدكاتره نفسهم لمو من بعض واتصرفو في الكيس و خلاص تمام ودخل العمليات وطبعا في تفاصيل صغيره تانيه حصل فيها مجهود رهيب علشان نلحق الدراع ويدخل العمليات بسرعه (٣)
الراجل كان ماضي إقرار ان فيه احتمال بتر وده كان الاحتمال الأكبر اصلا بس بعد عمليه ١٤ ساعه الدراع اتوصل تاني بمجهود رائع وبصوره اقرب لمعجزة من تلات تيمات شغالين والمهم أن كل الكلام ده مجاني لان المستشفي حكومي من غير ولا جنيه ، الراجل يفوق تاني يوم نروح نطمن عليه (٤)
داخلين كلنا وفي فراشات في الجو وبتاع والراجل اكيد هيدعلنا ويشكرنا اول مدخلنا إذ فجأة الراجل بيسبلنا الدين علشان احنا راكبناله مسامير وهو نايم وضحكنا عليه وهو ماضي علي بتر طب يا حاج قدر حتي المجهود لا محدش قالكم اتعبو اتفضلو شيلوها يا ولاد ... ?
جاري تحميل الاقتراحات...